Mi Nɔnɔle 8:21 - Kazambale lé Sebe Sauunu 1979

²¹ Lévinu ’wobo kɛlɛ tegele, yé wo ’wolé sɔnu zuru; Arɔn wo nɔla ’wo bɛyi valé ’wo bɛbola blɛ nya Gakelebale ’lɛ, yé é wolé wenyané ’yibo wo kɛlɛle tegele we ma.

Mi Nɔnɔle 8:21 ပူးပေါင်းရင်းမြစ်များ

Fwile 19:10

Gakelebale lé Moizi lɛ léé: ’I go munu va; ’i wo kɛlɛ é zima kyɔ valé tɛlɛ; ’wo ’wolé sɔnu zuru ma.

Lévinu 14:11

Balebanzan lé é dan mi ’ko nwiin foli lɛ, é dan da lɛ gɔné ko valé fɛ ’konu faa nya Gakelebale ’lɛ, zén‐ékevasɔkɔn ’léé.

Mi Nɔnɔle 19:12

É a lé é zuru yee ’yi ’ko nya a yi yaazan valé a yi sɔrafiézan nya, yé é dan kɛlɛ lɛ tegele; naa, dé é ’ka zuru lɛ a yi yaazan valé a yi sɔrafiézan nya lo, ’té é ’ka dan kɛlɛ lɛ tegele lo.

Mi Nɔnɔle 19:19

Mian é ke tegele, é dan ’yi zén lɛ mian é ’ka tegele lo, a ta, a yi yaazan valé a yi sɔrafiézan nya, yé é dan kɛlɛ lɛ tegele a yi sɔrafiézan nya. ’É ’élé sɔnu zuru, yé ’ébo zuru; yé é nyanadi é dan kɛlɛ lɛ tegele.

Mi Nɔnɔle 3:12

An Lévinu si Izraɛlnu méléna, Izraɛlnu lé né vininzannu faa lɛgi nya; yé Lévinu kɛlɛ anzé nya.

Mi Nɔnɔle 8:15

’Bɛ zuo Lévinu é dan zén‐ékevasɔkɔn gi nyanama pa lɛ. ’Ko zo lé ’i wo kɛlɛ tegele, yé ’i wo nɔla ’wo bɛyi valé ’wo bɛbola, blɛ nya.

Mi Nɔnɔle 8:20

We faa lé Gakelebale a fe Moizi lɛ Lévinu lé we ma, Moizi koo, Arɔn koo, Izraɛlnu faa koo, wa kɛlɛ. Izraɛlnu a kɛlɛ a zo, Lévinu zé nya.

Mi Nɔnɔle 8:22

’Bɛ zuo Lévinu go zén‐ékevasɔkɔn gi wolé nyanama pale we ma, Arɔn valé é benu yuɛ va, Gakelebale dérean fe Moizi lɛ Lévinu lé we ma, a yɛrama. A zo lé wa kɛlɛ wolé we ma.

Mi Nɔnɔle 8:7

’I wo kɛlɛ tegele ’ko zo: ’i wenyané ’yibo’yi si, bé zén wo ta; ’wo ’wo kɔlɛ ma kyɛɛ faa bo ma; ’wo ’wolé varɔnu zuru, yé ’wo ’wobo kɛlɛ tegele.