OZÉ (Osée) 13:6 - Kazambale lé Sebe Sauunu 1979

⁶ Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

OZÉ (Osée) 13:6 ပူးပေါင်းရင်းမြစ်များ

Néémi 9:35

Bléyian va lé wa wobo ma, ’té i wezin kiɛre kɛla wo lɛ, tɛrɛ blɛn zima lé bé bɛ pa wo lee, a ta, wo ’ka i bɔ lɛ lo yé wo ’ka wo yara si lɛ wo kɛlɛwe naanénu ta lo.

Lɛrɛvɔ Sɛbɛ 10:4

Mi nyané a fé boblɛn naané nya léé: É ’ka we lɛdɔa mi gi lo. Bale ’ka pelo. Bé ye, alé ’wuogibɔrɔlenu faa lé ke bɛ.

Wegɔnévɔlenu 30:9

dé an da fɛ kiɛre ye, yé maa sɔn vɔ i ma yé maa léé, de ɛ ke Gakelebale nyaa? Taa, dé nyané é da an gyɛ yé maa kyeen wo yé maa anlé Bale tɔ sɛrɛ.

Ézai 17:10

Naa, Bale lé é ka si we gi, ka gi san ’bɛ ma, i yɔɔwuogɔlɛ sele saan i gi, azama. Ka féi pa yonu zé nya, ka dɔrɔyili suru bale bɛnu lɛ.

Jérémi 5:7

Maa kɛla kaa ’naan, yé an ka ma we voo? Kalé nénu sɔn vɔ an ma, Yé vié balenu lé wo ’ka lo, woo wo ’nyɔɔn‐an. Maa fɛ kiɛre nɔ wo lɛ, naa, woo goo gɔné bɛ gini lɛ. Woo wɔraan gɔnégini le lé kɔn gi wo gu nya.

Ézékiɛl 23:35

Amalé Mizan Gakelebale léma: An sele saan i gi, i an vuli i zuozia, amalé ’i ’wuo dɔ i kɛlɛwe plenu valé ilé gɔnéginile ma nyanénu wuo.

Ézékiɛl 28:5

Ilé wedɔɔle blɛn valé ilé yaawole kaii lé we ma lé ilé fuafɛnu bo bɔ yé bo blɛn wɔra i bli gi ilé fuafɛnu lé we ma.

OZÉ (Osée) 10:1

Izraɛl a bélé dɔrɔféi lé éé baan di, a zo; é poro baa kiɛre. Alé féi baale gi gyɛ fɛan zo, a zo lé alé yobanle gi gyɛ. Alé tɛrɛ nyian wo fɛan zo, a zo lé wo yofotonu ma’lɛrɛ.

OZÉ (Osée) 12:8

Éfraim a yaawozan nya, alé viékilo a a lee; dabli kɛlɛle sɔ a lɛ.

OZÉ (Osée) 2:13

Alé ginanawe kɛlɛle faa koo, alé fɛtinu lé we koo, alé moné dɛrɛ lé we koo, alé flinyi valé alé zénle ékeva plɛplɛnu koo, maa dan a faa yi ga lɛ.

OZÉ (Osée) 2:7

Wo bu a bɔrɔdɛ le nya; le lé é wo yaa, ébo sɛrɛ; naa, é léé: An bwɛnu lé wo fɛblele valé ’yi koo, ’blakyɛɛsɔ valé lɛnsɔ koo, nyɔnɔ valé nwɛ koo, wa nɔ an lɛ, maa dan go lɛ ’bɛnu zuo.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

OZÉ (Osée) 4:7

Dé woo Balebanzannu go fanle nya ’té wolé wenyané gi éé goo gyɛle nya; maa dan wo tɔbɔle nɔla lɛ yaragyɛwe nya.

OZÉ (Osée) 5:14

Maa dan kɛlɛ lɛ Éfraim munu ma bélé golizra zo; maa dan kɛlɛ lɛ Juda munu ma bélé golizrané zo; maaoo, maa! maa dan a wi kini lɛ ékema, ’bɛ zuo maa dan go lɛ; maa dan go lɛ a nya an lee, yé mi do kpen ’ka dan a si lɛ an lee lo.

OZÉ (Osée) 7:14

Wo bli wɔlɛ ma mi, wo ’ka an laa lɛ lo, naa, woo wuvɔa ’wo yiana. Wo bli a ’wolé ’sa valé dɔrɔ dɛrɛ yele ɛ lɛ, yé wo si an ma baa.

OZÉ (Osée) 8:14

Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

OZÉ (Osée) 8:4

Wo ’wo nwiinzan blɛnnu dɔ é pla, ’té maa ’ka a fe lɛ lo, yé wo ’wolé dutinu dɔ an ma trɔnné va. Wo miyilinu kɛlɛ wolé gɔɔlifu valé wolé kyan nya, bɛwemalé maa dan wo sɛrɛ lɛ tata.

Bélidɔwesɛbɛ Fiézan 32:18

Gɔlɛ lé é i kɛlɛ, i sɔn vɔ a ma, Yé Bale lé é i yaa, i gi san a ma.