OZÉ (Osée) 10:8 - Kazambale lé Sebe Sauunu 1979

⁸ Gɔ nwiin yobannanu lé wo ke Bɛt‐Avan, ’té Izraɛlnu wenyané kɛlɛ ana, maa dan wona sɛrɛ lɛ; léliyilinu valé danan é dan tuu lɛ wolé yobannanu na. Wo dan a fe lɛ gɔnu lɛ léé: ’Ka ’bua ko ta, yé wo dan a fe lɛ gɔpanénu lɛ léé: ’Ka dia ko gi.

OZÉ (Osée) 10:8 ပူးပေါင်းရင်းမြစ်များ

Wepélisiananu 3:8

Yé wo Bale, Gakelebale dére ’ma, ’té ’bɛ éé giéan féi nyanadi bléyi va yé gɔnézan valé é na yɔɔ Bale Gakelebale lee, féiyilinu méléna.

1 Minwiinzannu 13:2

É siaa balebanna ta Gakelebale dére nya, yé é léé: Balebanna! Balebanna! Gakelebale léma: Bé ye, wo dan né do yaa lɛ David gɔnɔ gi; wo dan a tɔ laa lɛ Jozias; gɔ nwiin yobannanu lé balebanzannu lé woo lasikɔrɔ kyɛ blé i ta bɛ, é dan saraka bo lɛ wo nya i ta, yé wo dan mi wɔlɛnu kyɛ ble lɛ i ta.

1 Minwiinzannu 13:34

É kɛlɛ Jéroboam lé kɔn gi munu dia wenyané gi we nya, yé we ’ko ma lé a kulu ga yé wo si tɛrɛ la tata.

1 Minwiinzannu 14:16

Wenyanénu lé Jéroboam a kɛlɛ, é valé wenyané lé é a vɔ Izraɛlnu lee, alé we ma lé Bale é dan daan lɛ Izraɛl ma.

2 Minwiinzannu 23:15

Balebanna lé ke Bétɛl koo, gɔ nwiin yobanna lé Nébat be Jéroboam lé é Izraɛl kɛlɛ wenyanékɛlɛzannu nya, é a kɛlɛ koo, minwiinzan blɛn wo faa sɛrɛ; é gɔ nwiin yobanna kyɛ ble yé a yee bo, yé é miyili kyɛ ble.

2 Minwiinmunu lé Wezuofe Sɛbɛ 31:1

’Bɛ faa lɛsɔɔle zuo, Izraɛlnu faa lé ke ana mi, wo si ana yé wo go Juda flanu ta. Yé wo yobɔnu ’wii yé wo miyilinu dia, yé gɔ nwiin yobanna valé miyili bannanu lé ke Juda valé Bɛnjamɛn tɛrɛnu ta koo, Éfraim valé Manasé tɛrɛnu faa ta koo, wona, wo wo guru zana a gi. ’Bɛ zuo, Izraɛlnu faa nɔla wo pa gi wolé flanu ta; wo faa do do go ’wo nyanana.

Ézai 2:19

Munu é dan wɔra lɛ gɔlɛkoronu gi, ’té woo goo fɔɔ tɛrɛwɔlɛ ma, léé, kana blɛn lé Gakelebale a zén‐é munu gi koo, alé fuasan bile planplan koo, yé wo so wo lee, bléyian va lé é nwa yé é di kini tɛrɛlamunu gi, a bléyi va.

Ézai 2:21

yé wo dan wɔra lɛ gɔlɛfeegyɛnanu valé gɔlɛkoronu gi, kana blɛn lé Gakelebale a zén‐é munu gi koo, alé fuasan bile planplan koo, wo sole wo lee we gi, bléyian va lé éé nwaan yé é di kini tɛrɛlamunu gi, a bléyi va.

Ézai 32:13

Lélinu valé danan tuu anlé munu lé tɛrɛ la. Ginana fla lé kɔn nɔnɔminu boen gioo, wo tuu a faa na.

Ézai 34:13

Léliyilinu é dan tuu lɛ wo nwiinzannu lé kɔnnu gi; danan valé goligyɛné é dan tuu lɛ alé guliyɔɔkɔn plɛplɛnu gi. É dan kɛlɛ lɛ gwenu nyanana nya; é dan kɛlɛ lɛ mianéléduo lé fɛna nya.

OZÉ (Osée) 10:2

Wo bli a fié; wo dan a gi dɔɔ lɛ. Gakelebale é dan wolé yobannanu zana lɛ a gi, yé é dan wolé yofotonu sɛrɛ lɛ.

OZÉ (Osée) 10:5

Samari munu bɔ é dan gyɛ lɛ dirinénu lé wo ke Bɛt‐Avan, wolé we ma. Munu é dan miyili gyɛ bo lɛ; a banzannu ma é dan nyɔɔn lɛ alé we ma, ’bɛ valé a tɔbɔle yi gale we ma.

OZÉ (Osée) 10:9

’Kaa Izraɛlnu, é sia we lé é bɔ yi la Gibéa, a ma, ka wenyané kɛla, yé ka a yifaama ka dɔbɛ gi. Guli lé é bɔ yi la Gibéa, é ’ka wenyanékɛlɛmunu gyɛ lɛ loo?

