OZÉ (Osée) 2:2 - Kazambale lé Sebe Sauunu 1979

² Juda munu valé Izraɛl munu é dan zén lɛ ékeva, yé wo dan ’wo nwiinzan dɔ lɛ, yé wo dan si lɛ luu gi. Jizréɛl lé yi é dan kɛlɛ lɛ yi blɛn nya.

OZÉ (Osée) 2:2 ပူးပေါင်းရင်းမြစ်များ

Ézai 11:12

É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 50:1

Gakelebale léma: Lebɔrasɛbɛ lé maa gyɛ yé maa ka bu bɔra a nya, é kaa? Taa, an ma vɛɛn pazan kyɛn lɛ lé maa ka nɔ anlé vɛɛn ban laa? Ka ye, kalé weplenu ma lé maa ka dan, Yé kalé wenyanénu lé we ma lé an ka bu bɔra.

Ézai 58:1

’I siaa plɛplɛ, té ibo kun lo; ’i dére nwa plɛplɛ bélé béli zo; ’i anlé munu lé weple fe ’wo lɛ, ’i Jakɔb lé munu lé wenyané fe ’wo lɛ.

Jérémi 19:3

Bé fe wo lɛ léma: Juda nwiinzannu valé Jérusalɛm munu, ’ka tɔné dɔ Gakelebale dére lɛ. Lai sunyanu lé Gakelebale, Izraɛl munu lé Bale léma: Ka ye, maa dan we tɔntɔn do kɛlɛ lɛ fɛkona lɛ, yé dé miomian é a zuo’ma, a tɔné zuogi éé wé, zeee.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Jérémi 3:1

Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Ézékiɛl 16:20

Négɔnénu valé nélomu lé i wo yaa an lɛ, i wo bo saraka nya léé, wo kɛlɛ miyilinu blefɛ nya; ilé gɔnéginilenu ’ka izé bɔ lɛ loo?

Ézékiɛl 16:25

I yobannanu kɛlɛ zi faa ’léé, yé i nɔnɔmi sɛrɛ. Ibo nɔ giézannu faa lɛ, yé ilé gɔnéginilenu gi gyɛ.

Ézékiɛl 20:4

Blami be, é sɔ i lɛ léé, i wolé we blee? Iin? É sɔ i lɛ léé, i wolé we blee? ’I wo tinu lé bozowenu nagɔɔn wo lɛ.

Ézékiɛl 23:43

Lezan lé é kwa gyɛ le bɛ zana ginile gi, maa we fe alé we ma léé: É dan vo lɛ élé gɔné ginile ta, ’té munu éé dan a vaa?

Ézékiɛl 23:45

Naa, mi tegelenu é dan wolé we ble lɛ, fɛan zo lé woo le bɛ zana ginizannu lé we blé, a zo, bélé fɛan zo lé woo mi nyɛ zana lomu lé we blé, a zo. Naa, wa le bɛ zana ginizannu nya, yé mi nyɛ a wo bɛ ma, azama.

OZÉ (Osée) 1:2

We vininzan lé Gakelebale a fe Ozé lɛ, yee lo: Gakelebale lé a lɛ léma: ’I go, ’i bɔrɔdɛ le do si i na nya, ’té alé bɔrɔdɛ ta nénu a; naa, tɛrɛ ’ko sɔn vɔ Gakelebale ma, yé é vo bɔrɔdɛ le zo.

OZÉ (Osée) 2:1

Duowo, Izraɛl lé nénu é dan kɛlɛ lɛ kiɛre bélé wɛyi lé nyéné lé wo ’ka bɔa a ’léé danle lɛ mɛtrɛ nya lo yé wo ’ka bɔa a nɔnɔle lɛ lo, a zo; yé fɛana lé Bale a fe wo lɛ léé, ka ’ka ’élé munu nya lo, ’bɛna lé é dan a fe lɛ wo lɛ léé: Bale yuɛmale benu.

OZÉ (Osée) 2:5

Dé ’bɛ kaan lo, maa dan a poro lɛ, yé maa dan a vo lɛ bélé é yaayi la zo; maa dan a kɛlɛ lɛ bélé bwi zo, bélé tɛrɛ gi gale zo, yé é dan ga lɛ ’yiminilɔrɔ nya.

OZÉ (Osée) 4:5

I dan dia lɛ é yiéyi; i va balelayezan é dan dia lɛ é béli, yé maa dan i bu gyɛ lɛ za ma.

Misé 2:13

Gɔrɔfɔnzan éé giéan wo ’lɛ; wo dan gɔrɔ fɔn lɛ yé wo bɔ gɔrɔ ’léé, yé wo dan bɔra lɛ ana. Wo nwiinzan blɛn é dan tawo lɛ wo ’lɛ zia, yé Gakelebale é dan kɛlɛ lɛ wo zilɛzan nya.

2 Korɛnt Munu 5:16

Bɛwemalé, é sia bléyi ’ko va, ko ’ka mi do kpen dɔɔa mi nya tɛrɛlamunu lé midɔɔbɛ nya lo, yé dé ko Krist dɔɔ tɛrɛlamunu lé midɔɔbɛ nya é kyɛn, lao ko ’ka a dɔɔa é dɛrɛ ’bɛ bɛ gi lo.