OZÉ (Osée) 4:6 - Kazambale lé Sebe Sauunu 1979

⁶ Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

OZÉ (Osée) 4:6 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 15:3

Lɛɛ kiɛre wuo, Bale boen ’ka ’kaa Izraɛlnu lee lo, ’té Balebanzan lé éé we paan munu gi, é ’ka ana lo, ’té bélidɔwe ’ka ka lee lo.

JOB (Job) 36:12

Dé wo ’ka tɔné dɔ lɛ a lɛ lo, wo dan zamaga wo lɛ gwɔun nya, Wo lɛ é dan bo lɛ, ’té wo yuɛ a é ’wiile.

Lɛrɛvɔ Sɛbɛ 119:139

An mazannu gi san i dérenu ma, Amalé an fuu dɔle an ta éé blé bélé kyɛ zo.

Lɛrɛvɔ Sɛbɛ 119:153

’I anlé nyanéblele ye, yé ’i an vo anboma, Naa, an gi ’ka saan ilé bélidɔwe ma lo.

Lɛrɛvɔ Sɛbɛ 119:61

Mi nyanénu éé sannu vɔa an zi, Naa, an gi ’ka saan ilé bélidɔwe ma lo.

Lɛrɛvɔ Sɛbɛ 18:27

Ibo nagɔɔn‐an mi gibɔle nya mi gibɔle lɛ, Yé i we kɛla mi vɔnle lɛ alé we vɔnle yɛrama.

Wegɔnévɔlenu 10:21

Mi tegele lɔlu éé zi gɔɔn‐an mi kiɛre lɛ, yé ’tugyɛzannu éé gaan wo ’wuo gi vurule ’wo ma we ma.

Wegɔnévɔlenu 19:2

Wedɔɔle vurule mi ma ’ka é zima lo, yé mi lé éé zén‐é we va é kele éé saan.

Ézai 1:3

Dirigɔné ézan dɔɔ yé sokofalezan éé fɛ no ’é lɛ fɛan gi, é a dɔɔ; Izraɛl ’ka we do kpen dɔɔa lo; ’wuo ’ka anlé munu ta lo.

Ézai 17:10

Naa, Bale lé é ka si we gi, ka gi san ’bɛ ma, i yɔɔwuogɔlɛ sele saan i gi, azama. Ka féi pa yonu zé nya, ka dɔrɔyili suru bale bɛnu lɛ.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Ézai 28:7

Naa, Juda munu é ziin, wo dan vɔ lɛ dada nwɛ lé we ma, yé dɔrɔ ’lɛ plɛplɛ é dan wo yuɛgi nɔɔ lɛ. Balebanzannu valé balelayezannu, wo dan vɔ lɛ dada dɔrɔ ’lɛ plɛplɛ lé we ma. Nwɛ bɛn mini wo lɛ yé dɔrɔ ’lɛ plɛplɛ éé wo yuɛi nɔɔan. Woo balelawe fé dan dan dan; woo we blé yuɛgi blan nya.

Ézai 29:12

É ziin, é a bélé sɛbɛ lé wa nɔ mi lé é ’ka bɔa sɛbɛ tafele lɛ lo, a lɛ, a zo; dé wa fe a lɛ léé, bé ta fe, é dan a fe lɛ léé, an ’ka sɛbɛ dɔɔa lo.

Ézai 3:12

Nénu éé yaan anlé munu ta yé lomu a é plale wo nwiin. Anlé munu, kalé zigɔɔnzannu a ka saanna, yé zi lé ka ke tawona a ta, wa sɛrɛna.

Ézai 45:20

Ka lé ka so bɛnnu lee, ’Ka zén ékeva yé ’ka da, ’Ka bié ékeva. Munu lé woo ’wolé miyili kɔné sié Yé bale lé é ’ka bɔa wo sile lɛ we gi lo, ’té wa tɔ laan bɛ, ’Wuo ’ka wo ta lo.

