OZÉ (Osée) 2:23 - Kazambale lé Sebe Sauunu 1979

²³ Gakelebale léma: ’Bɛ yi la, maa dan lanu dére ’ma lɛ, yé wo dan tɛrɛ dére ’ma lɛ,

OZÉ (Osée) 2:23 ပူးပေါင်းရင်းမြစ်များ

Lɛrɛvɔ Sɛbɛ 118:28

Bii a anzé Bale nya, yé maa dan i tɔ zin fe lɛ, Anzé Bale, maa dan i tɔ bié lɛ.

Lɛrɛvɔ Sɛbɛ 22:27

Wenaanébɔmazannu wo dan fɛ ble lɛ yé wo dan kan lɛ, Munu lé woo Gakelebale naginian, wo dan a tɔ nwa lɛ. Ka bli ’é vo é yuɛma yifaama ma.

Lɛrɛvɔ Sɛbɛ 68:31

I kana blɛn zén gyan gi winu gi, Wo valé dirigɔnénu palu valé munu lé dirinénu gi, Wozannu éé diaan i ’lɛ, gɔɔlifu nya wo lee. Munu lé gulidanle sɔ wo lɛ, ’i wo kini ékema.

Lɛrɛvɔ Sɛbɛ 72:16

’Sa é dan kɛlɛ lɛ di tɛrɛ la, gɔblɛnnu bɛlo ta, Yé wo nɛnɛnu é dan nyɔɔn lɛ bélé Liban lé yilinu zo; Munu vwi é dan bi lɛ fla bélé tɛrɛ la lu zo,

Wegɔné Ma Lɛrɛ 2:16

An sɔlɛzan a anzé nya, yé maa a yee ɛzé nya; Élé trubɛ blena kɛla bolu lé goonu méléna.

Ézai 44:5

Mi ’ko é dan a fe lɛ léé: Maa a Gakelebale zé nya, Yé a koɛ é dan é fe lɛ léé, Jakɔb‐tɔ a ’é ma; Yé a bɛ é dan sɛbɛ gyɛ lɛ ’é bɛ ta léé: Maa a Gakelebale zé nya, Yé é dan ébo ze vɔ lɛ Izraɛl tɔ gi.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 30:22

Ka dan kɛlɛ lɛ anlé munu nya, Yé maa dan kɛlɛ lɛ kalé Bale nya.

Jérémi 31:27

Gakelebale léma: Ka ye, a yi é dan bɔ lɛ, yé maa dan Izraɛl munu valé Juda munu fan lɛ; maa dan munu valé winu fan lɛ.

Jérémi 32:38

Wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Jérémi 33:26

’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.

Ézékiɛl 36:29

Maa dan ka tiridɔwenu faa si lɛ ka lee. Maa dan ’sa laa lɛ ka lɛ yé maa dan a fan lɛ kiɛre. Maa ’ka dan lɔrɔ dɔ lɛ ka va é dɛrɛ lo.

OZÉ (Osée) 1:6

É bɔn si é ziin, yé é né yaa le nya. Yé Gakelebale lé Ozé lɛ léé: Bé tɔ pa Lo‐Rusama; a gi léé, nyanai ’ka dan zén lɛ lo; naa, an nyanai ’ka dan zén lɛ Izraɛl munu ta é dɛrɛ lo, yé maa ’ka dan wo ma we vo lɛ é dɛrɛ lo.

OZÉ (Osée) 8:2

Wo dan siaa lɛ an lɛ léé: Kolé Bale, ko Izraɛlnu lo, ko i dɔɔ.

Zakari 10:9

Maa dan wo sɔɔla lɛ munu méléna, Yé dé wa baa, an sele é dan dɔ lɛ wo gi; Wo valé wolé nénu é dan vo lɛ é yuɛma, yé wo dan da lɛ wo pa gi é ziin.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Zakari 14:16

Bɛnnu faa lé wo nwa Jérusalɛm ma, wo pɔnénu lé wo vo, wo dan go lɛ lɛɛ faa do do ma yé wo dia ’wo bli la minwiinzan blɛn lai sunyanu lé Gakelebale ’lɛ, yé fɛti lé wa kɛla faa wuo yé wo ’bɛ fɛti kɛlɛ.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Rom munu 3:29

Kazambale ’a Juifinu saa lé Bale nyaa? Gba. É ’ka bɛn bɛnu lé Bale nya loo? Yee lé. É a é ziin bɛn bɛnu lé Bale nya.

SEBE LÉ JAK A GYE (Épitre de Jacques) 1:1

’Kaa bɛn vu ta fié lé ka ke é kinile ékema, maa Jak lé an ke Kazambale valé Mizan Jézu Krist lé lugɔnéné nya, an we ka va.