OZÉ (Osée) 13:14 - Kazambale lé Sebe Sauunu 1979

¹⁴ Maa dan wo si lɛ gamunu nyanana lé plɛplɛ lee; maa dan wo si lɛ ga boen lee. Gaoo ga, ilé bawurumagyɛ a kyɛɛn? Gamunu nyanana, ilé mi guru zanale a gi a kyɛɛn? Naa, maa ’ka wo bli nɔlale yé lo.

OZÉ (Osée) 13:14 ပူးပေါင်းရင်းမြစ်များ

JOB (Job) 33:24

Kazambale é dan alé muun nyi si lɛ yé é dan a fe lɛ lanje lɛ léé: Bé salo, té é go guru gi lo; Maa a tabofɛ ye.

JOB (Job) 41:22

Éé wɛyi flian é wuo bélé ’yi kyɛdɔbɔ zo, Éé a nanoan bélé lasikɔrɔ kuo zo.

Lɛrɛvɔ Sɛbɛ 16:10

Naa, i ’ka dan anboen vo lɛ gamunu nyanana lo; I ’ka dan a nyi si lɛ léé, i sɔlɛzan é vɔn lo.

Lɛrɛvɔ Sɛbɛ 30:3

Gakelebale, anlé Bale, An siaa i lɛ, yé i an béli.

Lɛrɛvɔ Sɛbɛ 49:15

Wa bélé trubɛ zo, woo goo gamunu nyanana, Ga é dan wo ble lɛ bélé trubɛ lé lublele zo; É vo sɛ yé mi tegelenu é dan wo zɔn lɛ ’wo gane nya, Wo nɔnɔmi na a é sɛrɛle; yé gamunu nyanana kɛlɛ wo nyanana nya.

Lɛrɛvɔ Sɛbɛ 49:16

Naa, Bale ɛ dan an boen takuun lɛ, Yé an ’ka dan go lɛ gamunu nyanana lo. Ka ye do.

Lɛrɛvɔ Sɛbɛ 71:20

I kleblele valé we tɔntɔn bɔ ko ma kiɛre, Naa, bii ɛ fu vɔ ko ma é ziin, Gurunu lé wo wɔlɛ ma nyaana ’ka lo, i dan ko bɔra lɛ wo gi.

Lɛrɛvɔ Sɛbɛ 86:13

Naa, ilé zin a blɛn an vazia, Yé i an boen si gamunu nyanana.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Ézai 26:19

Amalé, ’ilé migalenu vuo ma; ’I anlé migalenu nwa ma. Ka lé ka ke vun va, ’ka vuo, ka gi ’é nana, Naa, Bale lé fli a mivoéyuɛma fli nya, Yé é dan vɔ lɛ migalenu ta.

Jérémi 15:6

Gakelebale léé: I sɔn vɔ an ma, yé i go i zuo zia, Naa, maa an bɛ soi i ma, yé maa i kulu ga; An wɔlɛ gi nyaa an ma, nyanai zénle i ta we ma.

Jérémi 20:16

Mi ’ko ’é kɛlɛ bélé fla lé Gakelebale a sɛrɛ, ’té a nyanai ’ka zén a ta lo, a zo. ’É dunnulenu ’ma é bladi ma, Yé ’é gulidan siaalenu ’ma é yiéyi ma.

Jérémi 31:35

Gakelebale lé, é yiri kɛlɛ yiéyi va‐kinifɛ nya, Yé é moné valé monénénu kɛlɛ léé, ’wo béli va kini bɛ, ’Té éé wɛyi nwaan yé ’té éé wɛyi nwalenu vun wé bɛ, Yee lé a tɔ ke lai sunyanu lé Gakelebale, é we fe.

Ézékiɛl 37:9

É lé an lɛ léma: ’I balelawe fe, ’i we fe léli lɛ. Blami be, ’i balelawe fe, yé bé fe léli lɛ léma: Mizan Gakelebale léma: Léli, ’i si fu ziɛn gi, ’i fu fɛɛ mi gale ’konu ta, yé ’wo nwa é yuɛma é ziin.

OZÉ (Osée) 6:2

É dan ko béli lɛ yi fié gi, a yi yaazan nya é dan ko nwa lɛ, yé ko dan vo lɛ é yuɛma a va.

OZÉ (Osée) 7:10

Izraɛl lé boblɛn éé wo mawe fé; wo ’ka dan Gakelebale wolé Bale va é ziin lo. Dé maa we faa kɛlɛ wo lɛoo, wo ’ka an naginian lo.

Malasi 3:6

Naa, maa a Gakelebale nya, an ’ka nɔlaan lo, bɛwemalé, ’kaa Jakɔb lé nénu, maa ’ka ka kulu ga lɛ lo.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Rom munu 11:15

Dé Bale sɔn vɔ Juifinu ma yé bɛwemalé é tɛrɛlamunu nana ’é va ’naan, dé wo wɔra é ziin alé zin gi nii? ’Bɛ ’ka dan kɛlɛ lɛ nwale gale va nya loo?

Rom munu 11:29

Naa, Kazambale bli ’ka nɔlaan élé blɛnu kɛlɛle valé élé mi laale ma lo.

2 Korɛnt Munu 5:4

Bléyian va lé ko a sɔkɔn ’ko gi, ko dunnuan weboen nya. Kɔlɛ ’ko a ko ta bélé kɔné zo. É ’ka sɔ lɛ ko lɛ léé, ko vo é pla lo, naa, é sɔ ko lɛ léé, ko wɔra kɔlɛ dɛrɛ gi, yé bélifɛ ’é gafɛ mini.

Filip munu 3:21

É dan kaa kɔlɛ ple tavɔɔ lɛ, plɛplɛ lé éé fɛnu faa plaan ’é wuo a nya bɛ, yee plɛplɛ duo nya, yé é kaa kɔlɛ kɛlɛ bélé ézé kɔlɛ bile planplan zo.

1 Tɛsalɔnik munu 4:14

Dé ko dɔ a ta léé, Jézu ga yé é nwa é ziin, é a lé ko dɔ a ta é ziin léé, munu lé wo ga Jézu gi, Kazambale é dan wo pa lɛ Jézu va yé é da wo nya.

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

Wegɔɔnle 20:13

Wɛyi ézé migalenu bɔra a gi, yé ga valé gamunu nyanana wozé mi galenu bɔra a gi, yé wo wolé we ble do do wo kɛlɛwenu yɛrama.

Wegɔɔnle 21:4

É dan wo yuɛyi si lɛ yé mi ’ka dan ga lɛ é dɛrɛ lo; wo ’ka dan gyɛ bo lɛ é dɛrɛ lo; wo ’ka dan wuvɔ lɛ é dɛrɛ lo; wo ’ka dan nyané ble lɛ é dɛrɛ lo, naa, we vininnu faa gié.

Wegɔɔnle 6:8

Maa a naginina yé bé ye, kyɛyee wisoo bɔra. Wo atazan tɔ laama ga, yé gamunu nyanana a a va. Wa se kɛlɛ wo lɛ léé, ’wo tɛrɛ fén ziɛnzan tamunu gyɛ, gwɔun koo, lɔrɔ koo, migyɛgyɛ koo, bwigiwinu koo, wo nya.

1 Samuɛl 15:29

Mi lé é ke Izraɛl lé plɛplɛ nya, é ’ka vié woo lo yé a bli ’ka nɔlaan lo, é ’ka mi nya yé a bli éé nɔlaan lo, azama.