OZÉ (Osée) 4:2 - Kazambale lé Sebe Sauunu 1979

² Bale ’nyɔɔnle vié nya koo, viéwole koo, nɔmaga wole koo, kyeenwole valé leginile koo, ’bɛ saa ɛ ke ana. Wa glawe kɛlɛna, ’té woo goo migyɛle nya é ke la mi.

OZÉ (Osée) 4:2 ပူးပေါင်းရင်းမြစ်များ

Wepélisiananu 4:8

Naa, duowo, Kain lé é zuané Abɛl lɛ léé: Kaa go féi. Wa féi bléyian va, Kain baa é zuané Abɛl ta, yé é a gyɛ yé é ga.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Ézai 48:1

’Kaa Jakɔb lé munu lé Izraɛl tɔ ke ka ma, ’Té ka ke Juda kulunu nya, ’Té ka Gakelebale tɔ ’nyɔɔnma Yé ka Izraɛl lé Bale tɔ laan, ’Té weboen valé we drɔle ’ka ka gi lo, ’Ka tɔné dɔ we ’ko lɛ.

Jérémi 51:5

Naa, Juda munu valé Izraɛl munu lé Bale, lai sunyanu lé Gakelebale, é ’ka sɔn vɔ lɛ wo ma lo, yé Kaldé tɛrɛ la a é fanle weple nya Izraɛl lé Mi Sauun ma.

Jérémi 6:7

Fɛan zo lé ’yi éé duun‐an ’yiguru gi, a zo duo lé fla ’ko lé we lɛrɛlɛrɛnu éé nwɛɛn‐an; dé é ’ka glawe valé fɛ sɛrɛle nya lo, wo ’ka we zuo fé ana lo; wo ’ka fɛ bɛ yé lo, fɔɔ kleblelenu valé manɔnnu lé.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

Ézékiɛl 7:23

’I gɔgɔbalenu ma’lɛrɛ. Naa, tɛrɛ a é fanle migyɛle nya; fla a é fanle glawe saa nya.

OZÉ (Osée) 10:13

Ka wenaané féi pa, yé ka weple gyɛ, yé ka vié mafɛ ble. Naa, ka pa kalé wekɛlɛbɛ ta, yé ka pa kalé nyanazannu kiɛre ta, amalé

OZÉ (Osée) 10:4

Wolé wefele a é boa, dé wo valé munu a ’wo gi pana do, woo bale kunwo vié nya; we lɛdɔle wo gi gɔn é dan bɔ lɛ bélé boyiékele zo vun dan gi.

OZÉ (Osée) 12:14

Gakelebale Izraɛl si Éjipiti tɛrɛ la balelayezan do nya, yé Izraɛl tabinzan kɛlɛ balelayezan nya.

OZÉ (Osée) 5:2

Yuɛiblanzannu lé yobanle ma lé wo kɛlɛ wenyané blɛn kɛlɛzannu nya, naa, maa dan we lɛdɔ lɛ wo faa gi a we ma.

OZÉ (Osée) 6:8

Galaad tɛrɛ la flanu a wenaané kɛlɛzannu lé fla nya; mi nyɛ a é zanale ana.

OZÉ (Osée) 6:9

Balebanzannu palu a bélé mi mabɛnzannu zo, ’té woo munu gya Sisɛm lé zi ’léé; naa, wobo nɔ wenyané blɛn kɛlɛle lɛ.

OZÉ (Osée) 7:1

Dé é sɔ an lɛ léé, an Izraɛl béli, ’té Éfraim lé weple valé Samari lé wenyané ta éé bɔraan. Naa, wo we kɛlɛ dabli nya; kyeenzan wɔra kɔn gi, yé glawe kɛlɛzannu ’wii béera fɛnu ta.

OZÉ (Osée) 7:3

Wo ’wo nwiinzan blɛn gi nana wolé wenyané kɛlɛle nya, yé wo flayuɛlɛzannu gi nana wolé viéwole nya.

