OZÉ (Osée) 10:6 - Kazambale lé Sebe Sauunu 1979

⁶ Wo dan go lɛ yee kyandiriné nya Asiri tɛrɛ la, minwiinzan Jarɛb blan nya. Tun é dan dɔ lɛ Éfraim munu gi, yé yara é dan Izraɛlnu gyɛ lɛ ’wo gibɔrɔmawenu ma.

OZÉ (Osée) 10:6 ပူးပေါင်းရင်းမြစ်များ

2 Minwiinzannu 17:3

Asiri nwiinzan Salmanazaa nwa a ma. Ozé pla a wuo, yé é gɔɔli banwo a lɛ.

JOB (Job) 18:7

Éé giéan fɛfaana turu, sin a giéna é dan kɛlɛ lɛ kiéné; Dé é kwa kulioo, é dan dia lɛ.

Ézai 1:29

Térébɛnt yilinu lé woo ka gi nanaan, yara é dan ka gyɛ lɛ wolé we ma. Zianféinu lé wo ke ka ginanamafɛ nya, ka yuɛ é dan tana lɛ wolé we ma.

Ézai 30:3

Yara é dan ka gyɛ lɛ, Faraɔn lé ka tabinle we ma, yé yaragyɛwe é dan bɔ lɛ ka ma, ka yɔɔle Éjipiti munu bɛ wuo we ma.

Ézai 45:16

Yaragyɛwe é dan bɔ lɛ miyilinyaazannu ma, Yé yara é dan wo gyɛ lɛ, ’Té woo goo yowuli yowuli.

Jérémi 48:13

Yara é dan Moab munu gyɛ lɛ wolé bale Kémɔs lé we ma, bélé fɛan zo lé Bétɛl bale lé, Izraɛl munu bli vo a lɛ, é wo gyɛ yara nya fɛan zo, a zo.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Ézékiɛl 16:28

Ilé gɔnéginile ’ka i kan lɛ lo, amalé i Asirinu gini gɔné nya. I wo gini gɔné nya, naa, wo ’ka izé bɔ lɛ duowo lo.

Ézékiɛl 36:31

Yé kalé tawobɛ nyané sele é dan dɔ lɛ ka gi, yee valé ka kɛlɛwenu lé wo ’ka zima lo, wo nya. Ka dan kabo ye lɛ mi naanénu nya kalé weplenu valé kalé bozowenu kɛlɛle we ma.

Daniɛl 11:8

Yé minwiinzan blɛn lé balenu koo, alé miyili selelenu koo, alé fɛwezannu lé ke gɔɔlifu valé kyan nya koo, é dan wo si lɛ yé é go wo nya Éjipiti tɛrɛ la. Yé é dan vo lɛ ana mi lɛɛ kenu nya, ’té é a é sile yirinwana bɛbolazia minwiinzan blɛn ma baa.

OZÉ (Osée) 4:19

Fu é dan go lɛ wo nya, yé yara é dan wo gyɛ lɛ wolé yobanle ma.

OZÉ (Osée) 4:7

Dé woo Balebanzannu go fanle nya ’té wolé wenyané gi éé goo gyɛle nya; maa dan wo tɔbɔle nɔla lɛ yaragyɛwe nya.

OZÉ (Osée) 5:13

Éfraim élé wenaané tɔntɔn dɔɔ, yé Juda élé manɔn tɔntɔn dɔɔ; Éfraim go Asiri tɛrɛ la, minwiinzan blɛn Jarɛb va; naa, minwiinzan blɛn ’ko, é ’ka bɔa ka bélile lɛ lo; alé lia ’ka bɔa ka manɔnnu nyaale lɛ lo.

OZÉ (Osée) 8:6

Diriné ’ko, é si Izraɛl; blabozan do ɛ a kɛlɛ, yé é ’ka Bale nya lo; bɛwemalé wo dan Samarinu lé diriné foto sɛrɛ lɛ.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.