OZÉ (Osée) 11:8 - Kazambale lé Sebe Sauunu 1979

⁸ Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

OZÉ (Osée) 11:8 ပူးပေါင်းရင်းမြစ်များ

Wepélisiananu 14:8

Sɔdɔm mununwiinzan koo, Gɔmɔɔ mununwiinzan koo, Adima mununwiinzan koo, Séboim mununwiinzan koo, Béla lé ke Soaa nya, ana mununwiinzan koo, wo péli vɔ ékeva do yé wo guli dan munu koɛnu va, gɔ worona lé wa laama Sidim, ana.

2 Samuɛl 24:16

Lanje é bɛ soi Jérusalɛm ta a sɛrɛle we gi aan wo, Gakelebale bli nɔla wenyané ’ko ma yé é lé migyɛ lanje lɛ léé: É sɔ! ’I bɛ si ana sin. Gakelebale lé lanje bɔ Jébus mi Aravana lé ’sa sunwona sɔnɔ.

1 Minwiinzannu 3:26

Yé né yuɛmale bu gi kɛlɛ wéii a be lé we ma yé é lé minwiinzan lɛ léé: Aa, anzan, ’i né yuɛmale nɔ a lɛ, té bé gyɛ lo. Naa, a bɔluzan léé: É ’ka voo anzé nya lo, yé é ’ka voo izé nya lo; ’ka bɔi.

2 Minwiinzannu 13:23

Naa, Gakelebale zin kɛlɛ wo lɛ yé a nyanai zén wo ta, yé é yara nɔla wo ta gipawe lé é a kɛlɛ Abraam koo, Izak koo, Jakɔb koo, wo va, a we ma. É ’ka a va léé, ’é wo kulu ga lo, yé fɔɔ kyɔ yi nya é ’ka sɔn vɔ lɛ wo ma lo.

2 Minwiinmunu lé Wezuofe Sɛbɛ 36:15

É sɔ Gakelebale wo tranu lé Bale lɛ léé, ’é élé munu valé ébozé nyanana tadɔ, amalé éé munu nwunvɔa wo va yifaama, léé, ’wo ’élé we pla wo lɛ.

Lɛrɛvɔ Sɛbɛ 106:45

Wolé we ma lé alé gipawe sele dɔ a gi; Alé zin blɛn yɛrama lé é nyanai zén wo ta.

Ézai 16:11

É ziin, an gi éé nyɔɔn‐an an ma bélé kɔnɔ bale nyɔɔnle zo Moab lé we ma, yé an dunnuan an gi Kii‐Arɛs lé we ma.

Ézai 63:15

Bii lé i ke lagi mi, ’té i nyanana ke sauun, ’té a tɔ ke é bɔle, bé nagini; i fuu dɔle i ta valé ilé plɛplɛ a kyɛɛn? I bli éé kɔɔan i gi fɛan zo, ’té i nyanai éé zén‐é an ta é vinin bɛ, é ’ka ’bɛ zo an vazia é dɛrɛ lo.

Jérémi 18:8

Naa, bɛn lé maa a mawe fe, dé é daan élé we lɛrɛlɛrɛ kɛlɛle ma, wenaané lé ke an bli gi léé, maa kɛla a lɛ, maa dan an bli si lɛ ’bɛ lɛ.

Jérémi 3:12

’I go, ’i siaa dére ’konu nya yirinwana bɛbolazia, yé bé fe léma: Gakelebale léma: Izraɛl, bii lé i ’ka plaan an wuo lo, ’i da i pa gi. Maa ’ka dan yara nwɛɛn?-?nwɛɛnné gyɛ lɛ ka ta lo. Naa, maa a nyanaizénzan nya, an bli ’ka dan vo lɛ flina yifaama lo. Maa Gakelebale ɛ ke a fena.

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi 42:10

Dé ka vo tɛrɛ ’ko la, maa dan ka nyana lɛ ana kli, maa ’ka dan ka kulu ga lɛ lo; maa dan ka suni wɔra lɛ, maa ’ka dan ka dia lɛ lo, naa, wenaané lé maa a kɛlɛ ka lɛ, an bli si ’bɛ lɛ.

Jérémi 9:6

I nyanaan vié méléna, Vié nya lé wo sɔn vɔ an dɔɔle ma. Maa Gakelebale ɛ ke a fena.

Jérémi 9:7

Amalé lai sunyanu lé Gakelebale léma: Ka ye, maa dan wo zuo kuli lɛ, yé maa dan wo gi dan lɛ, Naa, maa dan a kɛlɛ lɛ kaa anlé munu lé we maa?

Jérémi Lé Wuvɔ Sɛbɛ 1:20

Gakelebale, ’i anlé nyanéblele blɛn ye. An bli ’ka é male an gi lo, An zuru a vɔna an gi, Naa, an tɔné gi kɛlɛ plɛplɛ i ma. Gwɔun a fɛ gyɛna gɔrɔ zi, ’té ga a fla.

