OZÉ (Osée) 11:6 - Kazambale lé Sebe Sauunu 1979

⁶ Wo bligiwe lé we ma lé gwɔun é dan bɔra lɛ wolé fla yé é dan wo sɛrɛ lɛ, yé é dan wo kulu ga lɛ.

OZÉ (Osée) 11:6 ပူးပေါင်းရင်းမြစ်များ

Lɛrɛvɔ Sɛbɛ 106:39

A zo lé wo ’wobozen tiri dɔ ’wo kɛlɛwenu nya, Yé wo kɛlɛwenu kɛlɛ bélé bɔrɔdɛ le kɛlɛwe zo.

Lɛrɛvɔ Sɛbɛ 106:43

Bale wo si we gi gɔnɔ kiɛre nya, Naa, wa é nwale a ma ’wo bli gi. Yé wolé weple lé we ma lé wo kɛlɛ wenaanébɔmazannu nya.

Ézai 18:5

Naa, fɛ sobléyi ’lɛ, dé dɔrɔyili a nɛɛna, dé a vwi bi yé a poro baa yé é tana, maa dan a bɛnu bɔi lɛ kɔblané nya, maa dan a yilinu ma bɔi lɛ.

Ézai 27:10

Naa, mi do kpen ’ka fla plɛplɛ ta é dɛrɛ lo, é a é koro nya yé ana vo bélé bwi zo. É dan kɛlɛ lɛ diriné blena nya, éé yian ana ’té éé yilibɛnu laanu blé.

Ézai 30:1

Gakelebale léé: Nwamima nénu lé woo we kɛla ’wobo ’wuoi, ’té wo ’ka a laan an lee lo, yé woo gi paan munu nya do, ’té ’bɛ ’ka anlé blibɔmawe nya lo, ’té woo wenyané taa paan wenyané nya, we tɔntɔn ’é kɛlɛ wo lɛ ma.

Ézai 9:14

Mi segele valé weblezan, ’bɛ ɛ ke a ’wuo nya, yé balelayezan lé éé we paan munu gi vié nya, ’bɛ ɛ ke a woli nya.

Jérémi 5:17

É dan kalé féifɛnu valé kalé buru ble lɛ; é dan ka benu valé ka lunu kulu ga lɛ; é dan kalé ’blanu valé kalé dirinu ble lɛ; é dan kalé dɔrɔféinu valé kalé bɔrɔféinu ble lɛ; yé kalé nyanamunu lé flanu lé ka ke é pale wo ta, wo dan wo sɛrɛ lɛ tata.

Jérémi 50:35

Gakelebale léma: ’Wo gwɔun sia Kaldé munu ma! ’Wa sia Babilɔn munu koo, a nwiinmunu koo, alé wedɔɔzannu koo, wo ma.

Jérémi Lé Wuvɔ Sɛbɛ 2:9

Tɛrɛ zén alé duolinu ta, É a lɛ tan foliɛwɔlɛnu sɛrɛ, é wo yéli, Siɔn munu nwiinzan blɛn valé minwiinzannu a bɛnnu va, bélidɔwe ’ka ana é dɛrɛ lo. Balelayezannu é ziin, Gakelebale ’ka we gɔɔn‐an wo lɛ yuɛzi gi é dɛrɛ lo.

OZÉ (Osée) 10:14

kalé munu bɔ é dan gyɛ lɛ, yé kalé guliyɔɔkɔn plɛplɛnu faa guru é dan zana lɛ a gi, bélé Salman‐Bɛt‐Aabɛl guru zanale a gi gulidanyi nya zo, ’té wo né valé ’wo bunu wii ékeva fɛan zo, a zo.

OZÉ (Osée) 10:6

Wo dan go lɛ yee kyandiriné nya Asiri tɛrɛ la, minwiinzan Jarɛb blan nya. Tun é dan dɔ lɛ Éfraim munu gi, yé yara é dan Izraɛlnu gyɛ lɛ ’wo gibɔrɔmawenu ma.

OZÉ (Osée) 13:16

Samari nwa ’élé Bale ma, amalé maa dan we lɛdɔ lɛ a gi. Wo dan ga lɛ gwɔun lee; wo dan wolé nénu wii lɛ, yé wo dan bɔnlomu bɔn fia lɛ.

OZÉ (Osée) 4:16

Izraɛlnu yuɛ ma kɛlɛ plɛplɛ an va, bélé diridané lé a yuɛma ke plɛplɛ yé é ’ka a nyi sié léé, wo nyanama pa ’é nya lo, a zo. Sin Gakelebale é dan go lɛ wo nya fɛblena bélé ’blané lé ke fɛna dégélé blɛn na, a zo.

OZÉ (Osée) 4:17

Éfraim ébo yere miyilinu ma; ’ka vo.

Lévinu 26:25

Maa dan da lɛ gwɔun nya ka va, yé ’bɛ é dan anlé gipawe lɛi pa lɛ; dé ka zén ékema kalé flanu ta, maa dan da lɛ migyɛgyɛ nya ka méléna, yé maa dan ka pa lɛ ka nyanézannu lee.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Amɔs 6:8

Mizan Gakelebale ébo ’nyɔɔn, Gakelebale, lai sunyanu lé Bale léma: Maa nyé yélié Jakɔb lé boblɛn ma, yé alé fuakɔnnu za a an gi; maa dan fla valé é tafɛnu faa pa lɛ munu lee.

Misé 5:11

Maa dan yokɛlɛle yi ga lɛ ka lee, yé yokɛlɛzan ’ka dan kɛlɛ lɛ ka va é dɛrɛ lo.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Bélidɔwesɛbɛ Fiézan 28:52

Wo dan nyana lɛ kalé flanu faa ma fɔɔ yé flagɔrɔ torole plɛplɛ lé ka pale ke wo ta kalé tɛrɛ faa la, yé ’wo wo zana; tɛrɛ lé Gakelebale, kalé Bale a nɔ ka lɛ, wo dan ana flanu faa mabɛn lɛ.

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.