OZÉ (Osée) 10:2 - Kazambale lé Sebe Sauunu 1979

² Wo bli a fié; wo dan a gi dɔɔ lɛ. Gakelebale é dan wolé yobannanu zana lɛ a gi, yé é dan wolé yofotonu sɛrɛ lɛ.

OZÉ (Osée) 10:2 ပူးပေါင်းရင်းမြစ်များ

1 Minwiinzannu 18:21

Yé Éli bié munu va yé é léé: Ka dan daan lɛ kalé yuɛ gi blanle ma mɛ yi laa? Dé Gakelebale a Bale nya, ’ka go a zuo; dé Baal lé, ’ka go ’bɛ zuo. Munu ’ka we do kpen zi pa lɛ a lɛ lo.

Fwile 23:24

Té i dia i bli la wolé balenu ’lɛ lo, té i wo bɔ lo; té i wolé tawobɛ zuo sona lo, naa, ’i wo guru zana a gi, yé ’i wolé miyilinu yéli.

Wegɔnévɔlenu 11:18

Mi nyané éé dabli tɔnɔ yé, naa, mi lé éé we tegele kɛla, éé gooli bozen yé.

Ézai 44:18

Wo ’wuo ’ka wo ta lo, yé wo ’ka we maan lo. Wo yuɛ lɛ a é tanle, té wo fɛna ye lo we gi, yé wo bli lɛ a é tanle, té wo we ma lo we gi, azama.

Jérémi 43:13

Yiribangikɔn lé wa laama Bɛt‐Sémɛs, é dan a sɛrɛ lɛ Éjipiti tɛrɛ la, yé é dan Éjipiti munu lé balenu lé kɔnnu kyɛ ble lɛ.

Ézékiɛl 14:5

yé Izraɛl munu faa lé wolé bli bɔle miyilinu ma wo si an ma baa bɛ, maa dan we lɛdɔ lɛ wo gi.

OZÉ (Osée) 12:11

Maa we fe balelayezannu lɔlu nya; maa yuɛziwe kiɛre kiɛre gɔɔn ka lɛ, yé maa wegɔné vɔ ka lɛ balelayezannu lɔlu nya.

OZÉ (Osée) 13:16

Samari nwa ’élé Bale ma, amalé maa dan we lɛdɔ lɛ a gi. Wo dan ga lɛ gwɔun lee; wo dan wolé nénu wii lɛ, yé wo dan bɔnlomu bɔn fia lɛ.

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

OZÉ (Osée) 7:8

Éfraim vɔɔ bɛnnu nya; Éfraim a bélé nwain lé wa pla é bɛ do la yé wo ’ka a nɔla lɛ lo, a zo.

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Misé 5:13

Maa dan kalé Asataté miyilinu sɛrɛ lɛ tata, yé maa dan kalé flanu ’wii lɛ.

Sofoni 1:5

Munu lé woo diaan ’wo bli ta kɔnnu nwiin lagifɛnu ’lɛ, munu lé woo diaan ’wo bli ta Gakelebale ’nyɔɔnle nya, ’té wo nwiinzan blɛn tɔ ’nyɔɔn‐an,

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

Matio 6:24

Mi ’ka bɔa kɛlɛle lɛ mi fié wuozan nya lo. Naa, a do za é dan vo lɛ a gi, yé a koɛzan é dan sɔ lɛ a lɛ; é dan nana lɛ a do va, yé é dan a koɛzan ye lɛ boami nya. Ka ’ka bɔa kɛlɛle lɛ Kazambale valé tɛrɛlafuafɛnu wuozannu nya lo.

WENÉNÉ LÉ LUK A GYE (Évangile selon Luc) 16:13

Mi do kpen ’ka bɔa kɛlɛle lɛ mi fié wuozan nya lo. Naa, a do za é dan vo lɛ a gi yé a koɛzan é dan sɔ lɛ a lɛ; é dan nana lɛ a do va yé é dan a koɛzan ye lɛ boami nya. Kazambale koo, tɛrɛlafua koo, ka ’ka bɔa kɛlɛle lɛ wo fiénu wuozannu nya lo.

SEBE LÉ JAK A GYE (Épitre de Jacques) 1:8

é a bli fiézan nya, yé a yuɛgi éé blaan we faa gi, azama.

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

1 Jan 2:15

Té tɛrɛlawe valé tɛrɛlafɛnu é sɔ ka lɛ lo. Dé tɛrɛlawe sɔ mianzan lɛ, ’té Ti lɔrɔ ’ka ’bɛzan ma lo.

1 Samuɛl 5:4

’Bɛ é tu kini é ziin wo nwa bladi tutu yé wo Dagɔn ye é diale é yara tɛrɛ va Gakelebale lé kɛsu ’lɛ; Dagɔn ’wuo valé a bɛnu yéli kɔnpa ta, yé a bolu saa ɛ vo.