OZÉ (Osée) 2:18 - Kazambale lé Sebe Sauunu 1979

¹⁸ Gakelebale léma: ’Bɛ yi ’ko la, i dan an laa lɛ, i zana; i ’ka dan an laa lɛ é dɛrɛ izan, lo.

OZÉ (Osée) 2:18 ပူးပေါင်းရင်းမြစ်များ

JOB (Job) 5:22

I dan yéri si lɛ fɛ sɛrɛ tata we ma, bélé lɔrɔ dɔle ma yérisile zo, I ’ka dan kana lɛ bwigiwinu lee lo;

JOB (Job) 5:23

Naa, i dan i gi pa lɛ do bwi gi gɔlɛnu va, Yé bwigiwinu é dan vo lɛ i va drɔɔ.

Lɛrɛvɔ Sɛbɛ 148:10

Bwiiwinu valé flawinu faa koo, Tawoo plɛlawinu valé simianénu koo,

Lɛrɛvɔ Sɛbɛ 23:2

Éé an nyanaan lu tɔnu méléna, Éé goo an nya ’yi zima sɔnɔ.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:4

É dan bɛnnu lé we ble lɛ, Yé é dan kɛlɛ lɛ milɛgɔnɔ kiɛre lé we yuɛgibozan nya. Wo dan wolé gwɔunnu foli lɛ gwanénu nya, Yé wo dan wolé dinnu foli lɛ sénblanu nya; Bɛn do ’ka dan gwɔun sia lɛ wo bɔlu bɛn bɛ ma é dɛrɛ lo, Wo ’ka dan gulidanle draan lɛ é dɛrɛ lo.

Ézai 26:1

’Bɛ yi la wo dan lɛrɛ vɔ lɛ Juda tɛrɛ la léé: Kolé fla plɛplɛ a; É a gɔrɔ kɛlɛ blɛn ko takuunfɛ nya.

Ézai 32:18

Anlé munu é dan nyana lɛ fɛna drɔɔ na, wo dan nyana lɛ kɔnnu lé wo ’ka ’wiié lo, wo gi, wo dan nyana lɛ fɛna drɔɔ na.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézai 65:25

Glau valé ’blané é dan lu ble lɛ ékeva. Golizra é dan lu ble lɛ bélé diri zo, yé méné é dan vun ble lɛ. Wo ’ka dan fɛ tuo lɛ lo, yé wo ’ka dan fɛ sɛrɛ lɛ lo anlé gɔ sauun faa nwiin. Gakelebale ɛ fe.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 33:16

’Bɛ yinu la Juda munu é dan si lɛ we gi, yé Jérusalɛm munu é dan nyana lɛ kli wo nyanana; tɔ lé wo dan a laa lɛ a nya, yee lé ke ’ko: Gakelebale, kolé wetegele.

Ézékiɛl 34:25

Maa Gakelebale, maa ɛ fe. Maa dan an gi pa lɛ do wo va, wo vole drɔɔ we ma. Yé maa dan bwigiwinu si lɛ tɛrɛ ’ko la. Wo dan nyana lɛ woboma duaa bwi gi, yé wo dan yi gyɛ lɛ pɔrɔnu guru la.

Ézékiɛl 39:1

Yé bii blami be, ’i balelawe fe Gɔg ma. Bé fe léma: Mizan Gakelebale léma: Bii Gɔg lé i ke Ros koo, Mésɛk koo, Tubal koo, wo nwiinzan nya bɛ, ko kee i nya kyɔ.

Zakari 14:4

’Bɛ yi nya a ganenu é dan dɔra lɛ ɔlivigɔ lé ke Jérusalɛm yara yirinwanazia, a nwiin, ɔlivigɔ fén é dan gyɛ lɛ é méléna, é sia yirinwanazia yé é bɔ yirivɔnazia yé a worona é dan kɛlɛ lɛ blɛn. Gɔ ’ko fee do é dan bié lɛ yirinwana bɛbolazia, yé a fee do é dan bié lɛ yirinwana bɛyilazia.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Zakari 3:10

Lai sunyanu lé Gakelebale léma: ’Bɛ yi la, ka faa do do ka dan ka bɔlunu laa lɛ, ’té ka a é nyanale kalé dɔrɔyili valé bɔrɔyilinu wuo.

Zakari 9:10

Maa dan Éfraim lé gulidangoronu sɛrɛ lɛ, Yé maa dan Jérusalɛm lé wisoonu gyɛ lɛ; Maa dan gulidansanu yi ga lɛ. É dan vole drɔɔ zana dɔɔ lɛ bɛnnu lɛ, É sia wɛyi do ma yé é bɔ wɛyi koɛ ma, É sia yuu ma fɔɔ yé é bɔ tɛrɛ glɛ sina, é dan pla lɛ wo nwiin.