OZÉ (Osée) 2:15 - Kazambale lé Sebe Sauunu 1979

¹⁵ Yinuan nya lé é lasikɔrɔpo kyɛ ble Baal lɛ, ’té éé ’lɛra bɛmafɛ valé bɔrɔmakyanbale nya, ’té éé goo é bwɛnu zuo, ’té a gi éé saan an ma, an dan we lɛdɔ lɛ a gi a we ma. A zo lé Gakelebale a fe.

OZÉ (Osée) 2:15 ပူးပေါင်းရင်းမြစ်များ

1 Minwiinzannu 16:31

Abo nɔle Nabat be Jéroboam lé wenyané kɛlɛle lɛ a a yuɛ gi we kiéné nya, yé é Sidɔn munu nwiinzan Étabaal lu Jézabɛl si é na nya yé é go Baal bɔ lɛ, ’té éé diaan é yara a ’lɛ.

Lɛrɛvɔ Sɛbɛ 106:12

Yé wo dɔ a dérenu ta, Wo a tɔ zin fe lɛrɛvɔle nya.

Lɛrɛvɔ Sɛbɛ 129:1

Gɔ gié lɛrɛ do lé. É sia an boronéla bléyi va fɔɔ kyɔ, woo yaan an ta. Izraɛl, bé fe ma.

Ézai 65:10

Anlé trubɛnu é dan fɛ ble lɛ Sarɔn lé fɛna pɛblɛɛna. Pɛnguru lé wa laama Akɔɔ, é dan kɛlɛ lɛ anlé dirinu blena nya; munu lé wo dan an nagini lɛ, wozé lé.

Ézai 65:21

Wo dan kɔn dɔ lɛ yé wo dan nyana lɛ a gi; wo dan dɔrɔféi pa lɛ, yé wo dan a poro ble lɛ.

Jérémi 2:1

Gakelebale we fe an lɛ yé é léé:

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Jérémi 29:11

Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

Jérémi 3:4

Yé sin, ka a siaana léé: Ko ti, i kɛlɛ kolé pɛniɛla béé nya. A zoan ka ke a fena loo?

Jérémi 32:15

Naa, lai sunyanu lé Gakelebale, Izraɛl lé Bale léma: Kɔnnu koo, féinu koo, dɔrɔféinu koo, wo dan wo lɔ lɛ tɛrɛ ’ko la é ziin.

Jérémi Lé Wuvɔ Sɛbɛ 3:21

Wenu lé é sɔ an lɛ léé, an bɔn‐in bɔrɔ wo ma, Yé wo an blila dɔ plɛplɛ yé an bli é vo we lɛ, wo lé ke ’ko:

Ézékiɛl 16:22

Ilé bozowe kɛlɛ bléyi valé gɔné gini bléyi va, i liiné bléyi va we sele saan i gi; bléyian va lé i a é porole, é porole tata; ’té i a é diale nyɛ va, ’bɛ sele saan i gi.

Ézékiɛl 16:60

Naa, gipawe lé maa a kɛlɛ i va i boronéla bléyi va, a sele é dan dɔ lɛ an gi, yé gipawe lé éé voo ana lɛɛfaama, maa dan a kɛlɛ lɛ i va.

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

Ézékiɛl 28:25

Mizan Gakelebale léma: Dé maa Izraɛl munu si é nwɛɛnle bɛnnu méléna yé maa wo zén ékeva ’ko, ’bɛna lé maa dan anbo nagɔɔn lɛ mi sauun nya bɛnnu yuɛ va, yé anlé munu é dan nyana lɛ wolé tɛrɛ lé maa a nɔ an wuozan Jakɔb lɛ, a ta.

Ézékiɛl 28:26

Wo dan nyana lɛ ana woboma duaa; wo dan kɔnnu dɔ lɛ, yé wo dan dɔrɔféinu pa lɛ. Munu faa lé wo wo zi lɛ sɔɔ, ’té wo serele bo wo ma bɛ, dé maa dɔra ’bɛnu ta bléyian va, wo dan nyana lɛ woboma duaa, yé wo dan a gi dɔɔ lɛ léé, maa ɛ ke Gakelebale wolé Bale nya.

OZÉ (Osée) 11:1

Dé Izraɛl a kiéné bléyian va, ’té é sɔ an lɛ, Yé maa an be laa léé, ’é si Éjipiti.

OZÉ (Osée) 12:13

Jakɔb vɔ fli gi yé é go Aram tɛrɛ la. Izraɛl nyanama pa le lé we ma, yé é trubɛ tabin le lé we ma.

OZÉ (Osée) 12:9

Éfraim léé: Weboen lé, maa a fua nya, yé an fuafɛ ye di; naa, an panyanama saa ma lé maa a ye. Wo ’ka dan weple do kpen ye lɛ an va lo; wenyané blɛn do kpen ’ka an va lo.

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

OZÉ (Osée) 2:12

Yé sin, maa dan yaragyɛwe bɔ lɛ a ma a bwɛnu yuɛ va, yé mi do kpen ’ka dan a si lɛ an lee lo.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Zakari 9:12

’Kaa luugimunu lé ka bli ke we lɛ, ’ka go kɔn plɛplɛ gi ka pa gi. Maa fe ka lɛ kyɔ é ziin, Maa dan a lɛgi kɛlɛ lɛ ka lɛ gɔnɔ fié.

Mi Nɔnɔle 21:17

’Bɛ zuo Izraɛlnu lɛrɛ ’ko vɔ léé: ’Yiguru, ’i bɔ. ’Ka a tɔbɔlɛrɛ vɔ.

WENÉNÉ LE JAN A GYE (Évangile selon Jean) 10:9

Maa a gɔrɔ ’léé nya. Dé mian é wɔra an vazia é dan si lɛ we gi; é dan wɔra lɛ, yé é dan bɔra lɛ, yé é dan fɛblelenu ye lɛ.

Kelewenu 14:27

Wo bɔ aan wo, wo léglizigimunu zén ékeva. Yé we faa lé Kazambale a kɛlɛ wo nya, é valé fɛan zo lé Kazambale zi lɛ so bɛnnu lɛ yé wo wɔra alé we gi, wa zuo fe ’bɛnu lɛ.

Jozué 7:26

yé wo gɔlɛ zun blɛn dɔ Akan ta yé é vo ana fɔɔ kyɔ. Yé Gakelebale daan élé bliflile blɛn ma. We ’ko lé we ma lé wo fɛkona tɔ pa Akɔɔ gɔnu worona fɔɔ kyɔ yi nya.

Weblezannu 8:34

Gakelebale, wolé Bale lé é wo si wo nyanézannu faa lé ke wo zi, wo lee, a sele ’ka dɔ lɛ Izraɛl lé nénu gi é dɛrɛ lo.