OZÉ (Osée) 2:6

Alé nénu a bwɛ la nénu nya, amalé maa ’ka dan nyanai zén lɛ wo ta é dɛrɛ lo.

OZÉ (Osée) 4:13

Woo ’wolé balenu baan gɔnu nwiin; woo lasikɔrɔpo kyɛ blé gɔpanénu nwiin, ’bɛ valé sɛnéyili koo, pupliéyili koo, térébɛntyili koo, wo wuo, ’té wo furɔ a néné. Bɛwemalé ka lunu kɛlɛ bɔrɔdɛlomu nya, yé ka be nanu kɛlɛ gɔnéginilomu nya.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

OZÉ (Osée) 5:8

’Ka béli fɛn Gibéa! ’Ka béli fɛn Rama! ’Ka siaa plɛplɛ Bɛt‐Avan! Bɛnjamɛn, guli a i zuo.

OZÉ (Osée) 8:5

Samarinu, Gakelebale sɔn vɔ kalé diriné foto ma. An bli a é flile wo ma. Wo dan wobo kɛlɛ lɛ é zima mɛ yi laa?

OZÉ (Osée) 9:6

Ka yua, wa gona, fɛ guru zanale a gi we ma; Éjipiti é dan wo si lɛ; Mofa munu é dan mipana nɔ lɛ wo lɛ. Wolé gɔɔlifu fɛwezannu é dan kɛlɛ lɛ danan zé nya yé yoné lé plin é dan tuu lɛ wolé kɔnnu gi.

Amɔs 1:5

Maa dan kɔn lɛ tan foliɛwɔlɛnu yéli lɛ Damas; maa dan Bikat‐Avan tamunu nyaa lɛ, mi lé soowolivwii ke a lee Bɛt‐Édɛn, ’bɛ koo é ziin; yé wo dan go lɛ Sirinu nya luu gi Kii tɛrɛ la. A zo lé Gakelebale a fe.

Amɔs 3:14

Yian nya lé an dan we lɛdɔ lɛ Izraɛlnu gi wolé bélidɔwe sɛrɛlenu lé we ma, yobannanu lé wo ke Bétɛl, maa dan wo sɛrɛ lɛ; maa dan wo bélinu yéli lɛ yé wo dan dia lɛ tɛrɛ va.

Amɔs 7:9

Maa dan Izak lé yobannanu faa sɛrɛ lɛ; maa dan Izraɛl lé yokɔnnu zana lɛ, yé maa dan nwa lɛ Jéroboam lé munu ma, gwɔun nya an lee.

Amɔs 8:14

Samarinu lé wenyané lé ke ’wolé yonu nya, woo ’bɛnu ’nyɔɔn‐an yé wo léé: Dan, ilé bale tɔ gi, Bɛɛ‐Sééba zi, i tɔ gi; naa, munu faa lé wa kɛla a zo, wo dan dia lɛ yé wo ’ka dan nwa lɛ é dɛrɛ lo.

Misé 1:13

Lakiszan, ’i wisoonu dɔ ilé gulidangoro ’lɛ. Bii lé we ma lé wenyané vɔ Siɔn munu lee. Wenyané blɛn faa lé Izraɛlnu a kɛlɛ, wa bii ɛ va.

Misé 1:5

We ’konu faa bɔ Jakɔb lé wenyané blɛnnu lé we ma; Izraɛlnu lé wenyanénu ma lé é bɔ. Jakɔb lé wenyané blɛn a mɛ fɛ nyaa? Samari kaan loo? Juda munu lé gɔ nwiin yobannanu a kyɛɛn? Jérusalɛm kaan loo?

Naum 3:11

Bii é ziin, nwɛ é dan i gyɛ lɛ, yé i dan yɔɔ lɛ; bii é ziin, i dan i yɔɔna gini lɛ i nyanézannu lee.

WENÉNÉ LÉ LUK A GYE (Évangile selon Luc) 23:30

Yé wo dan a fe lɛ gɔ blɛnnu lɛ léé: ’Ka zana ko ta. Yé wo dan a fe lɛ gɔ sɛsɛnu lɛ léé: ’Ka dia ko gi.

Bélidɔwesɛbɛ Fiézan 9:21

Diriné lé ka a kɛlɛ bɛ, kalé wenyané tɔnɔ nya, maa a si, maa a kyɛ ble, yé maa a punbo, yé maa a pun zén yuu lé éé gɔ zunwo bɛ, a va.

Wegɔɔnle 6:16

Yé wo lé gɔnu valé gɔlɛnu lɛ léé: ’Ka dia ko ta, yé ’ka ko ta yɔɔ fuablintazan yara valé ’Blané lé bliflile lee;

Wegɔɔnle 9:6

’Bɛ yinu nya, é dan sɔ lɛ munu lɛ léé, ’wo ga, yé wo ’ka dan ga lɛ lo; ga lɔrɔ é dan wo gyɛ lɛ, ’té ga a é sile wo ma baa.