OZÉ (Osée) 11:1 - Kazambale lé Sebe Sauunu 1979

¹ Dé Izraɛl a kiéné bléyian va, ’té é sɔ an lɛ, Yé maa an be laa léé, ’é si Éjipiti.

OZÉ (Osée) 11:1 ပူးပေါင်းရင်းမြစ်များ

Lɛrɛvɔ Sɛbɛ 129:1

Gɔ gié lɛrɛ do lé. É sia an boronéla bléyi va fɔɔ kyɔ, woo yaan an ta. Izraɛl, bé fe ma.

Fwile 19:4

We lé maa kɛlɛ Éjipiti munu lɛ, yé maa ka si gola bɛanu la yé maa da ka nya an va fɛan zo ’ko, ka a ye.

Fwile 4:22

I dan a fe lɛ Faraɔn lɛ léé: Gakelebale léma: Izraɛl a ’é be nya, ’élé né vininzan nya.

Fwile 4:23

É lé i lɛ léé, ’i daan ’é be ma yé ’é é bɔ; dé i ’ka daan a ma lo, ’é dan i be, ilé né vininzan gyɛ lɛ.

Ézai 43:4

I wea an lee, I tɔ a é bɔle yé i sɔ an lɛ, Amalé maa munu nɔ i pa gi, Yé maa migɔnɔnu nɔ i vole é yuɛma we gi.

Jérémi 12:7

An sɔn vɔ anlé kɔn ma. An daan anlé tɔnɔfɛnu ma. Maa an sɔlɛzan bɔra é nyanézannu lɛ.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Ézékiɛl 16:22

Ilé bozowe kɛlɛ bléyi valé gɔné gini bléyi va, i liiné bléyi va we sele saan i gi; bléyian va lé i a é porole, é porole tata; ’té i a é diale nyɛ va, ’bɛ sele saan i gi.

Ézékiɛl 16:6

An gié i sɔnɔ yé maa i ye, ’té i a é diale nyɛ va, yé maa lé i lɛ léé: ’I vo é yuɛma nyɛ va. Maa lé i lɛ léé: ’I vo é yuɛma nyɛ va.

OZÉ (Osée) 10:15

We lé é dan bɔ lɛ kaa, Bétɛl munu ma, kalé wenyané baba lé we ma, yee lé ke bɛ. Tu kini tɔɔn, Izraɛl nwiinzan blɛn zé nyaa.

OZÉ (Osée) 12:13

Jakɔb vɔ fli gi yé é go Aram tɛrɛ la. Izraɛl nyanama pa le lé we ma, yé é trubɛ tabin le lé we ma.

OZÉ (Osée) 12:9

Éfraim léé: Weboen lé, maa a fua nya, yé an fuafɛ ye di; naa, an panyanama saa ma lé maa a ye. Wo ’ka dan weple do kpen ye lɛ an va lo; wenyané blɛn do kpen ’ka an va lo.

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

OZÉ (Osée) 2:15

Yinuan nya lé é lasikɔrɔpo kyɛ ble Baal lɛ, ’té éé ’lɛra bɛmafɛ valé bɔrɔmakyanbale nya, ’té éé goo é bwɛnu zuo, ’té a gi éé saan an ma, an dan we lɛdɔ lɛ a gi a we ma. A zo lé Gakelebale a fe.

Malasi 1:2

Gakelebale léé: Ka sɔ an lɛ. Yé ka léé: Ko sɔ i lɛ kaa? Gakelebale léé: Ézau ’ka Jakɔb bwe nya loo? Duowo, Jakɔb sɔ an lɛ,

Matio 2:15

É vo ana mi fɔɔ yé Érɔd ga, we lé Mizambale a fe balelayezan lɔlu nya, a lɛsɔɔle we gi. É léé: Maa an be laa, ’é si Éjipiti tɛrɛ la.

Bélidɔwesɛbɛ Fiézan 33:3

Iin, munu sɔ a lɛ; Alé mi sauunnu a a lee. Wo dɔ a gane sɔnɔ Wo a dére ’ma.

Bélidɔwesɛbɛ Fiézan 7:7

É ’ka kɛlɛ lɛ léé, ka kiɛre mini bɛn bɛnu faa ta, bɛwemalé Gakelebale é buvɔ ka ma yé é ka si a va lo, naa, ka ’léé a kiéné é mini bɛn bɛnu faa ta.