OZÉ (Osée) 12:8 - Kazambale lé Sebe Sauunu 1979

⁸ Éfraim a yaawozan nya, alé viékilo a a lee; dabli kɛlɛle sɔ a lɛ.

OZÉ (Osée) 12:8 ပူးပေါင်းရင်းမြစ်များ

Lɛrɛvɔ Sɛbɛ 49:6

We tɔntɔn bɔyinu nya, dé an mazannu lé weple kɛlɛle an zi lɛ sɔɔ, Mɛmalé an kanaan?

Lɛrɛvɔ Sɛbɛ 52:7

Amalé Bale é dan i sɛrɛ lɛ, É dan i kun lɛ yé é dan i si lɛ ilé kɔn gi; É dan i soowɔla lɛ mi yuɛmalenu lé tɛrɛ la. Ka ye do.

Lɛrɛvɔ Sɛbɛ 62:10

Iin, blaminu a é pla. Blaminu a vié nya, Dé wo wo faa vɔ kilo ta ékeva, fu fɛle do bɛn mini wo la.

Wegɔnévɔlenu 11:1

Dabli fɛdan kilo a é naané Gakelebale yuɛ gi, naa, fɛ dan kilo lé poa tegele éé sɔa a lɛ.

Wegɔnévɔlenu 30:12

Mi gɔnɔ do ana yé é dɔ ’wo gi léé, ’wo bli gi a é bɔle, ’té wo ’ka ’wo tiri sié lo.

Wegɔnévɔlenu 30:20

Gɔné bɛ ginizan lé wekɛlɛbɛ lé ke ’ko: Éé fɛ blé, éé lɛ ma booan, a zuo é léé: Maa ’ka wenaané kɛlɛ lɛ lo.

Jérémi 2:23

É kɛlɛ kaa yé ka léé: Ko ’ka ko tiri dɔ lɛ lo, Ko ’ka go lɛ Baalnu zuo loo? ’Ka ka gane paginu nagini gɔ worona, Ka wean kɛlɛ, ’ka bɔn‐in bɔrɔ ’bɛ ma do. Ka a bélé nyɔgɔmé tina lé éé vlan borowo plɛplɛ, ’té éé giéan fɛfaana, a zo.

Jérémi 2:35

Naa, duowo, ka léé: Iin, ko a weanwiinlozannu nya; a bli ’ka dan fli lɛ ko ma lo. Ka ye, an dan we ble lɛ ka va; ka léé, ’wo ’ka wenyané kɛlɛ lɛ pelo, azama.

Jérémi 5:27

Mane?-?nu woo zénkɔɔ faan fɛan zo, a zo lé wolé kɔnnu a é fanle dablifɛnu nya. ’Bɛ zo lé woo kɛla mi plɛplɛnu valé fuablezannu nya.

Ézékiɛl 28:5

Ilé wedɔɔle blɛn valé ilé yaawole kaii lé we ma lé ilé fuafɛnu bo bɔ yé bo blɛn wɔra i bli gi ilé fuafɛnu lé we ma.

OZÉ (Osée) 13:6

Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 4:8

Balebanzannu ’wolé fɛblele yé anlé munu lé wenyané kɛlɛle ma; é sɔ wo lɛ léé, wo weple kɛlɛ di.

Amɔs 8:5

Ka léma: Yiba, mɛ bléyi va lé moné dɛrɛ yi éé giéan yé ko ’sa daan? Mɛ bléyi va lé flinyi éé giéan, yé ko kolé boonu lɛ soo? Ko dan fɛdangifɛ wɔra lɛ ékeva yé ko dan a vlɛ taa pa lɛ, ko dan kilo kɛlɛ lɛ dabli nya;

Abaku 1:16

Amalé éé saraka boo élé séli lɛ, yé éé lasikɔrɔ kyɛ blé élé duɛnu lɛ. Naa, wolé we ma lé éé fɛ nyɔnɔzan blé, ’té alé fɛ a néné.

Zakari 11:5

Munu lé wo wo lɔ bɛ, wo ’ka wo vo lo, woo wo bɔrɔ boo. Wo dan?-?munu léma: Ko a fua blena, amalé ’wo Gakelebale drɔɔ vo ma. Yé wo pazannu ’ka wo soo we lee lo.

Malasi 2:17

Ka Gakelebale wɔlɛ gi nyaa é ma ka dére nya, yé ka léé, ’wo a wɔlɛ gi nyaa a ma mɛ nyaa? Ka fé léé: Miomian wenaané kɛlɛ, é a é zima Gakelebale yuɛ gi, yee ɛ Gakelebale gi nanaan. ’Bɛ dére ’ko ɛ Gakelebale wɔlɛi nyaa é ma; dé ’bɛ kaan lo, ka fé léé: We tegele kɛlɛ Bale a kyɛɛn?

Malasi 3:13

Gakelebale léé: Ka a dére nyané fena an ma. Yé ka léé: Ko mɛ we ɛ fe i ma dére nyané nyaa?

WENÉNÉ LÉ LUK A GYE (Évangile selon Luc) 10:29

Naa, é sɔ gɔnézan lɛ léé, élé we ’é kɛlɛ néné Jézu yuɛ gi yé é léé: De ɛ ke an bɔluzan nyaa?

WENÉNÉ LÉ LUK A GYE (Évangile selon Luc) 12:19

yé maa dan a fe lɛ anboen lɛ léé: Anboen, ilé fɛnu ta a é dɔle lɛɛ kiɛre zé nya; ’i nyana, ’i fɛ ble, ’i fɛ mini, i gi ’é nana ma.

WENÉNÉ LÉ LUK A GYE (Évangile selon Luc) 16:13

Mi do kpen ’ka bɔa kɛlɛle lɛ mi fié wuozan nya lo. Naa, a do za é dan vo lɛ a gi yé a koɛzan é dan sɔ lɛ a lɛ; é dan nana lɛ a do va yé é dan a koɛzan ye lɛ boami nya. Kazambale koo, tɛrɛlafua koo, ka ’ka bɔa kɛlɛle lɛ wo fiénu wuozannu nya lo.

WENÉNÉ LÉ LUK A GYE (Évangile selon Luc) 16:15

Jézu lé wo lɛ léé: Ka a a va léé, ’wolé we ’é kɛlɛ tegele munu yuɛ gi, naa, Kazambale ka bli dɔɔ; fɛ lé é ke fɛ blɛn nya munu yuɛ gi, é a bélé bo zo Kazambale yuɛ gi.

Bélidɔwesɛbɛ Fiézan 8:17

Té ka fe ka bli gi léé, ’wolé plɛplɛ valé ’wo bɛ plɛplɛ ma lé ’wo fua ’ko ble lo.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

Wegɔɔnle 3:17

Bii léé, ’é a fua nya, yé ’é a fua blena yé ’é mawe ’ka fɛ do kpen gi lo, yé i ’ka a gi dɔɔa léé, i a wenaanébɔmazan koo, nyanaizénlazan koo, nyanégyɛzan koo, yuɛwiizan koo, mi porole koo, wo nya lo;