OZÉ (Osée) 3:4 - Kazambale lé Sebe Sauunu 1979

⁴ Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

OZÉ (Osée) 3:4 ပူးပေါင်းရင်းမြစ်များ

Wepélisiananu 31:19

Laban a ’élé ’blanu kyɛɛ bɔina aan wo Rasɛl é ti lé miyiliné si kyeen nya,

Wepélisiananu 31:34

Rasɛl miyilinénu si kɔɔn, yé é wo pa nyɔgɔmé punu nyanalafɛ wuo yé é nyana a ta. Laban sɔkɔngi?-?fɛnu faa gi fwi, yé é ’ka fɛ do ye lɛ lo.

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

2 Samuɛl 6:14

David nɛnɛ bo élé plɛplɛ faa nya Gakelebale ’lɛ, lɛnsɔ lé wa kɛlɛ éfɔdi nya, a nya é ta.

2 Minwiinzannu 23:24

’Bɛ ta loru, miléli laazanu koo, ’monédɔzannu koo, térafimnu koo, miyilinu koo, naanaafɛ faa lé wa ye Juda tɛrɛ la valé Jérusalɛm koo, Jozias wo si ana, bélidɔwe dérenu lé ke é gyɛle, sɛbɛ lé Balebanzan Ilkija a ye Gakelebale lé kɔn gi, a gi, tawole wo ta we gi.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

Fwile 28:4

Sɔnu lé wo dan wo kini lɛ, wo lé ke ’ko: golɛgiweblefɛ koo, éfɔdi koo, varɔ grɔgrɔ koo, varɔ bɛ grɔgrɔ lé pɛɛ ke é gyɛle a ta koo, nɔɔn koo, a bɔn‐in kunsɔ koo, woo lé. Wo dan balelasɔnu kini lɛ i bwe Arɔn valé é benu lɛ, wolé balebannyanama pale an lɛ we gi.

Fwile 28:6

Wo dan éfɔdi kɛlɛ lɛ kyan koo, lɛnsɔ zima lé wa tan lɛn nénéle nya, ’té a yuɛɛ ke glayivayou valé galunaa valé sɔɔn koo, a nya; wo dan a yuɛ la gɔrɔla lɛ.

Jérémi Lé Wuvɔ Sɛbɛ 2:9

Tɛrɛ zén alé duolinu ta, É a lɛ tan foliɛwɔlɛnu sɛrɛ, é wo yéli, Siɔn munu nwiinzan blɛn valé minwiinzannu a bɛnnu va, bélidɔwe ’ka ana é dɛrɛ lo. Balelayezannu é ziin, Gakelebale ’ka we gɔɔn‐an wo lɛ yuɛzi gi é dɛrɛ lo.

Ézékiɛl 19:14

Kyɛ si a kwɛɛ va, Yé é a poronu ble. A bɛ plɛplɛ ’ka é dɛrɛ Yé wo minwiinzan blɛn lé plaminwiin yili kɛlɛ a nya lo. Gyɛbodére lé ke bɛ, yé dére ’ko nya lé wo dan gyɛ bo lɛ.

Ézékiɛl 20:32

Ka léma: É sɔ ’wo lɛ léé, ’wo kɛlɛ bélé bɛngɔnɔnu zo, bélé tɛrɛ bɛ tamunu zo. É sɔ ’wo lɛ léé, ’wo yili valé gɔlɛ ban. We ’ko lé é dɔ ka gi bɛ, a lɛ ’ka dan sɔɔ lɛ lo.

Ézékiɛl 21:21

Ilé plɛplɛ zén ékeva, ’i nɔla i bɛyila; ’i dɔ, ’i nɔla i bɛbola; ’ilé gwɔun duun i zi fɛfaana.

Ézékiɛl 21:31

Mizan Gakelebale léma: Wo dan plaminwiin nɔɔn valé tɔkoro si lɛ i ’wuo ma. Wenu ta é dan vɔɔ lɛ. Fɛ lé é ke é zunle, wo dan a nwa lɛ, yé fɛ lé é ke é nwale, wo dan a zun lɛ.

Daniɛl 11:31

A dére ta lé sunyanu é dan da lɛ, wo dan fɛna sauun, kɔn plɛplɛ sɔnné sɛrɛ lɛ, yé balebanwi lé wa kyɛ blé, ’té wa no yifaama, wo dan a nɔle yi ga lɛ, yé fɛ sɛrɛle tata fɛ naané lé mi ’ka é yuɛ vɔa a ta lo, wo dan a dɔ lɛ fɛna sauun na.

Daniɛl 12:11

É sia bléyian va lé balebanwi lé wa kyɛ blé yifaama, wa nɔle yi ga, fɔɔ yé fɛ naané lé mi ’ka é yuɛ vɔa a ta lo, yé wa dɔ fɔɔ bléyi ’ko va, yi wuru suiɛdo yi yɔ ziɛn wɔlɛ vu é dan gié lɛ.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

OZÉ (Osée) 13:10

I nwiinzan blɛn a kyɛɛn? ’É i si we gi ilé fla faa ta ma. I lé yi la an lɛ léé, maa ’wo nwiinzan blɛn valé ’wo ’lɛzannu nɔ, sin, wa kyɛɛn?

