OZÉ (Osée) 10:14 - Kazambale lé Sebe Sauunu 1979

¹⁴ kalé munu bɔ é dan gyɛ lɛ, yé kalé guliyɔɔkɔn plɛplɛnu faa guru é dan zana lɛ a gi, bélé Salman‐Bɛt‐Aabɛl guru zanale a gi gulidanyi nya zo, ’té wo né valé ’wo bunu wii ékeva fɛan zo, a zo.

OZÉ (Osée) 10:14 ပူးပေါင်းရင်းမြစ်များ

Wepélisiananu 32:11

Ilé zanté, ’i an si an bwe Ézau leeoo, Ézau lee! Naa, kana a an gi léé, é dan da lɛ yé é maa gyɛ, maa valé né bunu valé nénu nya.

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 17:3

Asiri nwiinzan Salmanazaa nwa a ma. Ozé pla a wuo, yé é gɔɔli banwo a lɛ.

2 Minwiinzannu 18:33

Bɛn bɛnu bɛ, wozé balenu wo so Asirinu nwiinzan lee?

Ézai 17:3

Guliyɔɔkɔn ’ka Éfraim tɛrɛ la é dɛrɛ lo. Damas lé fuatɛrɛ koo, é ziin; Sirinu lé wo vo, wozé é dan kɛlɛ lɛ bélé Izraɛl munu tɔbɔle zé kɛlɛ fɛan zo, a zo. Lai sunyanu lé Gakelebale ɛ fe.

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Jérémi 13:14

Maa dan wo vɔ lɛ ékema, munu valé ’wo benu, maa dan wo ’wuo zun lɛ ékema. Maa ’ka dan wo do vo lɛ lo, an nyanai ’ka dan zén lɛ wo ta lo, maa ’ka dan wuvɔ lɛ wo ta lo, we do ’ka dan wo kulu gale yi ga lɛ an lee lo. Maa Gakelebale ɛ ke a fena.

Jérémi 48:41

Wo Kérijɔt si, wa yɔɔna plɛplɛnu si, yé ’bɛ yi nya Moab nyanazannu bli é dan kɛlɛ lɛ bélé né yaa le bli zo.

OZÉ (Osée) 10:15

We lé é dan bɔ lɛ kaa, Bétɛl munu ma, kalé wenyané baba lé we ma, yee lé ke bɛ. Tu kini tɔɔn, Izraɛl nwiinzan blɛn zé nyaa.

OZÉ (Osée) 13:16

Samari nwa ’élé Bale ma, amalé maa dan we lɛdɔ lɛ a gi. Wo dan ga lɛ gwɔun lee; wo dan wolé nénu wii lɛ, yé wo dan bɔnlomu bɔn fia lɛ.

Amɔs 3:14

Yian nya lé an dan we lɛdɔ lɛ Izraɛlnu gi wolé bélidɔwe sɛrɛlenu lé we ma, yobannanu lé wo ke Bétɛl, maa dan wo sɛrɛ lɛ; maa dan wo bélinu yéli lɛ yé wo dan dia lɛ tɛrɛ va.

Amɔs 3:8

Dé golizra we ’naan, kana ’ka vɔa de ɛ gi loo? Dé Mizan Gakelebale a wena ’naan, de ɛ ’ka kɔɔn balelawe fé loo?

Amɔs 9:5

Mizan lai sunyanu lé Gakelebale éé bɛ manean tɛrɛ ma yé a ma éé nyɔɔn‐an, ’Té a tamunu faa éé gyɛ boo; Tɛrɛ faa é dan nwa lɛ bélé yuu fanle zo, Yé é dan zun lɛ bélé Éjipiti yuu bélile zo.

Misé 5:11

Maa dan yokɛlɛle yi ga lɛ ka lee, yé yokɛlɛzan ’ka dan kɛlɛ lɛ ka va é dɛrɛ lo.

Naum 3:10

Duowo, é kɛlɛ lulami nya, é go ana luubale gi; wo alé nénu gyɛ ziblannu faa ta, wo ’munnu zun alé tɔzannu ma, yé wo gɔgɔbalenu vɔ alé mi blɛnnu faa ma.

Naum 3:12

Ilé kɔn plɛplɛnu faa a bélé bɔrɔyili lé wo poro vinin tana wo nwiin, wo zo. Dé wo wo nyɔɔn, wo poronu éé vɔa wo blezan lee.

Abaku 1:10

Woo we nanaan minwiinzan blɛnnu ma, yé minwiinzannu ɛ ke wolé yérisiémazannu nya. Woo yéri sié kɔn plɛplɛnu faa ma; woo tɛrɛ zun dɔa wo ma yé woo wo sié ’wozé nya.