OZÉ (Osée) 13:16 - Kazambale lé Sebe Sauunu 1979

¹⁶ Samari nwa ’élé Bale ma, amalé maa dan we lɛdɔ lɛ a gi. Wo dan ga lɛ gwɔun lee; wo dan wolé nénu wii lɛ, yé wo dan bɔnlomu bɔn fia lɛ.

OZÉ (Osée) 13:16 ပူးပေါင်းရင်းမြစ်များ

2 Minwiinzannu 15:16

Tifasak valé a ta munu koo, alé tɛrɛ faa, é sia Tiisa, ’bɛ koo, Ménaɛm wo gyɛ; wo ’ka flagɔrɔ lɛnu so lɛ a lɛ lo, amalé é wo gyɛ, yé é bɔnlomu faa bɔn gi bo.

2 Minwiinzannu 17:18

É ziin, Gakelebale bli fli wo ma é baba yé é wo si é yara baa. Juda bɛn do kpen ɛ vo.

2 Minwiinzannu 17:5

Yé Asiri nwiinzan gié ana tɛrɛ faa la yé é é go Samari yé é a mabɛn lɛɛ yaa.

2 Minwiinzannu 17:6

Ozé lɛɛ sɔraziɛnzan nya Asiri nwiinzan blɛn Samari si yé é go Izraɛl nya luu gi Asiri tɛrɛ la. É wo nyana Salaki valé Sabɔɔ yuu lé ke Gozan tɛrɛ la, a gɔ la, é valé Mɛdenu lé flanu ta.

2 Minwiinzannu 8:12

Azaɛl léé: Mɛmalé anzan wuvɔɔ? Élizé a zi pa léé: We tɔntɔn lé i dan a kɛlɛ lɛ Izraɛl lé nénu lɛ, maa a dɔɔ, ’bɛzama; i dan wolé fla plɛplɛ kyɛ vɔ lɛ, i dan wolé pɛniɛnu gyɛ lɛ gwɔun nya, i dan wolé né kiénénu pun dɔ lɛ yé i dan wolé bɔnlomu bɔn gi bo lɛ.

Ézai 13:16

Wo dan wolé nénu ’wii lɛ wo yuɛ va; wo dan wolé kɔnnu ’wii lɛ, yé wo dan zɔwɛgyɛ lɛ wo nanu ta gla nya.

Ézai 17:3

Guliyɔɔkɔn ’ka Éfraim tɛrɛ la é dɛrɛ lo. Damas lé fuatɛrɛ koo, é ziin; Sirinu lé wo vo, wozé é dan kɛlɛ lɛ bélé Izraɛl munu tɔbɔle zé kɛlɛ fɛan zo, a zo. Lai sunyanu lé Gakelebale ɛ fe.

Ézai 8:4

Naa, dé né ’ko ’ka tan bɔa a fele lɛ an ti valé an bu lo, wo dan go lɛ Damas lé fuafɛnu valé Samari lé gulizarafɛnu nya Asirinu nwiinzan blɛn ’lɛ.

OZÉ (Osée) 10:2

Wo bli a fié; wo dan a gi dɔɔ lɛ. Gakelebale é dan wolé yobannanu zana lɛ a gi, yé é dan wolé yofotonu sɛrɛ lɛ.

OZÉ (Osée) 11:6

Wo bligiwe lé we ma lé gwɔun é dan bɔra lɛ wolé fla yé é dan wo sɛrɛ lɛ, yé é dan wo kulu ga lɛ.

OZÉ (Osée) 7:14

Wo bli wɔlɛ ma mi, wo ’ka an laa lɛ lo, naa, woo wuvɔa ’wo yiana. Wo bli a ’wolé ’sa valé dɔrɔ dɛrɛ yele ɛ lɛ, yé wo si an ma baa.

Amɔs 1:13

Gakelebale léma: Amɔn munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo Galaad bɔnlomu bɔn fia, léé, ’wolé tɛrɛ ’é kɛlɛ blɛn, azama.

Amɔs 3:9

Bale léma: ’Ka we zana dɔɔ fuakɔnnu gi Azdɔd tɛrɛ la, ’bɛ valé Éjipiti tɛrɛ la; ’ka fe léma: ’Ka zén ékeva Samari gɔnu nwiin, yé Samarinu bɔ éé gya fɛan zo, yé ka a ye; wa glawe kɛlɛna fɛan zo, yé ka a ye.

Amɔs 9:1

Maa Mizan ye é dɔle balebanna ta loru. Yé é léma: ’I fɛ duun wɛyiliwuonu lɛ, fɔɔ yé kɔnpa ma é nyɔɔn, yé wo faa ’wuo ’é ’wii. Maa dan a pɔnénu gyɛ lɛ gwɔun nya za ma; wo va mi do kpen ’ka dan vɔ lɛ fli gi yé é so we lee lo; wo vazan do kpen ’ka dan so lɛ an lee lo.

Misé 1:4

Gɔnu ’yi a bona a wuo, ’Té gɔ woronanu lɛ éé soo a wuo, Bélé kyɛ éé wele ’yiboo fɛan zo, a zo, Bélé ’yi éé yoroan gɔ zunna fɛan zo, a zo.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Naum 3:10

Duowo, é kɛlɛ lulami nya, é go ana luubale gi; wo alé nénu gyɛ ziblannu faa ta, wo ’munnu zun alé tɔzannu ma, yé wo gɔgɔbalenu vɔ alé mi blɛnnu faa ma.