OZÉ (Osée) 2:20 - Kazambale lé Sebe Sauunu 1979

²⁰ ’Bɛ yi ’ko la, an dan gipawe do kɛlɛ lɛ ka valé bwigiwinu koo, lagi mianénu valé tawoplɛlawinu koo, ka méléna; sa koo, gwɔun valé gulidanle koo, maa dan wo yi ga lɛ kalé tɛrɛ la, yé maa dan ka nyana lɛ kaboma.

OZÉ (Osée) 2:20 ပူးပေါင်းရင်းမြစ်များ

Wepélisiananu 9:10

Fɛ yuɛmalenu faa lé wo ke ka va, dé mianénu léoo, dé flawinu léoo, dé bwigiwinu léoo, ka faa lé ka si ’yitagoro gi, tɛrɛlawinu boen‐oo, maa gi pa do ka faa va.

Ézai 2:4

É dan bɛnnu lé we ble lɛ, Yé é dan kɛlɛ lɛ milɛgɔnɔ kiɛre lé we yuɛgibozan nya. Wo dan wolé gwɔunnu foli lɛ gwanénu nya, Yé wo dan wolé dinnu foli lɛ sénblanu nya; Bɛn do ’ka dan gwɔun sia lɛ wo bɔlu bɛn bɛ ma é dɛrɛ lo, Wo ’ka dan gulidanle draan lɛ é dɛrɛ lo.

Ézai 62:4

Wo ’ka dan i laa lɛ, lebɔrale, é dɛrɛ lo; Wo ’ka dan ilé tɛrɛ laa lɛ, boatɛrɛ, é dɛrɛ lo; Wo dan i laa lɛ Esiba, ’bɛ gi léé, é sɔ an lɛ, Yé wo dan ilé tɛrɛ laa lɛ, Bula, ’bɛ gi léé, bofla le; I sɔ Gakelebale lɛ, ’bɛzama, Yé ilé tɛrɛ zana é dan kɛlɛ lɛ.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 32:41

Wezin kɛlɛle wo lɛ é dan an gi nana lɛ, yé maa dan wo nyana lɛ kli tɛrɛ ’ko ta, an bli faa valé an boen faa nya.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Ézékiɛl 16:62

Maa dan an gi pa lɛ i va, yé i dan a gi dɔɔ lɛ léé, maa ɛ ke Gakelebale nya,

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

Ézékiɛl 34:25

Maa Gakelebale, maa ɛ fe. Maa dan an gi pa lɛ do wo va, wo vole drɔɔ we ma. Yé maa dan bwigiwinu si lɛ tɛrɛ ’ko la. Wo dan nyana lɛ woboma duaa bwi gi, yé wo dan yi gyɛ lɛ pɔrɔnu guru la.

Ézékiɛl 34:27

Féiyilinu poro é dan baa lɛ, yé tɛrɛ é dan fɛ dɔ lɛ. Wo dan nyana lɛ wobo ma duaa ’wolé tɛrɛ la, yé dé ma wo bɔrɔ ma luubalenu kini, yé maa wo si munu lé ’bɛnu ke é plale wo nwiin, ’bɛnu lee, ’té wo dan a gi dɔɔ lɛ léé, maa ɛ ke Gakelebale nya.

Ézékiɛl 38:23

A zo lé maa dan an blɛn valé kɛlɛle sauun nagɔɔn lɛ wo lɛ, yé wo dan a gi dɔɔ lɛ léé, maa lé ke Gakelebale nya.

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

OZÉ (Osée) 2:19

Maa dan Baalnu tɔ si lɛ i ’léé, yé i ’ka dan wo tɔ bɔra lɛ é dɛrɛ i ’léé lo.

OZÉ (Osée) 6:6

An lɔrɔ pale sɔ an lɛ, naa, an banle ’ka sɔa an lɛ lo; dé mi an dɔɔ, ’bɛ sɔ an lɛ é mini an banwi lé wa kyɛ blé, a ta.

Lévinu 26:5

Dé ’sagyɛle ’ka tan nyaa lɛ lo, ’té kalé dɔrɔnu tin, yé ka dan vo lɛ a poro sona fɔɔ yé féipabléyi bɛ é bɔ; ka dan fɛ ble lɛ yé ka kan, yé ka dan nyana lɛ duaa kalé tɛrɛ la.

Lévinu 26:6

Maa dan kalé tɛrɛ vo lɛ drɔɔ, yé mi do gi nyɛ ’ka dan kini lɛ yibla lo; maa dan wi nyanénu faa si lɛ kalé tɛrɛ la, yé guli ’ka dan da lɛ kalé tɛrɛ la lo.

Misé 4:3

É dan kɛlɛ lɛ munu kiɛre lé weblezan nya, Yé é dan bɛn plɛplɛ baabaanu pa lɛ ékema. Wo dan ’wolé gwɔunnu foli lɛ gwanénu nya, Yé wo dan ’wolé dinnu foli lɛ kɔblanénu nya. Bɛn ’ka dan élé gwɔun soi lɛ é bɔlu bɛn ma é dɛrɛ lo, Yé wo ’ka dan gulidanle draan lɛ é dɛrɛ lo.

Zakari 9:10

Maa dan Éfraim lé gulidangoronu sɛrɛ lɛ, Yé maa dan Jérusalɛm lé wisoonu gyɛ lɛ; Maa dan gulidansanu yi ga lɛ. É dan vole drɔɔ zana dɔɔ lɛ bɛnnu lɛ, É sia wɛyi do ma yé é bɔ wɛyi koɛ ma, É sia yuu ma fɔɔ yé é bɔ tɛrɛ glɛ sina, é dan pla lɛ wo nwiin.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LÉ LUK A GYE (Évangile selon Luc) 10:22

An Ti fɛnu faa nɔ an lɛ, yé mi lé maa, a Be ke a nya, mi do kpen ’ka a dɔɔa lo, ’té dé é ’ka an Ti nya lo; yé mi lé an Ti ke a nya, mi do kpen ’ka a dɔɔa lo, ’té dé é ’ka maa, a Be nya lo; é valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 8:55

Ka ’ka a dɔɔa lo; dé é a maa nya, maa a dɔɔ. Yé dé maa a fe léé, maa ’ka a dɔɔa lo, ’té maa kɛlɛ viéwozan nya bélé ka zo. Naa, maa a dɔɔ, yé an tawoo a dére ta.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Filip munu 3:8

Anzan Jézu Krist dɔɔle bozen lé we ma lé an fɛnu faa yé boafɛnu nya. É sɔ an lɛ léé, ’an Krist ye anzé nya yé an kɛlɛ a gi, aléwemalé an bli si fɛnu faa lɛ yé wa an yuɛ gi bélé bli zo.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

Ébrunu 8:11

Mi do kpen ’ka dan we paa lɛ é bɔluzan gi lo, Yé mi do kpen ’ka dan we paa lɛ é bwe gi léé: ’I Mizambale dɔɔ, lo. Naa, é sia wo va né kiénénu ma, yé é bɔ wo va mi segelenu ma, Wo faa é dan an dɔɔ lɛ.

1 Jan 4:6

Kaa a Kazambale zé nya. Mian é Kazambale dɔɔ éé tɔné dɔa kaa lɛ. Mi lé é ’ka Kazambale zé nya lo, é ’ka é tɔné dɔa kaa lɛ lo. ’Bɛ nya lé kaa wezen léli dɔɔ, yé kaa vié léli dɔɔ.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.