OZÉ (Osée) 4:13 - Kazambale lé Sebe Sauunu 1979

¹³ Woo ’wolé balenu baan gɔnu nwiin; woo lasikɔrɔpo kyɛ blé gɔpanénu nwiin, ’bɛ valé sɛnéyili koo, pupliéyili koo, térébɛntyili koo, wo wuo, ’té wo furɔ a néné. Bɛwemalé ka lunu kɛlɛ bɔrɔdɛlomu nya, yé ka be nanu kɛlɛ gɔnéginilomu nya.

OZÉ (Osée) 4:13 ပူးပေါင်းရင်းမြစ်များ

2 Minwiinzannu 17:7

Gakelebale, Izraɛl munu lé Bale, lé é wo si Éjipiti tɛrɛ la, Éjipiti nwiinzan blɛn Faraɔn lee, Izraɛl munu wenyané kɛlɛ a ma yé wo kana bale bɛnu lee, amalé we ’ko bɔ.

2 Minwiinzannu 23:7

Bɔrɔdɛlomu lé kɔnnu lé ke Gakelebale lé kɔn gi, ’té lomu éé Asataté lé sɔkɔn dɔsɔ taan wo gi bɛ, é wo zana.

Ézai 1:29

Térébɛnt yilinu lé woo ka gi nanaan, yara é dan ka gyɛ lɛ wolé we ma. Zianféinu lé wo ke ka ginanamafɛ nya, ka yuɛ é dan tana lɛ wolé we ma.

Ézai 57:5

Ka kyɛ paan ka ke ma térébɛnt yilinu sɔnɔ, yili drɔɔdrɔɔ faa wuo, ’té ka nénu bɔrɔ boo pɛnguru gi, gɔlɛ fɛn gyɛnanu na. Yee kaan loo?

Ézai 57:7

Ka kalé yialafɛ plaan gɔblɛn torole nwiin; yee fɛkona lé ka yo baan.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 3:6

Minwiinzan blɛn Jozias bléyi va Gakelebale lé an lɛ léé: Izraɛlnu ’ka plaan an wuo lo. I a yé loo? Wo go gɔ torole faa nwiin, yé wo go yili drɔɔdrɔɔnu faa wuo, yé ’bɛna lé wo go bale bɛnu zuo bélé gɔnégini le zo.

Jérémi 44:8

Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Ézékiɛl 16:16

Ilé sɔnu si yé i gɔ nwiin yobannanu ma’lɛrɛ wo nya; i wo ma’lɛrɛ sɔ nyɔɔzannu faa nya, yé ibo nɔ gɔnénu lɛ ’bɛna. ’Bɛ zoɛ we vinin ’ka tan kɛlɛ lɛ lo, yé é ’ka dan kɛlɛ lɛ monomono lo.

Ézékiɛl 16:25

I yobannanu kɛlɛ zi faa ’léé, yé i nɔnɔmi sɛrɛ. Ibo nɔ giézannu faa lɛ, yé ilé gɔnéginilenu gi gyɛ.

Ézékiɛl 6:13

Dé wo galenu vo é diale wolé miyilinu méléna wolé yobannanu zi, gɔ nwalenu valé gɔ zoroné faa nwiin, yili drɔɔdrɔɔnu faa valé sɛnéyili kwɛɛzannu faa wuo, dé wo wo galenu ye é diale fɛfaana lé wo ’wolé miyilinu faa ban lasikɔrɔ nya, ’té wa gin sié néné, wona, ’bɛna lé wo dan a gi dɔɔ lɛ léé, maa ɛ ke Gakelebale nya.

OZÉ (Osée) 10:8

Gɔ nwiin yobannanu lé wo ke Bɛt‐Avan, ’té Izraɛlnu wenyané kɛlɛ ana, maa dan wona sɛrɛ lɛ; léliyilinu valé danan é dan tuu lɛ wolé yobannanu na. Wo dan a fe lɛ gɔnu lɛ léé: ’Ka ’bua ko ta, yé wo dan a fe lɛ gɔpanénu lɛ léé: ’Ka dia ko gi.

OZÉ (Osée) 11:2

Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

OZÉ (Osée) 2:13

Alé ginanawe kɛlɛle faa koo, alé fɛtinu lé we koo, alé moné dɛrɛ lé we koo, alé flinyi valé alé zénle ékeva plɛplɛnu koo, maa dan a faa yi ga lɛ.

Amɔs 7:17

Gakelebale léma: We ’ko ma lé i na é dan kɛlɛ lɛ bɔrɔdɛ le nya fla; wo dan i benu valé i lunu gyɛ lɛ gwɔun nya; wo dan ilé féi guli lɛ bale ma; naa, bii é dan ga lɛ tɛrɛ lé é ’ka tegele lo, a ta, yé wo dan go lɛ Izraɛl nya luu gi baa.