OZÉ (Osée) 13:11

Maa ka nwiinzan nɔ anlé bliflile nya, yé maa dan a si lɛ an wɛwɛ nya.

OZÉ (Osée) 2:11

Bɛwemalé ’sa bléyi va, maa dan anlé ’sa si lɛ a lee; nwɛ dɛrɛ bléyi va, maa dan anlé nwɛ dɛrɛ si lɛ a lee; anlé ’blakyɛɛsɔ valé anlé lɛnsɔ lé é ’é ma yɔɔan turu a nya, maa dan a si lɛ a lee.

Lévinu 8:7

É varɔ bɛ grɔgrɔ zén Arɔn ta yé é bɔn‐in kunsɔ dɔ a ta, yé é varɔ grɔgrɔ zén ’bɛ ta loru, yé é éfɔdi zén ’bɛ ta yé é éfɔdi gɔ polu dɔ a ta.

Zakari 10:2

Naa, térafimnu dére a é pla, ’monédɔmunu éé tɛlɛ tɛlama we fé vié nya; nyɛ ginu a vié nya, yé woo mi tɔrɔ paan boawenu nya. Amalé munu a wona bwi gi bélé trubɛ palu zo. Wo pazan ’ka lo, amalé wa wenaané bɔmazannu nya.

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

WENÉNÉ LE JAN A GYE (Évangile selon Jean) 19:15

Naa, wo siaa léé: ’Bé gyɛ, ’bé gyɛ! ’Bé gyɛ yiliblan ta! Pilat lé wo lɛ léé: Maa ka nwiinzan blɛn gyɛ yiliblan taa? Balebanmunu segelenu léé: Sézaa ɛ ke ko nwiinzan blɛn nya é do kpen.

Ébrunu 10:26

Naa, dé kaa webozen dɔɔ faa yé ’bɛ zuo kaa wenyané kɛlɛ kaabo yuɛ va, ’té kaalé wenyané ma saraka ’ka lo,

Weblezannu 17:5

Bale lé kɔn do a Mika ’ko lee. É éfɔdi valé térafimnu kɛlɛ yé é be do pa é yɛrama yé ’bɛ kɛlɛ a lɛ balebanzan nya.

Weblezannu 18:14

Yé gɔné soru lé wo go Lais tɛrɛ nagini lɛ é vinin bɛ, wo lé ’wo bwenu lɛ léé: Ka gi dɔɔ léé, éfɔdi koo, térafim koo, miyili nyaale koo, miyili folile koo, wa kɔnnu ’ko gii? We lé é a lé ka kɛlɛ, ka ye sin.

Weblezannu 8:27

Jédéɔn éfɔdi do kɛlɛ a nya yé é a pla élé fla, Ofra, ana lé é kinin Izraɛl faa lé pɛnpɛnnégyɛfɛ nya; yé é kɛlɛ Jédéɔn valé élé kɔngimunu kunsan nya.

1 Samuɛl 14:3

Éli lé ke Gakelebale banzan nya Silo, a be Finé be I‐Kabɔd bwe Akitub be Akija, yee ɛ ke balebanzan nya ’bɛ bléyi va, a ta lé éfɔdi ke. Munu ’ka a gi dɔɔ lɛ léé, Jonatan go lo.

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.

1 Samuɛl 2:18

Samuɛl éé nyanama paan Gakelebale lɛ, ’té lɛnsɔ éfɔdi a né ’ko ta.

1 Samuɛl 21:9

Balebanzan a zi pa léé: Filisiti mi Goliat lé bé gyɛ térébɛnt?-?yilinu lé gɔ worona, alé gwɔun lo; sɔ a é vurule a ma éfɔdi zuo; dé ’bɛ sɔ i lɛ, ’i ’bɛ si, naa, a bɛ ’ka ana ’ko lo. Yé David léé: A tɛn ma gwɔun ’ka lo; bé nɔ an lɛ.

1 Samuɛl 22:18

Yé minwiinzan lé Doɛg lɛ léé: ’I nɔla, ’i Balebanzannu gyɛ. Yé Édom mi Doɛg nɔla yé é Balebanzannu gyɛ; munu lé wo lɛnsɔ éfɔdi zén wo ta, é wo gyɛ mi yɔ ziɛn wɔlɛ soru.

1 Samuɛl 23:6

Asimélɛk be Abiataa da vlan nya David va bléyian va, é da éfɔdi nya é lee.

1 Samuɛl 23:9

David Saul’wuogibɔrɔmawe naané dɔɔ, yé é lé Balebanzan Abiataa lɛ léé: ’I da éfɔdi nya.

1 Samuɛl 30:7

É lé Balebanzan Asimélɛk be Abiataa lɛ léé: ’I da éfɔdi nya an lɛ. Abiataa da a nya a lɛ.