Ézai 5:13

Bɛwemalé wo dan bɔra lɛ anlé munu ma fiaa yé wo go wo nya luu gi. Alé tɛrɛwɔlɛnu é dan ga lɛ lɔrɔ nya, yé alé mi gu bɔrɔ gi é dan ga lɛ ’yiminilɔrɔ nya.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Jérémi 4:22

Naa, weboen lé, anlé munu ’wuo ’ka wo ta lo, wo ’ka an dɔɔa lo, Wo ta a é vole, wo gi do kpen ’ka é kinile lo. Weple saa lé wa kɛla, Naa, wo ’ka bɔa wezin do kpen kɛlɛle lɛ lo.

Jérémi 5:21

’Kaa tavozannu lé ka bli ’ka tegele lo, ’ka tɔné dɔ we ’ko lɛ. Ka yuɛnu a, yé ka ’ka yɛrɛ yé lo; ka tɔnénu a, yé ka ’ka we do kpen maan lo.

Ézékiɛl 44:23

Fɛnu lé wo ’lɛ ke koo, fɛ planu koo, é a lé wo wolé we paa anlé munu gi. Fɛnu lé wo ke tegele koo, fɛnu lé wo ’ka tegele lo koo, é a lé wo wolé we paa anlé munu gi.

OZÉ (Osée) 13:6

Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

OZÉ (Osée) 2:13

Alé ginanawe kɛlɛle faa koo, alé fɛtinu lé we koo, alé moné dɛrɛ lé we koo, alé flinyi valé alé zénle ékeva plɛplɛnu koo, maa dan a faa yi ga lɛ.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

OZÉ (Osée) 4:12

Anlé munu éé we laan ’wolé yili lee, ’té wolé tawomayili a gi fé wo lɛ. Naa, bɔrɔdɛ kɛlɛbli wo saan, yé wo si ’wolé Bale ma baa, bélé bɔrɔdɛ le zo.

OZÉ (Osée) 4:14

Maa ’ka dan we lɛdɔ lɛ ka lunu gi wolé bɔrɔdɛ kɛlɛle ma lo; maa ’ka we lɛdɔa ka be nanu gi wolé gɔnéginile we ma lo, naa, kaboen éé goo bɔrɔdɛ lomu zuo, ’té ka valé tɛrɛgyɛwe kɛlɛlomu, ka yo baan ékeva. Tavozannu éé vlanburuwo ’wo saanna.

OZÉ (Osée) 5:4

Bɔrɔdɛ kɛlɛbli a wo gi, yé wo ’ka Gakelebale dɔɔa lo, bɛwemalé wo kɛlɛwenu wo dale Kazambale va yi ga.

OZÉ (Osée) 6:6

An lɔrɔ pale sɔ an lɛ, naa, an banle ’ka sɔa an lɛ lo; dé mi an dɔɔ, ’bɛ sɔ an lɛ é mini an banwi lé wa kyɛ blé, a ta.

OZÉ (Osée) 7:11

Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.

OZÉ (Osée) 7:9

Bɛnnu alé plɛplɛ nyaa a va, yé é ’ka a gi dɔɔa lo. É kwa gyɛ yé é ’ka a gi dɔɔa lo.

OZÉ (Osée) 8:1

’Ka béli dɔ ka lɔ ma; nyanézan éé zunwo Gakelebale lé kɔn ta bélé gola zo; wo anlé gipawe sɛrɛ yé wo anlé bélidɔwe sɛrɛ, ’bɛzama.

OZÉ (Osée) 8:12

Dé maa anlé bélidɔwe sɔnné faa gyɛ a lɛoo, éé a yé bélé bɛn bɛ lé we zo.

OZÉ (Osée) 8:14

Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

OZÉ (Osée) 9:17

Wo ’ka tɔné dɔ lɛ anlé Bale lɛ lo, amalé é dan sɔn vɔ lɛ wo ma, yé wo dan kɛlɛ lɛ nɔɔzannu nya bɛnnu méléna.

Matio 1:6

Izai David yaa. Minwiinzan David Salomɔn yaa Uri na ma;

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

Matio 15:8

Munu ’ko, woo an tɔ bɔa ’wo lɔlu nya, Naa, wo bli a é sile an ma baa.

1 Samuɛl 2:12

Éli benu a mi vɔnlenu nya yé wo ’ka Gakelebale dɔɔa lo.