OZÉ (Osée) 14:3 - Kazambale lé Sebe Sauunu 1979

³ Asirinu ’ka dan ko si lɛ we gi lo, ko ’ka dan vɔ lɛ wisoonu ta lo. Ko ’ka dan a fe lɛ é dɛrɛ ko bɛ panyanama lɛ léé, kolé Bale, lo. Naa, ti valé bugalazan woo nyanai zénle ’wo ta yé bii ɛ va.

OZÉ (Osée) 14:3 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 16:7

’Bɛ bléyi va fɛnayezan Anani go Juda nwiinzan blɛn Aza va, yé é lé a lɛ léé: I vɔ Sirinu nwiinzan blɛn zi; i ’ka vɔ lɛ Gakelebale, ilé Bale zi lo, amalé Siri sunyanu so i lee.

Lɛrɛvɔ Sɛbɛ 10:14

Naa, i a naginina duowo; i kleblele valé nyanéblele yé Wele wolé we ma we gi. I lee lé wenaané bɔmazannu wobozen bɛ paan, Bii ɛ bɔa bugalazan valé tigalazan va.

Lɛrɛvɔ Sɛbɛ 146:3

Té i pa mi blɛnnu ta lo, Blami lé, é ’ka bɔa mi sile lɛ we gi lo, té i pa ’bɛ ta lo.

Lɛrɛvɔ Sɛbɛ 146:9

Gakelebale éé bɛnnu takuun‐an, Ti valé bu galazannu koo, gyɛzaralomu koo, éé wo kunwo é zima. Naa, éé mi nyanénu lé we gi sɛra.

Lɛrɛvɔ Sɛbɛ 33:17

Mi sile we gi ’ka sié wisoo lé plɛplɛ va lo, Dé plɛplɛ a mi leeoo, ’bɛ ’ka a sié munu lee lo.

Lɛrɛvɔ Sɛbɛ 68:5

’Ka lɛrɛ vɔ Bale lɛ, ’ka a tɔ nwa. Mian é ke giéna fɛna pɛblɛɛ zi, ’ka zi ta gyɛ a ’lɛ. A tɔ lé Gakelebale, ’ka zana gyɛ a ’lɛ.

Ézai 1:29

Térébɛnt yilinu lé woo ka gi nanaan, yara é dan ka gyɛ lɛ wolé we ma. Zianféinu lé wo ke ka ginanamafɛ nya, ka yuɛ é dan tana lɛ wolé we ma.

Ézai 2:20

’Bɛ yi nya, gɔɔlifu miyilinu valé kyan miyilinu lé munu a kɛlɛ ’wo banyo nya, wo dan wo vuli lɛ koblinu valé bannu lɛ;

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Ézai 30:16

Ka léé: Gba, ko dan vlan buru lɛ wisoonu nya, bɛwemalé ka dan fwi lɛ vlanburule nya. Yé ka léé: Ko dan vɔ lɛ gulidangoro lé éé sié, a gi, amalé ka zuobinmunu é dan ka zuo bin lɛ sile nya.

Ézai 30:2

Woo goo Éjipiti tɛrɛ la, ’té woo ’ka zi laan an lee lo, vɔle Faraɔn zi we ma, léé, ’é kɛlɛ wo tabinzan nya, yé woo yɔɔna ginian Éjipitimunu bɛ wuo.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Ézai 31:3

Éjipitinu a blami nya é pla, wo ’ka bale nya lo; wolé wisoonu a wi nya é pla, wo léli ’ka lo. Dé Gakelebale é bɛ soi, mitakuunzan sɔné é dan san lɛ, yé mi lé é ke kɔɔn ’bɛ takuunna, ’bɛ é dan dia lɛ, yé wo faa é dan zamaga wo lɛ ékeva.

Ézai 36:8

Sin, ’i gi pa do anzan Asiri nwiinzan blɛn va, yé maa dan wisoo baa do nɔ lɛ i lɛ, ’té dé i bɔaléé, i wotazannu yee?