Jérémi Lé Wuvɔ Sɛbɛ 3:32

Alé nyané pale mi ta zuo, É élé nyanai zénle valé mi mawe dɔɔle nagɔɔn‐an a lɛ.

Jérémi Lé Wuvɔ Sɛbɛ 3:33

Naa, kle pale munu ta valé wo zunle ’Ka Mizan lé blibɔmawe nya lo.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Ézékiɛl 6:9

Wo lé wo so gwɔun lee, an sele é dan dɔ lɛ wo gi, bɛnnu lé wo kɛlɛ luu nya wo va bɛ, wo méléna. Bale é dan leginibli valé bli fié si lɛ ka lee, yé ka yuɛnu lé woo bɔa miyilinu ma bɛ, maa dan wo si lɛ wo zuo, amalé an sele é dan dɔ lɛ wo gi. Wo dan wobozennu ye lɛ serele bomazannu nya, we vɔnlenu lé wa kɛlɛ bɛ, wolé we ma, wolé bozowenu faa lé wa kɛlɛ bɛ, wolé we ma.

OZÉ (Osée) 6:4

Éfraim, maa kɛla i lɛ kaa? Juda, maa kɛla i lɛ kaa? Kalé Bale lé zi ta tawole a bélé lolugunu zo bladi; é a bélé fli lé éé bélié é kele, a zo.

OZÉ (Osée) 7:1

Dé é sɔ an lɛ léé, an Izraɛl béli, ’té Éfraim lé weple valé Samari lé wenyané ta éé bɔraan. Naa, wo we kɛlɛ dabli nya; kyeenzan wɔra kɔn gi, yé glawe kɛlɛzannu ’wii béera fɛnu ta.

Amɔs 4:11

Maa ka zana a gi, Sɔdɔm valé Gɔmɔɔ zé kɛlɛ fɛan zo, a zo; maa ka kɛlɛ bélé kyɛpéli lé wa si kyɛ va gla nya, a zo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 7:3

Gakelebale bli nɔla ’bɛ ma. Gakelebale léma: We ’ko ’ka dan bɔ lɛ é dɛrɛ lo.

Amɔs 7:6

Gakelebale bli nɔla ’bɛ ma. Mizan Gakelebale léma: ’Bɛ we ’ko é ziin, ’bɛ ’ka dan bɔ lɛ é dɛrɛ lo.

Misé 5:3

É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Sofoni 2:9

Lai sunyanu lé Gakelebale, Izraɛl lé Bale léma: Maa a é yuɛma. Moab é dan kɛlɛ lɛ bélé Sɔdɔm zo, yé Amɔn é dan kɛlɛ lɛ bélé Gɔmɔɔ zo. Lélinu é dan tuu lɛ wona, yé wo dan vo lɛ wɛtɛrɛ valé nyéné saa nya yifaama. Anlé munu pɔnénu é dan ’wii lɛ wo ta, yé anlé bɛngɔnɔ pɔnénu é dan wo si lɛ ’wozé nya.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.

Bélidɔwesɛbɛ Fiézan 29:22

Mikulunu lé wo dan da lɛ, kalé nénu lé ka dan wo yaa lɛ ka zuo, ’wo valé bɛnnu lé wo dan si lɛ tɛrɛ baa la, migyɛgyɛnu valé gyɛnu lé Gakelebale é dan tɛrɛ ’ko la munu gyɛ lɛ a nya, dé wo ’bɛ ye,

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,

Bélidɔwesɛbɛ Fiézan 32:36

Gakelebale é dan élé munu lé we ble lɛ; Dé é a ye léé, wolé plɛplɛ nyaa wo lee, Yé luu valé miné ’ka ana lo, É dan é nyanai zén lɛ é wuozannu ta.

2 Piɛri 2:6

Bale sɛrɛle dɔ Sɔdɔm valé Gɔmɔɔ nwiin yé é wo kinin kyɛyee nya; é we ’ko kɛlɛ, léé, Bale lé zi ma wenyané fezannu lé wo dan bɔra lɛ bɛ, dé wo we ’ko ’ma, yé wo ’ka dan wozé kɛlɛ lɛ ’bɛ zo lo.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Wegɔɔnle 11:8

Wo dan wo galenu pla lɛ fla blɛn lé wo Sɔdɔm valé Éjipiti tɔ pa a ma, ana vuun la; fla ’ko ta lé munu Wozan gyɛ yiliblan ta.

Wegɔɔnle 18:18

yé wo siaa a kyɛblele goi yele we ma, yé wo léé: Fla blɛn dan?-?mafla lé é ke fla kyɛn nyaa?

Weblezannu 10:16

Yé wo bale bɛnu si wo méléna yé wo Gakelebale bɔ, ’té ’bɛ bli kyɛ dɔ wolé nyanéblele ma.