OZÉ (Osée) 4:9 - Kazambale lé Sebe Sauunu 1979

⁹ Maa dan Balebanzannu zé kɛlɛ lɛ bélé mi planu zé zo; maa dan we lɛdɔ lɛ wo gi wolé tawobɛ yɛrama, maa dan wolé we lɛgi pa lɛ wo kɛlɛwenu yɛrama.

OZÉ (Osée) 4:9 ပူးပေါင်းရင်းမြစ်များ

Wegɔnévɔlenu 11:31

Bé ye, mi tegele éé gooli yé tɛrɛ la; mi nyané valé wenyanékɛlɛzan nii? Wo ’ka ’wozé yé loo?

Wegɔnévɔlenu 12:14

Mi ’léé dére ma lé é dan kan lɛ fɛ zin nya, yé mi do do éé fɛ yé é bɛ panyanama yɛrama.

Wegɔnévɔlenu 5:22

Wo dan wenyanékɛlɛzan kun lɛ ébo lé wenyané kɛlɛna, alé wenyané balenu a yerean.

Ézai 24:2

Balebanzan zé é dan kɛlɛ lɛ bélé munu zé zo; minwiinzan zé é dan kɛlɛ lɛ bélé mi wuozan zé zo; minwiin le zé é dan kɛlɛ lɛ bélé mi lee le zé zo; fɛdanzan zé é dan kɛlɛ lɛ bélé fɛlɔzan zé zo; drɔnpamimazan zé é dan kɛlɛ lɛ bélé drɔngyɛzan zé zo; vɛɛnpamimazan zé é dan kɛlɛ lɛ bélé vɛɛnsizan zé zo.

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Ézékiɛl 44:10

’Bɛ ta loru, Lévinu lé wo kan kini an ma, bléyian va lé Izraɛl munu ’wo yara si an ta yé wo tawo miyilinu zuo bɛ, a bléyi va, wo dan ’wolé weple ma kle ble lɛ.

Ézékiɛl 44:12

Naa, wo munu mawe kɛlɛ wolé miyilinu ’lɛ, yé wo Izraɛl munu kɛlɛ wenyanékɛlɛzannu nya, amalé an bɛ nwa wo ma léé, ’wo nyané ble wolé weple ma. A zo lé Mizan Gakelebale a fe.

OZÉ (Osée) 1:4

Yé Gakelebale lé a lɛ léé: Bé tɔ pa Jizréɛl; naa, é vo é ziin bléyi sɛ nya, yé maa dan we lɛdɔ lɛ Jéu gɔnɔlamunu gi, nyɛ lé Jéu a zana Jizréɛl, a we ma, yé maa dan Izraɛl tɔ nyaa lɛ.

OZÉ (Osée) 10:10

Maa dan we lɛdɔ lɛ wo gi, é a an gi fɛan zo, a zo. Munu é dan zén lɛ ékema wo ma, yé wo dan gɔgɔbale vɔ lɛ wo ma wolé weple blɛn ’léé yɛrama.

OZÉ (Osée) 12:2

Fu a Éfraim lé fɛblele nya, yé éé goo yirinwanazia fu zuo; yi faa do do ma alé viéwole valé alé glawe kɛlɛle gi a gyɛna. Éé gi paan do Asirinu va, ’té woo goo nyɔnɔ nya Éjipitinu lɛ.

OZÉ (Osée) 12:3

Gakelebale a we blena Juda va, yé é dan we lɛdɔ lɛ Jakɔb gi alé tawobɛ ma, yé é dan a banwo lɛ a kɛlɛwe yɛrama.

OZÉ (Osée) 7:2

É ’ka wo gi léé, wolé wenyanénu faa sele a an gi lo; wo kɛlɛwenu wo zi lɛ sɔɔ, wo faa a an ’lɛ.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

OZÉ (Osée) 9:15

Wolé wenyané faa ta a é bɔrale Gilgal; ’bɛna lé wo sɛrɛ an gi. Wo kɛlɛwe an bli fli, amalé an dan so lɛ wo va anlé kɔn gi. Wo ’ka dan sɔ lɛ an lɛ é dɛrɛ lo; wo nwiinzannu faa a nwamimazannu nya.

OZÉ (Osée) 9:9

Wa é vɔnle bélé we lé é bɔ Gibéa yi la, a zo; wolé weple sele é dan dɔ lɛ Gakelebale gi, yé é dan we lɛdɔ lɛ wo gi wolé wenyanénu ma.

Zakari 1:6

Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.