OZÉ (Osée) 11:2 - Kazambale lé Sebe Sauunu 1979

² Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

OZÉ (Osée) 11:2 ပူးပေါင်းရင်းမြစ်များ

1 Minwiinzannu 12:33

Yi lé é a si a va ébozen lé blibɔmale yɛrama, moné sɔraa lé yi vu ta soruzan nya bɛ, é go ’bɛ yi nya diriné banna lé é a kɛlɛ Bétɛl, ana. É fɛti kɛlɛ Izraɛl lé nénu lɛ yé é lasikɔrɔnu kyɛ ble diriné banna ta.

1 Minwiinzannu 18:19

Sin, ’i Izraɛl faa zén ékeva an va, Kaamɛl gɔ nwiin, Baal lé balelayezannu wuru fié yɔ fié wɔlɛ vu valé Asataté lé balelayezannu wuru fié lé woo fɛ blé Jézabɛl lé tablé ta, woo koo é ziin.

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Jérémi 18:15

Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.

Jérémi 35:13

Lai sunyanu lé Gakelebale, Izraɛl munu lé Bale léma: ’I go, bé fe Juda munu valé Jérusalɛm munu lɛ léé, ka ’ka we paale ka gi nyi sié loo? Ka ’ka an dére lɛdɔa a ma loo? Maa Gakelebale ɛ ke a fena.

Jérémi 44:5

Naa, wo ’ka wo tɔné dɔ lɛ an lɛ lo, wo ’ka an ban lɛ wo tɔné nya lo, wo ’ka daan lɛ wolé we lɛrɛlɛrɛ kɛlɛle ma lo, yé wo ’ka daan lɛ lasikɔrɔpo kyɛ blele ma bale bɛnu lɛ lo.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

OZÉ (Osée) 2:13

Alé ginanawe kɛlɛle faa koo, alé fɛtinu lé we koo, alé moné dɛrɛ lé we koo, alé flinyi valé alé zénle ékeva plɛplɛnu koo, maa dan a faa yi ga lɛ.

OZÉ (Osée) 4:13

Woo ’wolé balenu baan gɔnu nwiin; woo lasikɔrɔpo kyɛ blé gɔpanénu nwiin, ’bɛ valé sɛnéyili koo, pupliéyili koo, térébɛntyili koo, wo wuo, ’té wo furɔ a néné. Bɛwemalé ka lunu kɛlɛ bɔrɔdɛlomu nya, yé ka be nanu kɛlɛ gɔnéginilomu nya.

OZÉ (Osée) 4:17

Éfraim ébo yere miyilinu ma; ’ka vo.

Zakari 1:4

Té ka kɛlɛ bélé ka tranu zo lo. Balelayezan vininnu we fe wo lɛ léé: Lai sunyanu lé Gakelebale léma: ’Ka si kalé zi naanénu ta, ’ka daan ka kɛlɛwe naanénu ma. Naa, wo ’ka ’wo tɔné dɔ lɛ ’bɛnu lɛ lo, yé wo ’ka a ’male nyi si lɛ an lɛ lo. A zo lé Gakelebale a fe.

Zakari 7:11

Naa, wo ’ka a nyi si lɛ léé, ’wo tɔné dɔ an lɛ lo, wo so an wuo yé wo tɔné sia an dére la.

WENÉNÉ LÉ LUK A GYE (Évangile selon Luc) 13:34

Jérusalɛm munuoo, Jérusalɛm munu! Ka lé ka balelayemunu gya, ’té munu lé maa wo paan ka lɛ zia ka wo gya gɔlɛ nya, gɔnɔ kiɛre nya maa a a va léé, maa ka wɔra an va bélé fɛan zo lé mane tina é élé nénu wɔraan é bɛa wuo, a zo, yé ka ’ka a nyi si lɛ lo.

WENÉNÉ LE JAN A GYE (Évangile selon Jean) 3:19

Wean ma lé woo munu lé we blé, yee lé ke ’ko: wo kɛlɛwenu a lɛrɛlɛrɛ; bɛwemalé san da aan wo tɛrɛ la, gunutinu sɔ wo lɛ é mini san ta.

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Weblezannu 10:6

Izraɛl lé nénu wo Gakelebale ’namawe kɛlɛ é ziin; Baalnu koo, Asataténu koo, Siri lé balenu koo, Sidɔn lé balenu koo, Moab lé balenu koo, Amɔn benu lé balenu koo, Filisitinu lé balenu koo, wo wo bɔ, yé wo Gakelebale vo, ’té wo ’ka a bɔa é dɛrɛ lo.

Weblezannu 2:13

Wo si Gakelebale zuo, yé wo Baal valé Asataténu bɔ.

Weblezannu 3:7

We lé é ’ka sɔ lɛ Gakelebale lɛ lo, Izraɛl lé nénu a kɛlɛ; wo gi san Gakelebale ma, yé wo Baalnu valé miyilinu bɔ.