OZÉ (Osée) 12:6 - Kazambale lé Sebe Sauunu 1979

⁶ Gakelebale a lai sunyanu lé Bale nya. A tɔ lé Gakelebale.

OZÉ (Osée) 12:6 ပူးပေါင်းရင်းမြစ်များ

Wepélisiananu 49:18

Oo, Gakelebale, an bli a a lɛ léé, i dan an béli lɛ.

Lɛrɛvɔ Sɛbɛ 123:2

Bé ye, fɛan zo lé wuomunu yuɛ a ’wozannu lɛ, Yé fɛan zo lé wuo le yuɛ a ’é nwiin le lɛ, A zo duo lé ko yuɛ ke Gakelebale kozé Bale lɛ, Fɔɔ yé é nyanai zén ko ta.

Lɛrɛvɔ Sɛbɛ 27:14

’I bli vo Gakelebale lɛ. ’I dɔ gligli, yé ’i bli ta dɔ plɛplɛ ma. ’I bli vo Gakelebale lɛ.

Lɛrɛvɔ Sɛbɛ 37:7

’I nyana drɔɔ Gakelebale ’lɛ, yé i bli ’é vo a lɛ; Yé mian alé we nyian é wo, té alé we é ’na i ma lo, Yé mi lé é ’é bɔngiwe nyanénu lɛ sɔɔ, té alé we é ’na i ma lo.

Fwile 3:15

Kazambale lé é ziin Moizi lɛ léé: I dan we fe lɛ ’ko zo Izraɛl lé nénu lɛ, léé: Gakelebale, wo tinu lé Bale, Abraam koo, Izak koo, Jakɔb koo, wolé Bale i nwunvɔ wo va. Yee Gakelebale ɛ ke an tɔ nya lɛɛfaama, ’bɛ ɛ ke an tɔ nya mi kulu é kulu gi.

Wegɔnévɔlenu 1:23

’Ka nɔla anlé wepladére ’male we gi. Ka ye, maa dan an léli zén lɛ ka ta. Maa dan an dére paa lɛ ka gi.

Wegɔnévɔlenu 21:3

We tegele valé we drɔle kɛlɛle a é sɔe Gakelebale yuɛ gi é mini saraka bole ta.

Ézai 1:16

’Ka zuru, ’ka kɛlɛ tegele; ’ka si an yuɛ gi ka kɛlɛwe naanénu nya; ’ka daan wenaané kɛlɛle ma.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 31:6

Izraɛl munu, ’ka nɔla, mi lé ka vo ka bɛ zuo baa, a va.

Ézai 40:31

Naa, munuan woo paan Gakelebale ta, éé wolé plɛplɛ taa paan é ziin. Woo sié bélé gola zo; Woo vlanburuwo yé koi ’ka wo gya lo, Woo tawoo yé wo wɔlɛi ’ka nyaan wo ma lo.

Ézai 58:6

Lɔrɔsɔnle lé éé an gi nanaan, yee lé ke ’ko: Munu lé ka wo vɔ bokɔn gi é pla, ’ka wo bɔra; ’ka luubale kini munu bɔrɔ ma; munu lé ka yaan wo ta, ’ka wo vo woboma; munu lé ka kɔné blɛn dɔ wo nwiin, ’ka wo vo woboma.

Ézai 8:17

Gakelebale lé éé yara yɔɔan Jakɔb lé munu ma, an bli a yee ɛ lɛ; an pale a yee ɛ ta.

Jérémi 22:15

Sɛdrɛyili lɔrɔ lé i gyɛle we ma lé i ke é plale mi nwiin? I ti ’ka fɛ ble lɛ loo? É ’ka ’yi mini lɛ loo? Naa, é we tegele valé we zima kɛlɛ Yé a gi nana.

Ézékiɛl 18:30

Izraɛlnu, bɛwemalé maa dan ka faa do do lé we ble lɛ kalé wekɛlɛbɛ yɛrama. A zo lé Mizan Gakelebale a fe. ’Ka da é ziin, yé ’ka daan kalé bélidɔwe sɔnné sɛrɛlenu faa ma, léé, té weple é kɛlɛ ka sɛrɛfɛ nya lo.

OZÉ (Osée) 10:12

’Ka nyana dɛrɛ wo, ’ka we tegele vɔ yé ’ka nyanai zénle gyɛ. Gakelebale nagini bléyi lo, fɔɔ yé é da yé é we tegele nwɛɛn ka lɛ.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Joɛl 2:13

Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Amɔs 4:13

Naa, mi lé é gɔ blɛnnu kɛlɛ yé é fu kɛlɛ, Yé éé bɔn‐in bɔrɔmawe gɔɔn‐an blami lɛ, Yee lé éé tu kinile nɔlaan gunu nya, ’Té éé tawoo tɛrɛ la fɛna nwalenu na, yee lé ke bɛ; A tɔ lé Gakelebale, lai sunyanu lé Bale.

Amɔs 5:24

Naa, wedrɔle ’é kɛlɛ bélé ’yiyoro zo, yé we tegele ’é kɛlɛ bélé ’yiyoro plɛplɛ lé é ’ka bélié lo, a zo.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Misé 7:7

Dé é a anzé nya, an dan an yuɛ vo lɛ Gakelebale lɛ, yé maa dan pa lɛ an siéwegizan Bale ta. Anlé Bale é dan an dére ’ma lɛ.

Abaku 2:3

Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Sofoni 3:8

Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Zakari 1:3

Amalé bé fe wo lɛ léma: Lai sunyanu lé Gakelebale léma: ’Ka da maa, lai sunyanu lé Gakelebale va é ziin, yé maa dan da lɛ é ziin ka va. A zo lé Gakelebale a fe.

Zakari 7:9

Lai sunyanu lé Gakelebale a fé turu léma: ’Ka we tegele kɛlɛ weboen nya, ’ka wezin kɛlɛ ka ke lɛ yé ka nyanai ’é zén ka ke ta.

Zakari 8:16

We lé é a lé ka kɛlɛ, yee lé ke ’ko: ’ka webozen fe ka ke lɛ; ’ka we ble ’é blena kalé flagɔrɔ ’léénu na, ka vole drɔɔ we gi;

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Kelewenu 26:20

Maa we fe munu lɛ léé, ’wo bli nɔla yé ’wo zi nɔla yé ’wo da Kazambale va yé ’wo blinɔlale lé kɛlɛwe kɛlɛ ma. É vinin maa fe Damas munu lɛ, ’bɛ zuo maa fe Jérusalɛm valé Judé munu faa lɛ, bɛn bɛnu koo, maa a fe ’bɛnu é lɛo.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.