OZÉ (Osée) 13:10 - Kazambale lé Sebe Sauunu 1979

¹⁰ I nwiinzan blɛn a kyɛɛn? ’É i si we gi ilé fla faa ta ma. I lé yi la an lɛ léé, maa ’wo nwiinzan blɛn valé ’wo ’lɛzannu nɔ, sin, wa kyɛɛn?

OZÉ (Osée) 13:10 ပူးပေါင်းရင်းမြစ်များ

1 Minwiinzannu 12:20

Izraɛl munu faa a ’ma aan wo léé, Jéroboam da, wa laa léé, ’é da wo zénna ékeva na, yé wa dɔ Izraɛl faa nwiinzan nya. Juda bɛn do kpen ɛ go David gɔnɔlamunu va.

2 Minwiinzannu 17:4

Naa, Asiri nwiinzan blɛn a ’ma léé, ’é ma we dɔ Ozé gi, yé Ozé munu nwunvɔ Éjipiti nwiinzan blɛn So va, yé é ’ka gɔɔli banwoo Asiri nwiinzan lɛ lɛɛ ma lɛɛ ma é dɛrɛ lo. Yé Asiri nwiinzan a kun yé é gɔgɔbale vɔ a ma bokɔn gi.

Lɛrɛvɔ Sɛbɛ 10:16

Gakelebale a minwiinzan nya yifaama, a glɛ ’ka lo, É bɛnnu nyaa élé tɛrɛ la,

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 44:4

Naa, wo ’ka tɛrɛ ’ko ye lɛ wolé gwɔun nya lo, Wo bɛ ’ka wo si lɛ we gi lo, Naa, i bɛyi ɛ wo si we gi, yee valé i yara san nya; Wo sɔ i lɛ, azama.

Lɛrɛvɔ Sɛbɛ 74:12

Bale a an nwiinzan blɛn nya é li é kwakwa, Yee ɛ mi sié we gi tɛrɛ la.

Lɛrɛvɔ Sɛbɛ 89:18

Naa, bii ɛ ke wolé plɛplɛ tɔbɔfɛ nya, Ilé zin ɛ kolé plɛplɛ nwaan.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 43:15

Maa a Gakelebale, kalé Mi Sauun nya, Izraɛl kɛlɛzan, ka nwiinzan blɛn lé maa nya.

Jérémi 2:28

’Té balenu lé ka wo kɛlɛ kazé nya, wa kyɛɛn? Dé wenaané bɔ ka ma bléyian va, wo bɔalɛ léé, wo ka si we gii? ’Wo nwa ma. Oo Juda munu, kalé flanu ’léé a kiɛre fɛan zo, a zo lé kalé balenu ’léé ke.

Jérémi 8:19

Ka ye, anlé munu siaadérenu Zuo gi éé goo wele nya tɛrɛ baa la. Gakelebale ’ka Siɔn é dɛrɛ loo? A nwiinzan ’ka ana é dɛrɛ loo? Mɛmalé wo an bli fli wolé miyili nyaalenu Valé bɛnnu lé miyilinu nyaa?

Jérémi Lé Wuvɔ Sɛbɛ 4:20

Mi lé Gakelebale nyɔnɔ zén a nwiin, a pli zi lé ko voo é yuɛma, É vɔ wolé séli gi, Mi lé alé we ma lé ko fé léé: Ko voo é yuɛma a furɔ wuo bɛnnu méléna, yee lé.

OZÉ (Osée) 10:3

É vo sɛ yé wo dan a fe lɛ léé, ’wo nwiinzan ’ka lo, ’wo ’ka kana lɛ Gakelebale lee lo, azama; dé ’wo nwiinzan é vo kɔɔn, ’té ’bɛ é bɔa mɛ kɛlɛle lɛ ’wo lɛɛ?

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

OZÉ (Osée) 7:7

Wo bligiwe a bélé ’furukyɛ lé, yé éé wolé weblezannu blé; wo nwiinzan blɛnnu éé diaan; wo va mi do kpen ’ka an laan léé, an da bɔ ’é va lo.

OZÉ (Osée) 8:4

Wo ’wo nwiinzan blɛnnu dɔ é pla, ’té maa ’ka a fe lɛ lo, yé wo ’wolé dutinu dɔ an ma trɔnné va. Wo miyilinu kɛlɛ wolé gɔɔlifu valé wolé kyan nya, bɛwemalé maa dan wo sɛrɛ lɛ tata.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

WENÉNÉ LE JAN A GYE (Évangile selon Jean) 1:49

Natanaɛl lé a lɛ léé: Anzan, bii a Kazambale Be nya. Bii a Izraɛl munu nwiinzan blɛn nya.

1 Samuɛl 8:7

Gakelebale lé Samuɛl lɛ léé: We faa lé munu a fena i lɛ, ’i tɔné dɔ wo lɛ; naa, wo ’ka sɔn vɔna i ma lo, an ma lé wo ke sɔn vɔna, té ’an pla wo nwiin lo we ma.