Jérémi 49:11

’I daan tigalazannu valé bugalazannu ma, maa dan wo vo lɛ é yuɛma, yé ilé zanagala lomu ’wo pa an ta ma.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Ézékiɛl 37:23

Wo ’ka dan wobo tiri dɔ lɛ wolé miyilinu koo, wolé bozowenu koo, wolé bélidɔwe sɛrɛlenu koo, wo nya é dɛrɛ lo. Fɛ faa lé wo nyana ana yé wo wenyané kɛlɛ, maa dan wo si lɛ ana yé maa wo kɛlɛ tegele. Wo dan kɛlɛ lɛ anlé munu nya, yé an dan kɛlɛ lɛ wolé Bale nya.

OZÉ (Osée) 12:1

Éfraim an zi lɛ sɔɔ viéwole nya; Izraɛl munu an zi lɛ sɔɔ dabliwe nya. Juda dɔfɛ ’ka Bale yuɛ gi lo; a dɔfɛ ’ka Yarapawelazan Sauun yuɛ gi lo.

OZÉ (Osée) 13:2

Sin, wo yara a é pale wenyané kɛlɛle ta tegele. Woo ’wolé gɔɔlifu sié, ’té woo yofoto kɛla a nya; woo miyilinu kɛla ’wo gibɔrɔle yɛrama; wo faa a blabozannu panyanama nya. Wa fé ’wo kɛlɛfɛnu ma léé, mi lé ke wo banna, ’é pwɛpwɛ vɔ diriné ma.

OZÉ (Osée) 14:8

Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.

OZÉ (Osée) 2:17

’Bɛna lé maa dan alé dɔrɔféinu nɔ lɛ a lɛ, yé maa dan Akɔɔ pɛnguru gi nɔ lɛ a lɛ léé, sin, zi a a lɛ, yé ’bɛna lé é dan lɛrɛ vɔ lɛ bélé a boroné la bléyi va zé zo, bélé a sile Éjipiti tɛrɛ la bléyi va zé zo.

OZÉ (Osée) 4:12

Anlé munu éé we laan ’wolé yili lee, ’té wolé tawomayili a gi fé wo lɛ. Naa, bɔrɔdɛ kɛlɛbli wo saan, yé wo si ’wolé Bale ma baa, bélé bɔrɔdɛ le zo.

OZÉ (Osée) 5:13

Éfraim élé wenaané tɔntɔn dɔɔ, yé Juda élé manɔn tɔntɔn dɔɔ; Éfraim go Asiri tɛrɛ la, minwiinzan blɛn Jarɛb va; naa, minwiinzan blɛn ’ko, é ’ka bɔa ka bélile lɛ lo; alé lia ’ka bɔa ka manɔnnu nyaale lɛ lo.

OZÉ (Osée) 7:11

Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.

OZÉ (Osée) 8:6

Diriné ’ko, é si Izraɛl; blabozan do ɛ a kɛlɛ, yé é ’ka Bale nya lo; bɛwemalé wo dan Samarinu lé diriné foto sɛrɛ lɛ.

OZÉ (Osée) 8:9

Naa, wo go Asiri tɛrɛ la, bélé bwi gi sokofale lé é si é nyɔnɔ la, a zo; Éfraim éé blɛ kɛla é bwɛnu yele we ma.

Jonas 2:10

Dé é a maa nya, maa dan sarakanu bo lɛ i lɛ bɔvɔdére nya; Balekundérenu lé maa wo fe, maa dan wo lɛ sɔɔ lɛ; Sile we gi éé sié Gakelebale ɛ va.

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

WENÉNÉ LE JAN A GYE (Évangile selon Jean) 14:18

Maa ’ka dan ka vo lɛ bugalazannu valé tigalazannu zo lo; maa dan da lɛ ka va.

Bélidɔwesɛbɛ Fiézan 17:16

Naa, té élé wisoonu kɛlɛ kiɛre lo; té é go munu nya Éjipiti tɛrɛ la wisoo kiɛre sile we gi lo; naa, Gakelebale lé ka lɛ léé, té ka nɔla zi ’ko la é ziin monomono lo.