Mi Nɔnɔle 8:7 - Kazambale lé Sebe Sauunu 1979

⁷ ’I wo kɛlɛ tegele ’ko zo: ’i wenyané ’yibo’yi si, bé zén wo ta; ’wo ’wo kɔlɛ ma kyɛɛ faa bo ma; ’wo ’wolé varɔnu zuru, yé ’wo ’wobo kɛlɛ tegele.

Mi Nɔnɔle 8:7 ပူးပေါင်းရင်းမြစ်များ

Wepélisiananu 35:2

Jakɔb lé élé kɔngimunu valé é mamunu faa lɛ léé: Bɛnnu lé balenu lé ke ka lee, ’ka wo si ka méléna. ’Ka kɛlɛ é zima, ’ka kalé sɔnu tavɔɔ.

Lɛrɛvɔ Sɛbɛ 51:7

An bu an bɔn si wenyanékɛlɛzan nya, Bé ye, an bɔra weple nya an lee.

Fwile 19:10

Gakelebale lé Moizi lɛ léé: ’I go munu va; ’i wo kɛlɛ é zima kyɔ valé tɛlɛ; ’wo ’wolé sɔnu zuru ma.

Ézai 52:15

Naa, sin, é dan kɛlɛ lɛ munu kiɛre ginanamazan nya. Minwiinzan blɛnnu lɔlu lɛ é dan tan lɛ a ’lɛ, Naa, wenu lé wo ’ka wo zuo fe lɛ wo lɛ lo, wo dan a ye lɛ, Wenu lé wo ’ka tan a ’ma lɛ lo, wo dan a ’ma lɛ, ’bɛzama.

Jérémi 4:14

Jérusalɛm munu, ’ka kalé wenaanénu si ka bli gi, léé, ka si we gi. Ka dan vo lɛ ka gi bɔrɔna weple ma bléyi faa vaa?

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Lévinu 15:27

Dé miomian é mane wo ma, ’bɛzan a é naané; é dan ’élé sɔnu zuru lɛ yé ’é ’yi si yé éboen zuru yé ’té é a é naané fɔɔ yé nyanadi é pa.

Lévinu 15:6

Dé frɔlɔgyɛzan nyana fɛofɛan ta, dé mian nyana ’bɛ ta, é a lé élé sɔnu zuru yé é ’yi si yé éboen zuru yé é dan vo lɛ é naané fɔɔ yé nyanadi é pa.

Lévinu 16:28

Mi lé éé wo kyɛ blé, é dan ’élé sɔnu zuru lɛ yé aboen é dan zuru lɛ; a zuo é dan da lɛ fla.

Lévinu 8:6

Moizi Arɔn valé é benu bié yé é wo zuru.

Mi Nɔnɔle 19:13

Mian mane migale ma, yé é ’ka ’ébo kɛlɛ lɛ tegele lo, ’té é Gakelebale lé sɔkɔn sɛrɛ; ’wo ’bɛzan si Izraɛlnu va ma. É ’ka mi kɛlɛ tegele ’yi zén lɛ ’é ta lo; é ’ka tegele lo; a tiri a tan, azama.

Mi Nɔnɔle 31:20

’Kalé varɔnu faa zuru é ziin, fɛnu faa lé wa kɛlɛ wikɔlɛ nya koo, sɔ faa lé wa tan bolikyɛɛ nya koo, fɛ faa lé wa kɛlɛ yili nya koo, ’ka wo faa zuru.

Mi Nɔnɔle 8:21

Lévinu ’wobo kɛlɛ tegele, yé wo ’wolé sɔnu zuru; Arɔn wo nɔla ’wo bɛyi valé ’wo bɛbola blɛ nya Gakelebale ’lɛ, yé é wolé wenyané ’yibo wo kɛlɛle tegele we ma.

Ébrunu 9:10

Balebanle ’ko zo a tɛrɛla bélidɔwe nya é pla; fɛblele koo, minifɛnu koo, fɛ valé mi zurubɛ faa koo, ’bɛnu a a ma wenu nya, yé wo vo ana fɔɔ yé we tavɔɔ bléyi bɔ.

Ébrunu 9:13

Dirigɔné valé boligɔné nyɛ koo, dirida yee lé wa nwɛɛn‐an munu lé wo Bale sɔnné sɛrɛ, wo ta, ’bɛ koo, dé ’bɛnu we si munu nwiin yé wo kɛlɛ ’wo bwenu nya mi do é ziin,

SEBE LÉ JAK A GYE (Épitre de Jacques) 4:8

’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.