OZÉ (Osée) 7:4

Wo faa a mi bɛ na ginizannu nya; wa bélé burukɛlɛzan lé ’furu lé é tana, a zo; Wa yɔɔ zɔn aan wo, wo ’ka kyɛ bɛ zén lɛ a ta lo fɔɔ buruyɔɔ nwa, a zo.

Misé 3:2

Ka wezin za paan, ’té wenaané éé sɔa ka lɛ; ka anlé munu kɔlɛ boo, ’té ka wo nɛ sié wo wɔlɛ ma.

Misé 3:9

Jakɔb lé munu nwiinzannu valé Izraɛl lé mi blɛnnu, ’ka tɔné dɔ we ’ko lɛ. We tegele éé ka ta daan ka ma, ’té ka we drɔle plin‐an.

Misé 6:10

Fɛwezan lé wa ye weple ma, é ana tan mi nyané lé kɔn gii? Fɛdangifɛ lé wa wɔra ékeva, ’té é ke balepamafɛ nya bɛ, é ana mii?

Misé 7:2

Mi zin ta saan tɛrɛ ’ko la, yé mi tegele do kpen ’ka blaminu va é dɛrɛ lo; wo faa a zi bɛnna mi nyɛ zanale we ma; wo faa do do éé san vɔa ’wo bwenu lee.

Sofoni 3:1

Fla lé é ke é fanle yaamitazannu nya, tɔnégiplɛplɛzannu lé fla lé a tiri ke é dɔle, we tɔntɔn é bɔ a ma ma.

Zakari 5:3

Yé é lé an lɛ léma: Bale pale ɛ sɔɔlaan tɛrɛ faa la bɛ; sɛbɛ ’ko nya lé wo dan kyeen?-?womunu faa bin lɛ fɛkona, yé munu lé woo bale ’nyɔɔn‐an vié nya, a nya lé wo dan wo faa bin lɛ fɛkona.

Zakari 7:9

Lai sunyanu lé Gakelebale a fé turu léma: ’Ka we tegele kɛlɛ weboen nya, ’ka wezin kɛlɛ ka ke lɛ yé ka nyanai ’é zén ka ke ta.

Matio 23:35

weanwiinlomunu nyɛ faa lé munu a zana tɛrɛ la, a we dɔle ka nwiin we gi; é sia mi tegele Abɛl ma fɔɔ yé é bɔ Barasi be Zakari lé ka a gyɛ Balebangikɔn valé balebanna worona bɛ, a ma, wo nyɛ lé é zana, a we a ka nwiin.

Kelewenu 7:52

Balelayezannu va mi kyɛn ta lé ka tranu ’ka nyané pa lɛ loo? Munu lé, wo Mi Tegele dale fe é kyɛn, ka tranu wo gyɛ. Lao ka ’bɛzan liwo yé ka kɛlɛ ’bɛ gyɛzannu nya,

Bélidɔwesɛbɛ Fiézan 5:11

Té i ’yee Gakelebale, kalé Bale tɔ fe é pla lo; mi lé é ’yee Gakelebale tɔ fe é pla, ’yee Gakelebale ’é dan ’é lɛ dɔ lɛ ’bɛzan gi,

Bélidɔwesɛbɛ Fiézan 5:18

Té i le bɛ gini lo; té i gɔné bɛ gini lo.

Bélidɔwesɛbɛ Fiézan 5:19

Té i kyeen wo lo.

1 Tɛsalɔnik munu 2:15

Juifinu ’konu ɛ Mizan Jézu valé Balelayemunu gyɛ, wo ɛ nyané pa ko ta. Wo ɛ kɛlɛwe ’ka sɔ lɛ Kazambale lɛ monomono lo; wo ɛ ke munu faa nyanézannu nya.

Wegɔɔnle 17:6

Yé maa le ’ko ye é gyɛlɛ Kazambale lé munu valé Jézu lé wenayemunu nyɛ nya bélé nwɛ zo. Maa a ye aan wo, an gi vuru é baba.