OZÉ (Osée) 12:11 - Kazambale lé Sebe Sauunu 1979

¹¹ Maa we fe balelayezannu lɔlu nya; maa yuɛziwe kiɛre kiɛre gɔɔn ka lɛ, yé maa wegɔné vɔ ka lɛ balelayezannu lɔlu nya.

OZÉ (Osée) 12:11 ပူးပေါင်းရင်းမြစ်များ

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

2 Minwiinzannu 17:13

Gakelebale we pla Izraɛl valé Juda lɛ élé balelayezannu faa valé fɛnayezannu faa lɔlu nya, yé é lé wo lɛ léé: ’Ka si kalé zi naané ta, ’ka tawo anlé bélidɔwe yɛrama, ’ka an déretawe kɛlɛ, yé bélidɔwe lé maa a fe ka tranu lɛ yé maa a pa ka lɛ zia an wuozannu balelayezannu nya, ’ka a faa kɛlɛ tegele.

Jérémi 10:15

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 10:8

Wo faa a ékeva tanyilazannu valé tavozannu nya; Wolé wedɔɔle a boawe nya, wa yili nya é pla.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 2:28

’Té balenu lé ka wo kɛlɛ kazé nya, wa kyɛɛn? Dé wenaané bɔ ka ma bléyian va, wo bɔalɛ léé, wo ka si we gii? ’Wo nwa ma. Oo Juda munu, kalé flanu ’léé a kiɛre fɛan zo, a zo lé kalé balenu ’léé ke.

Ézékiɛl 17:2

Blami be, ’i tɔraléé do gyɛ; ’i gɔné do vɔ Izraɛlnu lɛ.

OZÉ (Osée) 10:1

Izraɛl a bélé dɔrɔféi lé éé baan di, a zo; é poro baa kiɛre. Alé féi baale gi gyɛ fɛan zo, a zo lé alé yobanle gi gyɛ. Alé tɛrɛ nyian wo fɛan zo, a zo lé wo yofotonu ma’lɛrɛ.

OZÉ (Osée) 10:2

Wo bli a fié; wo dan a gi dɔɔ lɛ. Gakelebale é dan wolé yobannanu zana lɛ a gi, yé é dan wolé yofotonu sɛrɛ lɛ.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

OZÉ (Osée) 6:8

Galaad tɛrɛ la flanu a wenaané kɛlɛzannu lé fla nya; mi nyɛ a é zanale ana.

OZÉ (Osée) 8:11

Éfraim balebanna kɛlɛ kiɛre, wenyané kɛlɛle we ma, yé balebannanu ’ko wo kɛlɛ wenyané kɛlɛzannu nya.

OZÉ (Osée) 9:15

Wolé wenyané faa ta a é bɔrale Gilgal; ’bɛna lé wo sɛrɛ an gi. Wo kɛlɛwe an bli fli, amalé an dan so lɛ wo va anlé kɔn gi. Wo ’ka dan sɔ lɛ an lɛ é dɛrɛ lo; wo nwiinzannu faa a nwamimazannu nya.

Amɔs 4:4

Mizan Gakelebale léma: ’Ka go Bétɛl, ’ka wenyané kɛlɛ. ’Ka go Gilgal, ’ka wenyané taa kɛlɛ. ’Ka saraka bo tu valé é kinile ma, ’kalé fɛvuzanu nɔ yi yaa gɔnɔ do. ’Kalé bɔvɔ sarakanu bo lévɛn nya wo va. ’Kalé bli drɔɔ blɛnu zuo fe, ’ka a zana dɔɔ. ’Bɛ ɛ sɔ ’kaa Izraɛlnu lɛ.

Amɔs 5:5

Té ka Bétɛl nagini lo; té ka go Gilgal lo; té ka gié Bɛɛ‐Sééba lo. Naa, wo dan Gilgal si lɛ, yé wo dan Bétɛl sɛrɛ lɛ.

Jonas 2:8

Bléyian va lé anboen fuu si é ta, Gakelebale sele dɔ an gi, Yé anlé bazoro dére go fɔɔ i va, Ilé kɔn sauun gi.

Mi Nɔnɔle 12:6

Yé é léé: ’Ka tɔné dɔ an dére lɛ é zima. Dé balelayezan kɛlɛ ka méléna, maa, Gakelebale, maa dan anbozen nagɔɔn lɛ ’bɛzan lɛ yuɛzi gi, maa dan we fe lɛ a lɛ nyɛ fla.