OZÉ (Osée) 14:4 - Kazambale lé Sebe Sauunu 1979

⁴ Bale léé: Naa, an bli ’ka flina wo ma é dɛrɛ lo; Amalé maa dan wo yuɛgi blanle nyaa lɛ, Wo dan sɔ lɛ an lɛ boenwo.

OZÉ (Osée) 14:4 ပူးပေါင်းရင်းမြစ်များ

Lɛrɛvɔ Sɛbɛ 10:14

Naa, i a naginina duowo; i kleblele valé nyanéblele yé Wele wolé we ma we gi. I lee lé wenaané bɔmazannu wobozen bɛ paan, Bii ɛ bɔa bugalazan valé tigalazan va.

Lɛrɛvɔ Sɛbɛ 20:8

Munu ’ko, wa é pale wolé goronu ta, yé a koɛnu a é pale wolé wisoonu ta; Naa, ko ’ko, ko Gakelebale kolé Bale tɔ laan.

Lɛrɛvɔ Sɛbɛ 78:38

Naa, duowo, alé nyanaizénle zi, é wo ma we vo wolé weple kɛlɛle ma, yé é ’ka wo gyɛ lɛ lo; Yi kiɛre nya é ’é bli kun yé é ’ka é bli faa fli lɛ lo.

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 55:1

’Kaa faa lé ’yiminilɔrɔ ke ka gyɛna, ’ka da ’yi va, Dé gɔɔli ’ka mian lee looo, ’Ka da fɛ lɔ yé ka ble. ’Ka da, ’ka nwɛ valé dirinyɔyi lɔ, gɔɔli we kaan lo, yé a banwowe ’ka a gi lo.

Ézai 57:18

Maa a kɛlɛwenu ye, yé maa dan a béli lɛ. Maa dan zi gɔɔn lɛ a lɛ; maa dan a tɔrɔ paa lɛ, yee valé munu lé woo wuvɔa wo nya, wo nya.

Jérémi 14:7

Dé kolé weplenu éé kɛla ko ma kolé wenayezan nyaoo, Gakelebale ’i we kɛlɛ i tɔ lé we ma; Naa, ko yuɛ gi blan namɔn, Ko wenyané kɛlɛ i ma.

Jérémi 17:14

Gakelebale, ’i an béli, yé an dan béli lɛ. ’I an si we gi, yé an dan si lɛ we gi, naa, an bii ɛ tɔ bɔa.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi 33:6

Ka ye, maa dan wo manɔn paa lɛ, maa dan wo fuu dɔ lɛ wo ta, yé maa dan wo béli lɛ, yé maa dan vole drɔɔ valé yara pale we la ’wuo nɔ lɛ wo lɛ.

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 8:22

Bomélia ’ka Galaad tɛrɛ la loo? Dɔtrɔ gyétrɛn ’ka ana loo? Mɛmalé anlé munu ’ka bélina loo?

Ézékiɛl 33:14

Dé maa fe mi nyané lɛ léé: I dan ga lɛ, dé é daan élé wenyané ma yé é tawo é drɔle yé é we tegele kɛlɛ,

Ézékiɛl 36:36

Yé bɛnnu lé wo ke é nyanale ka zi, wo dan a gi dɔɔ lɛ léé, maa Gakelebale, maa fla sɛrɛle ’ko pa é ziin é pa gi, yé tɛrɛ lé ke é sɛrɛle, maa fɛ vɔ ana. Maa Gakelebale, maa ɛ fe, yé maa dan a kɛlɛ lɛ.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

OZÉ (Osée) 2:19

Maa dan Baalnu tɔ si lɛ i ’léé, yé i ’ka dan wo tɔ bɔra lɛ é dɛrɛ i ’léé lo.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Mi Nɔnɔle 25:11

An bli lé é nwa Izraɛl ma, Balebanzan Arɔn be Éléazaa be Finé a dɔrala. Anlé maawo bli a a gi, azama. Yé an ’ka Izraɛlnu gyɛ lɛ an bliflile nya lo.

Mi Nɔnɔle 25:4

Gakelebale lé Moizi lɛ léé: ’I munu nwiinzannu faa zén ékeva, yé ’i weanwiinzannu faa dun Gakelebale ’lɛ yili ta, léé, Gakelebale lé bliflile é si Izraɛlnu ma.

Rom munu 3:24

alé zin nya lé wo kɛlɛ tegele é pla, Jézu Krist lé wo tabole we ma.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

Tite 3:4

Naa, dé ko Siéwegizan Bale élé wezin valé élé mi va sɔlɛle gɔɔn munu lɛ bléyian va, é ko si we gi.