OZÉ (Osée) 2:7 - Kazambale lé Sebe Sauunu 1979

⁷ Wo bu a bɔrɔdɛ le nya; le lé é wo yaa, ébo sɛrɛ; naa, é léé: An bwɛnu lé wo fɛblele valé ’yi koo, ’blakyɛɛsɔ valé lɛnsɔ koo, nyɔnɔ valé nwɛ koo, wa nɔ an lɛ, maa dan go lɛ ’bɛnu zuo.

OZÉ (Osée) 2:7 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 28:23

Damas munu lé ’bɛnu bɛ mini a lɛ, é ’bɛnu lé yonu ban, yé é léé: Naa, Sirinu nwiinzan blɛn lé yonu bɔ é va, amalé maa dan wo ban lɛ yé ’wo bɔ an va. Naa, wo kɛlɛ a diafɛnu valé Izraɛl munu faa saanfɛnu nya.

Lɛrɛvɔ Sɛbɛ 116:7

An boen, ’i go, ’i flin, Naa, Gakelebale wezin kɛlɛ i lɛ.

Ézai 30:16

Ka léé: Gba, ko dan vlan buru lɛ wisoonu nya, bɛwemalé ka dan fwi lɛ vlanburule nya. Yé ka léé: Ko dan vɔ lɛ gulidangoro lé éé sié, a gi, amalé ka zuobinmunu é dan ka zuo bin lɛ sile nya.

Jérémi 14:22

Bɛnnu faa lé miyilinu vazan do éé lɛɛ daan? taa, La ɛ lɛɛ daan? Lɛɛdazan ’ka bii Gakelebale kolé Bale nya loo? Ko bli a bii ɛ lɛ, Naa, bii ɛ ke fɛnu ’ko faa kɛlɛzan nya.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Jérémi 2:28

’Té balenu lé ka wo kɛlɛ kazé nya, wa kyɛɛn? Dé wenaané bɔ ka ma bléyian va, wo bɔalɛ léé, wo ka si we gii? ’Wo nwa ma. Oo Juda munu, kalé flanu ’léé a kiɛre fɛan zo, a zo lé kalé balenu ’léé ke.

Jérémi 2:36

Mɛmalé ka a ta kelekele wona kalé zi nɔlale we maa? Éjipiti munu é dan ka gyɛ lɛ yara nya bélé fɛan zo lé Asiri munu ka gyɛ yara nya, a zo.

Jérémi 3:1

Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Jérémi 31:18

Maa Éfraim dére ’ma, ’té éé dunnuan; I we lɛdɔ an gi, yé a lɛ a é dɔle an gi weboen nya, Bélé diriné lé wo ’ka pla lɛ a nwiin lo, a zo; Bii ɛ da an nya an pa gi, amalé an da, Naa, i a Gakelebale, anlé Bale nya.

Jérémi 31:32

Gipawe lé maa a kɛlɛ wo tinu va, yian nya lé maa wo kun ’wo bɛ ma wo sile Éjipiti tɛrɛ la we ma, ’té wa sɛrɛ bɛ, dɔlé ’té maa a wozan nya, é ’ka dan kɛlɛ lɛ bélé ’bɛ gipawe zo lo. Maa Gakelebale ɛ ke a fena.

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Ézékiɛl 16:18

Ilé sɔnu lé pɛɛ ke é gyɛle wo ta, i wo zén miyili ’konu ta, yé i wo ban anlé nyɔnɔ valé anlé lasikɔrɔ nya.

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

Ézékiɛl 20:32

Ka léma: É sɔ ’wo lɛ léé, ’wo kɛlɛ bélé bɛngɔnɔnu zo, bélé tɛrɛ bɛ tamunu zo. É sɔ ’wo lɛ léé, ’wo yili valé gɔlɛ ban. We ’ko lé é dɔ ka gi bɛ, a lɛ ’ka dan sɔɔ lɛ lo.

Ézékiɛl 23:12

A bli bɔ Asirinu ma, minisinu valé mi blɛnnu lé wo ke é pu bɛ, wo ma, ’té wa é ’lɛrɛle kaii, ’té wa wisoo tazannu nya; pɛniɛ boronénu lé lomu bli éé bɔa wo ma, wo lɔrɔ a gyɛ.

Ézékiɛl 23:22

Ooliba, ’bɛ we ma Mizan Gakelebale léma: Bé ye, maa i bwɛnu nwa i ma; munu lé i bli si wo lɛ, maa dan wo si lɛ fɛ faa do do na, yé maa wo zén ékeva i ma.

Ézékiɛl 23:4

A vininzan tɔ lé Oola, yé a zuané tɔ lé Ooliba. Wa anzé munu nya, yé wo négɔné valé nélomu yaa. Oola lé ke Samari nya yé Ooliba lé ke Jérusalɛm nya.

Daniɛl 4:17

Fɛyuɛmalenu lé woo fɛnu tabin‐é, wo we ’ko ’wuo dɔ; mi sauunnu munu béli dɔ we ’ko nya, léé, munu faa a gi dɔɔ léé, plale mi nwiin faa a é plale Loruzan wuo; dé miomian sɔ a lɛ, éé ’bɛzan plaan munu nwiin, yé éé munu faa va mi kiéné kɛla minwiinzan nya.

Daniɛl 4:25

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo, yé bé ble. Lolu é dan i kɛlɛ lɛ drɔɔdrɔɔ, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 5:21

Wa bin blaminu méléna. A bli kɛlɛ bélé winu bli zo, yé é nyana bwi gi sokofalenu va. Wo lu nɔ a lɛ bélé diri zo yé é a ble, yé lagi lolu a kɛlɛ drɔɔdrɔɔ, fɔɔ yé é a gi dɔɔ léé, plale mi nwiin faa a é plale balenu faa nwiinzan Bale wuo, yé dé miomian sɔ a lɛ, éé ’bɛzan plaan munu nwiin.

OZÉ (Osée) 1:2

We vininzan lé Gakelebale a fe Ozé lɛ, yee lo: Gakelebale lé a lɛ léma: ’I go, ’i bɔrɔdɛ le do si i na nya, ’té alé bɔrɔdɛ ta nénu a; naa, tɛrɛ ’ko sɔn vɔ Gakelebale ma, yé é vo bɔrɔdɛ le zo.

OZÉ (Osée) 13:6

Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 2:16

Bɛwemalé é sɔ an lɛ léé, maa a sia ana, yé an go a nya bwi gi, yé maa a tɔrɔ paa ’bɛna.

OZÉ (Osée) 5:13

Éfraim élé wenaané tɔntɔn dɔɔ, yé Juda élé manɔn tɔntɔn dɔɔ; Éfraim go Asiri tɛrɛ la, minwiinzan blɛn Jarɛb va; naa, minwiinzan blɛn ’ko, é ’ka bɔa ka bélile lɛ lo; alé lia ’ka bɔa ka manɔnnu nyaale lɛ lo.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.