OZÉ (Osée) 14:9 - Kazambale lé Sebe Sauunu 1979

⁹ Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

OZÉ (Osée) 14:9 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

JOB (Job) 17:9

Duowo, mi tegele a é dɔle gligli ézé zi ta, Mi lé a bɛ ma ke é bɔle a suni taa wɔra.

Lɛrɛvɔ Sɛbɛ 107:43

Mian a ’wuo ke a ta, ’é tawo we ’konu ta ma, Yé ’é bɔn‐in bɔrɔ Gakelebale lé zin ma ma.

Lɛrɛvɔ Sɛbɛ 119:128

Bɛwemalé maa i déretawenu faa yé we tegelenu nya; Viéwo zinu faa za a an gi.

Lɛrɛvɔ Sɛbɛ 119:75

Oo Gakelebale, maa a gi dɔɔ léé, ilé weblelenu a tegele. I yara pale we ta ma lé i an tua.

Lɛrɛvɔ Sɛbɛ 84:5

Munu lé woo nyanaan ilé kɔn gi, wozé a néné. Wo bɔa i tɔ nwale lɛ é ziin. Ka ye do.

Lɛrɛvɔ Sɛbɛ 84:7

Dé wa giéna Baka lé gɔworona, Wana nɔlaan fɛana ke é fanle ’yibɔnanu nya, a nya, Lɛɛ da, yé é ana fan drɔɔvole nya.

Wegɔnévɔlenu 10:29

Gakelebale lé zi a mi tegele yɔɔna nya, naa, munu lé woo wenyané kɛla, é a wo sɛrɛzan nya.

Wegɔnévɔlenu 16:21

Mi lé é we dɔɔ é bli gi wa laama gikinizan, yé dére néné éé wedɔɔle gi gya.

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Ézai 1:28

Naa, nwamimazannu valé wenyanékɛlɛmunu, wo faa é dan sɛrɛ lɛ tata, yé munu lé wo sɔn vɔ Gakelebale ma, wo dan zamaga wo lɛ.

Ézai 17:8

é ’ka é yuɛ vɔa yobannanu lé é a kɛlɛ éboan, wo ta lo. Asataté yonu valé yiribɔnu lé é wo kɛlɛ bɛ, é ’ka dan é bɔn‐in bɔrɔ lɛ wo ma é dɛrɛ lo.

Ézai 26:7

We drɔle a mi tegele lé zi nya; Bii lé i ke tegele, i mi tegele lé zi ta bɔa ékema.

Jérémi 29:12

Ka dan we laa lɛ an lee yé ka dan go lɛ; ka dan bazoro lɛ an lɛ yé maa dan ka dére ’ma lɛ.

Jérémi 9:12

Wedɔɔzan lé éé we ’konu maan, é a kyɛɛn? Mi lé Gakelebale we fe a lɛ, yee ɛ fe ma. Mɛmalé tɛrɛ a é sɛrɛle yé ana kyɛ ble bélé bwi gi lé mi do kpen ’ka giéan ana lo, a zoo?

Ézékiɛl 11:18

Ana lé wo dan go lɛ, yé wo dan miyilinu faa valé bozowenu faa si lɛ ana.

Ézékiɛl 18:25

Ka léma: Mizan lé wekɛlɛbɛ ’ka é drɔle lo. Amalé, Izraɛlnu, ’ka tɔné dɔ. Maa ɛlé wekɛlɛbɛ ’ka é drɔle lo loo? Naa, ka‐an kalé wekɛlɛbɛ ’ka é drɔle lo loo?

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Daniɛl 12:10

Mi kiɛre é dan kɛlɛ lɛ sauun, yé wo gi é bɔ, yé wo kɛlɛ wéiin. Weplekɛlɛmunu é dan wenaané kɛlɛ lɛ, yé wenyané kɛlɛmunu va mi do kpen ’ka dan we ’ma lɛ lo. Naa, munu lé wo ’wuo ke wo ta, wo dan we ’ma lɛ.

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Matio 11:19

Maa blami Be da, ’té an fɛ blé, ’té an fɛ minian, yé wo léé, bun‐anzan valé nwɛminizan lé maa nya; vagɔɔlisimunu valé wenyanékɛlɛmunu béé lé maa nya. Naa, wedɔɔle mawenu éé wedɔɔle nagɔɔn‐an we tegele nya.

WENÉNÉ LÉ LUK A GYE (Évangile selon Luc) 2:34

Siméɔn wo drɔɔ vo yé é lé né bu Mari lɛ léé: Bé ye, Bale né ’ko dɔ Izraɛl mi kiɛre saanzan valé wo drɔ?-?zan nya é ziin, yé é a dɔ tɔmase lé wo dan za vɔ lɛ a ta, a nya,

WENÉNÉ LÉ LUK A GYE (Évangile selon Luc) 7:23

Mi lé maa ’ka kɛla a saanzan nya lo, ’bɛzan zé a néné.

WENÉNÉ LE JAN A GYE (Évangile selon Jean) 15:24

Nyanamanu lé mi bɛ do kpen ’ka a pa lɛ lo, dé maa ’ka wo pa lɛ wo méléna lo, ’té wolé wenyané ’ka kɔɔn lo; naa, sin, wa ye, yé maa koo, an Ti koo, ko za a wo gi.

WENÉNÉ LE JAN A GYE (Évangile selon Jean) 18:37

Pilat lé a lɛ léé: ’Té i a minwiinzan blɛn nyaa? Jézu léé: Yee lé bé fe bɛ. Maa a minwiinzan blɛn nya. Wo an yaa, yé maa da tɛrɛ la webozen ma we fele we ma. Miomian é ke webozen va, éé an dére maan.

WENÉNÉ LE JAN A GYE (Évangile selon Jean) 8:47

Mi lé é ke Kazambale zé nya, éé tɔné dɔa Kazambale dérenu lɛ. Ka ’ka Kazambale lé munu nya lo, bɛwemalé ka ’ka ka tɔné dɔa a dére lɛ lo.

WENÉNÉ LE JAN A GYE (Évangile selon Jean) 9:39

Yé Jézu léé: An da tɛrɛ la ’ko we do gi bɔile we ma, yee lé ke ’ko: munu lé wo ’ka yɛrɛ yé lo, wolé yɛrɛ yele we ma, yé munu lé woo yɛrɛ yé, wo kininle yuɛwiizannu nya we ma.

Kelewenu 13:10

Dabli gɔnɔ faa kɛlɛ gɔné, misaangɔné, yosɔlɛgɔné, we tegelenu faa nyanézan. I ’ka dan daan lɛ Mizambale lé we tegelenu gi sɛrɛle ma loo?

Rom munu 7:12

Bélidɔwe a plɛplɛ yé a sɔnnénu a plɛplɛ, wa tegele, wa é zima.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.