OZÉ (Osée) 13:2 - Kazambale lé Sebe Sauunu 1979

² Sin, wo yara a é pale wenyané kɛlɛle ta tegele. Woo ’wolé gɔɔlifu sié, ’té woo yofoto kɛla a nya; woo miyilinu kɛla ’wo gibɔrɔle yɛrama; wo faa a blabozannu panyanama nya. Wa fé ’wo kɛlɛfɛnu ma léé, mi lé ke wo banna, ’é pwɛpwɛ vɔ diriné ma.

OZÉ (Osée) 13:2 ပူးပေါင်းရင်းမြစ်များ

1 Minwiinzannu 19:18

Naa, maa munu baa yaa wuru soru tadɔ Izraɛl, munu faa lé wo ’ka ’wo powuo zun lɛ Baal lɛ lo, ’té wo lɔlu ’ka pwɛpwɛ vɔ lɛ a ma lo, wo nya.

2 Minwiinmunu lé Wezuofe Sɛbɛ 28:13

Wo lé wo lɛ léé: Té ka da luunu ’konu nya ko va ’ko lo. Naa, ka a a va léé, ka ko kɛlɛ weanwiinzannu nya Gakelebale va yé ka kolé wenyanénu valé ko saanlenu taa pa. We a ko nwiin é kyɛn, yé Gakelebale bli a flina Izraɛl ma blɛn.

2 Minwiinmunu lé Wezuofe Sɛbɛ 33:23

Yé é ’ka ébo kɛlɛ lɛ kiéné Gakelebale ’lɛ bélé a ti Manasé a kɛlɛ fɛan zo, a zo lo. Naa, yee Amon kɛlɛ weanwiinzan blɛn nya.

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Ézai 1:5

Dé kalé nwale an ma gi gya, mɛ nya lé maa we lɛdɔa ka gi é dɛrɛɛ? Gyɛ a ka ’wuo ma fɛfaana, yé ka bli faa a yaana.

Ézai 30:1

Gakelebale léé: Nwamima nénu lé woo we kɛla ’wobo ’wuoi, ’té wo ’ka a laan an lee lo, yé woo gi paan munu nya do, ’té ’bɛ ’ka anlé blibɔmawe nya lo, ’té woo wenyané taa paan wenyané nya, we tɔntɔn ’é kɛlɛ wo lɛ ma.

Ézai 44:11

Ka ye, munu faa lé woo nyanama ’ko paan, wo gi é dan blin lɛ wo ma; wo kɛlɛzannu a blaminu nya é pla; wo faa ’é zén ékeva, ’wo ’wobo nagɔɔn. Wo faa ma é dan nyɔɔn lɛ yé yara é dan wo gyɛ lɛ.

Ézai 45:20

Ka lé ka so bɛnnu lee, ’Ka zén ékeva yé ’ka da, ’Ka bié ékeva. Munu lé woo ’wolé miyili kɔné sié Yé bale lé é ’ka bɔa wo sile lɛ we gi lo, ’té wa tɔ laan bɛ, ’Wuo ’ka wo ta lo.

Ézai 46:6

Munu éé kyan sié ’wolé bala gi, Woo gɔɔlifu daan kilo la, Yé wa no folibozan lɛ léé, ’bɛ a kɛlɛ bale nya, ’Té woo diaan a ’lɛ, ’té wa bɔa.

Ézai 46:8

We ’konu sele ’é dɔ ka gi, yé ’ka kɛlɛ mi nya. Wenyanékɛlɛzannu, ka ’wuo ’é dɔ ka ta ma.

Jérémi 10:4

Wa ma nyɔɔ gya gɔɔlifu valé kyan nya, Woo pɔnténu valé maato sié yé wa blin a nya, Léé, té a ma é nyɔɔn lo.

Jérémi 10:8

Wo faa a ékeva tanyilazannu valé tavozannu nya; Wolé wedɔɔle a boawe nya, wa yili nya é pla.

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

OZÉ (Osée) 10:1

Izraɛl a bélé dɔrɔféi lé éé baan di, a zo; é poro baa kiɛre. Alé féi baale gi gyɛ fɛan zo, a zo lé alé yobanle gi gyɛ. Alé tɛrɛ nyian wo fɛan zo, a zo lé wo yofotonu ma’lɛrɛ.

OZÉ (Osée) 10:5

Samari munu bɔ é dan gyɛ lɛ dirinénu lé wo ke Bɛt‐Avan, wolé we ma. Munu é dan miyili gyɛ bo lɛ; a banzannu ma é dan nyɔɔn lɛ alé we ma, ’bɛ valé a tɔbɔle yi gale we ma.

OZÉ (Osée) 11:2

Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

OZÉ (Osée) 11:6

Wo bligiwe lé we ma lé gwɔun é dan bɔra lɛ wolé fla yé é dan wo sɛrɛ lɛ, yé é dan wo kulu ga lɛ.

OZÉ (Osée) 14:3

Asirinu ’ka dan ko si lɛ we gi lo, ko ’ka dan vɔ lɛ wisoonu ta lo. Ko ’ka dan a fe lɛ é dɛrɛ ko bɛ panyanama lɛ léé, kolé Bale, lo. Naa, ti valé bugalazan woo nyanai zénle ’wo ta yé bii ɛ va.

OZÉ (Osée) 2:8

Bɛwemalé, maa dan alé zi lɛ tan lɛ a lee léli nya, yé maa dan gɔrɔ nwa lɛ a ’lɛ, té é bwɛnu lé zi ye é dɛrɛ lo we ma.

OZÉ (Osée) 4:17

Éfraim ébo yere miyilinu ma; ’ka vo.

OZÉ (Osée) 8:4

Wo ’wo nwiinzan blɛnnu dɔ é pla, ’té maa ’ka a fe lɛ lo, yé wo ’wolé dutinu dɔ an ma trɔnné va. Wo miyilinu kɛlɛ wolé gɔɔlifu valé wolé kyan nya, bɛwemalé maa dan wo sɛrɛ lɛ tata.

OZÉ (Osée) 8:5

Samarinu, Gakelebale sɔn vɔ kalé diriné foto ma. An bli a é flile wo ma. Wo dan wobo kɛlɛ lɛ é zima mɛ yi laa?

OZÉ (Osée) 8:6

Diriné ’ko, é si Izraɛl; blabozan do ɛ a kɛlɛ, yé é ’ka Bale nya lo; bɛwemalé wo dan Samarinu lé diriné foto sɛrɛ lɛ.

Mi Nɔnɔle 32:14

Yé ka ye, ka dɔ ka tranu pa gi wenyanékɛlɛzannu nya, yé ka dan Gakelebale bli flile Izraɛlnu ma taa pa lɛ.

Rom munu 11:4

’Naan, Kazambale a zi pa a lɛ nɔɔ? É léé: Mi baa yaa wuru soru lé wo ’ka tan ’wo powuo zun lɛ Baal lɛ lo, maa wo tadɔ anzé nya. Yee kaan loo?

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

1 Samuɛl 10:1

Samuɛl nyɔnɔ kuoné si yé é a zén Saul nwiin. É pwɛpwɛ vɔ a ma yé é léé: Gakelebale ’ka nyɔnɔ zén lɛ i nwiin i plale alé munu nwiin we ma loo?