OZÉ (Osée) 1:2 - Kazambale lé Sebe Sauunu 1979

² We vininzan lé Gakelebale a fe Ozé lɛ, yee lo: Gakelebale lé a lɛ léma: ’I go, ’i bɔrɔdɛ le do si i na nya, ’té alé bɔrɔdɛ ta nénu a; naa, tɛrɛ ’ko sɔn vɔ Gakelebale ma, yé é vo bɔrɔdɛ le zo.

OZÉ (Osée) 1:2 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 21:13

naa, i tawo Izraɛlnu nwiinzan blɛnnu lé tawobɛ yɛrama; i Judanu valé Jérusalɛm munu nyunu léé, ’wo miyilinu bɔ, Akab lé munu a kɛlɛ fɛan zo Izraɛl lɛ, a zo, yé i zuannu, i ti lé nénu lé wo zima mini i ta, i wo kulu so.

Lɛrɛvɔ Sɛbɛ 106:39

A zo lé wo ’wobozen tiri dɔ ’wo kɛlɛwenu nya, Yé wo kɛlɛwenu kɛlɛ bélé bɔrɔdɛ le kɛlɛwe zo.

Lɛrɛvɔ Sɛbɛ 73:27

Naa, bé ye, munu lé woo sié i ma baa, woo zamaga woo; Wo faa lé woo sié i va, i dan wo si lɛ ana tata.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 2:23

É kɛlɛ kaa yé ka léé: Ko ’ka ko tiri dɔ lɛ lo, Ko ’ka go lɛ Baalnu zuo loo? ’Ka ka gane paginu nagini gɔ worona, Ka wean kɛlɛ, ’ka bɔn‐in bɔrɔ ’bɛ ma do. Ka a bélé nyɔgɔmé tina lé éé vlan borowo plɛplɛ, ’té éé giéan fɛfaana, a zo.

Jérémi 3:9

Alé pɛnpɛnné gyɛlenu lé wo tɔ bɔ fɛfaana, wo nya lé é tɛrɛ tiri dɔ; é gɔlɛ valé yili kɛlɛ é zana nya.

Ézékiɛl 6:9

Wo lé wo so gwɔun lee, an sele é dan dɔ lɛ wo gi, bɛnnu lé wo kɛlɛ luu nya wo va bɛ, wo méléna. Bale é dan leginibli valé bli fié si lɛ ka lee, yé ka yuɛnu lé woo bɔa miyilinu ma bɛ, maa dan wo si lɛ wo zuo, amalé an sele é dan dɔ lɛ wo gi. Wo dan wobozennu ye lɛ serele bomazannu nya, we vɔnlenu lé wa kɛlɛ bɛ, wolé we ma, wolé bozowenu faa lé wa kɛlɛ bɛ, wolé we ma.

OZÉ (Osée) 2:7

Wo bu a bɔrɔdɛ le nya; le lé é wo yaa, ébo sɛrɛ; naa, é léé: An bwɛnu lé wo fɛblele valé ’yi koo, ’blakyɛɛsɔ valé lɛnsɔ koo, nyɔnɔ valé nwɛ koo, wa nɔ an lɛ, maa dan go lɛ ’bɛnu zuo.

OZÉ (Osée) 3:1

Gakelebale lé an lɛ léé: ’I go é ziin, yé yee gɔnégini le lé a bwɛ ke, bé lɔrɔ pa; Izraɛl lé nénu lé woo goo bale bɛnu zuo, ’té woo dɔrɔporo gato kɛla ’bɛnu lɛ bɛ, fɛan zo lé Gakelebale wo lɔrɔ pa, ’i lezan lɔrɔ pa a zo.

OZÉ (Osée) 5:3

Maa Éfraim dɔɔ, Izraɛl munu ’ka é yɔɔle an lee lo; Éfraim, sin, i kɛlɛ bɔrɔdɛ kɛlɛzan nya, yé Izraɛl munu wobo tiri dɔ.

Maak 1:1

Kazambale Be Jézu Krist lé Wenéné pélisiana lé ke ’ko.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

2 Piɛri 2:14

Wo yuɛ éé bɔa le faa ma; yé wenyané ’ka wo kaan lo; munu lé wo ’ka é dɔle gligli lo, wo ’bɛnu sian ana; bli bɔle gɔɔli ma baba wo bli kun; wa balepamazannu nya.

Wegɔɔnle 17:5

Tɔ do lé a gi ke é yɔɔle, wa gyɛ a yarapɛla léé: Fla blɛn Babilɔn, pɛnpɛnnégyɛzannu valé tɛrɛ la fɛ naanénu bu.