OZÉ (Osée) 11:9 - Kazambale lé Sebe Sauunu 1979

⁹ Maa ’ka dan we kɛlɛ lɛ anlé bliflile yɛrama lo; Maa ’ka dan Éfraim sɛrɛ lɛ lo; Maa ’ka mi nya lo, maa a Bale nya, azama. Maa a Mi Sauun nya ka méléna; An ’ka dan da lɛ bliflile nya lo.

OZÉ (Osée) 11:9 ပူးပေါင်းရင်းမြစ်များ

2 Samuɛl 20:10

Gwɔun lé ke Joab lee, Amasa ’ka é gi bɔrɔ lɛ ’bɛ ma lo, yé Joab a gyɛ a nya é bɔn ma yé a bun‐annu zana tɛrɛ va, yé é ’ka fɛ bɛ duun lɛ a lɛ lo. Yé Amasa ga. Joab valé é zuané Abisai Bikri bi Sééba zuo bin.

Lɛrɛvɔ Sɛbɛ 46:5

Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

Lɛrɛvɔ Sɛbɛ 78:38

Naa, duowo, alé nyanaizénle zi, é wo ma we vo wolé weple kɛlɛle ma, yé é ’ka wo gyɛ lɛ lo; Yi kiɛre nya é ’é bli kun yé é ’ka é bli faa fli lɛ lo.

Lɛrɛvɔ Sɛbɛ 85:4

I daan i wɛwɛ dɔle faa ma, Ilé bliflile lé é ke tɔntɔn, i daan a ma.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 48:9

An tɔ lé we ma, an daan anlé bliflile ma, Anlé fuasan we ma, anbo kun ka vazia, Dé maa da ka kulu ga.

Ézai 5:24

Bɛwemalé, kyɛnɛnɛ éé ’sapɛɛ blé fɛan zo yé kyɛ éé lugale blé fɛan zo, a zo lé wo suni é dan vɔn lɛ yé wo vwi é dan san lɛ bélé vungoi zo; naa, wo serele bo lai sunyanu lé Gakelebale lé bélidɔwe ma yé wo nyé yéli Izraɛl lé Bale sauun dére ma, azama.

Jérémi 26:3

Dé wo dan wo tɔné dɔ lɛɛ? Dé wo faa do do é dan si lɛ ’wo kɛlɛwe naanénu zuoo? Dé wa kɛlɛ, wenaané lé é a an gi léé, maa dan a bɔ lɛ wo ma wo kɛlɛwe naanénu lé we ma bɛ, maa dan an bli nɔla lɛ ’bɛ kɛlɛle ma.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

OZÉ (Osée) 12:1

Éfraim an zi lɛ sɔɔ viéwole nya; Izraɛl munu an zi lɛ sɔɔ dabliwe nya. Juda dɔfɛ ’ka Bale yuɛ gi lo; a dɔfɛ ’ka Yarapawelazan Sauun yuɛ gi lo.

OZÉ (Osée) 14:4

Bale léé: Naa, an bli ’ka flina wo ma é dɛrɛ lo; Amalé maa dan wo yuɛgi blanle nyaa lɛ, Wo dan sɔ lɛ an lɛ boenwo.

Malasi 3:6

Naa, maa a Gakelebale nya, an ’ka nɔlaan lo, bɛwemalé, ’kaa Jakɔb lé nénu, maa ’ka ka kulu ga lɛ lo.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Bélidɔwesɛbɛ Fiézan 13:17

Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

1 Samuɛl 26:8

Abisai lé David lɛ léé: Bale i nyanézan pa i lee kyɔ; ilé zanté, ’i zi nɔ an lɛ yé maa a gyɛ anlé din nya yé maa a blin tɛrɛ gi gɔnɔ do kpen, té an vɔ a ta fié lo.