Mi Nɔnɔle 8:12 - Kazambale lé Sebe Sauunu 1979

¹² É a lé Lévinu ’wo bɛnu pla dirigɔnénu ’wuo ta; yé ’bé do nɔ wenyané ’yibofɛ nya, yé ’bé do nɔ balebanwi lé wa kyɛ blé, a nya, Lévinu lé wenyané ’yibole we gi.

Mi Nɔnɔle 8:12 ပူးပေါင်းရင်းမြစ်များ

Fwile 29:10

I dan da lɛ dirigɔné nya zén‐ékevasɔkɔn ’lɛ, yé Arɔn valé é benu é dan ’wo bɛnu pla lɛ dirigɔné ’wuo la.

Lévinu 1:4

É dan é bɛ pla lɛ balebanwi lé wa kyɛ blé, a ’wuo ta, yé Gakelebale é dan é ban‐ɛn ble lɛ, yé é dan kɛlɛ lɛ alé wenyané ’yibofɛ nya.

Lévinu 14:22

É dan plala fié si lɛ é ziin, dé ’bɛ kaan lo, plawuo sua fié, gɔɔli a a lee fɛan zo, a zo; yé a do ’é kɛlɛ wenyané ’yibofɛ nya, yé a koɛ ’é kɛlɛ balebanwi lé wa kyɛ blé, a nya.

Lévinu 16:11

Arɔn é dan wenyané ’yibo saraka bo lɛ ’élé dirigɔné nya, yé é dan kɛlɛ lɛ yee valé ’élé kɔngimunu lé wenyané ’yibofɛ nya. É dan ’élé wenyané ’yibo dirigɔné bɔrɔ bo lɛ.

Lévinu 16:21

Arɔn é dan é bɛ fiénu pla lɛ boli yuɛmale ta, yé Izraɛl lé nénu lé weplenu koo, wolé wenyané faa lé wa kɛlɛ bélidɔwenu sɛrɛle nya koo, é dan wo faa fe lɛ boligɔné ’wuo ta; é dan wo dɔ lɛ boligɔné nwiin, ’bɛ zuo é dan so lɛ a va, yé é dan a binle bɛ pa lɛ mi do lee, yé ’bɛ goan bwi gi.

Lévinu 16:6

Arɔn é dan wenyané ’yibo saraka bo lɛ élé dirigɔné nya, yé é dan kɛlɛ lɛ yee valé élé kɔngimunu lé wenyané ’yibofɛ nya.

Lévinu 4:15

Izraɛl mi segelenu é dan ’wo bɛnu pla lɛ dirigɔné ’wuo la Gakelebale ’lɛ yé wo dan dirigɔné bɔrɔ bo lɛ Gakelebale ’lɛ.

Lévinu 4:20

Wo wenyané ’yibo dirigɔné zé kɛlɛ fɛan zo, a zo duo lé wo dan dirigɔné ’ko zé kɛlɛ lɛ; wo fiénu kɛlɛbɛ a do. ’Bɛ zo lé Balebanzan é dan wolé wenyané ’yibo lɛ yé Bale é dan wo ma we vo lɛ.

Lévinu 4:35

Balebanzan é dan a nyɔnɔ faa si lɛ, woo bɔvɔ saraka ’blané nyɔnɔ sié fɛan zo a zo, yé é dan a kyɛ ble lɛ balebanna ta, saraka lé kyɛ a blé Gakelebale ’lɛ, a nya. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 4:4

É dan da lɛ dirigɔné nya zén‐ékevasɔkɔn ’léé, Gakelebale ’lɛ; yé é dan é bɛ pla lɛ dirigɔné ’wuo la, yé é dan a bɔrɔ bo lɛ Gakelebale ’lɛ.

Lévinu 5:7

Dé ’blada valé bolida mafɛ ’ka a lee lo, é dan wenyaa saraka bo lɛ Gakelebale lɛ plala fié nya, dé ’bɛ kaan lo, ’é a bo plawuo sua fié nya, a do a wenyané ’yibofɛ nya yé a do a balebanwi lé wa kyɛ blé, a nya.

Lévinu 8:14

É wenyané ’yibo dirigɔné bié, yé Arɔn valé é benu ’wo bɛ pla wenyané ’yibo dirigɔné ’wuo ta.

Lévinu 8:15

Moizi a bɔrɔ bo yé é a nyɛ si yé é bɛnwɔlɛ vɔ a va yé é a gié balebanna bélinu faa ma, yé é balebanna ’lɛ dɔ; é nyɛ zana balebanna punma yé é a ’lɛ dɔ wenyané ’yibole ana we gi.

Lévinu 8:18

Bale ban ’blagɔné lé wo dan a kyɛ ble lɛ, Moizi a bié, yé Arɔn valé é benu wo bɛ pla a ’wuo ta.

Lévinu 8:34

We lé ko kɛlɛ kyɔ ’ko, Gakelebale a fe léé, ’ko kɛlɛ, kalé wenyané ’yibofɛ nya.

Lévinu 9:7

Moizi lé Arɔn lɛ léé: ’I bié balebanna sɔnɔ; ’i wenyané ’yibo saraka bo yé balebanwi lé wa kyɛ blé, bé nɔ, bii valé munu lé wenyané ’yibole we gi; ’i munu lé saraka bo é ziin yé ’i wolé wenyané ’yibo, Gakelebale a fe fɛan zo, a zo.

Mi Nɔnɔle 6:14

É a lé é Gakelebale ban; ’blagɔnéné lé a lɛɛ kɛlɛ do, ’té we do ’ka a ma lo, ’é ’bɛ nɔ balebanwi lé wa kyɛ blé, a nya; ’bladané lé a lɛɛ kɛlɛ do, ’té we do ’ka a ma lo, ’é ’bɛ nɔ wenyané ’yibofɛ nya; ’blagɔné lé we do ’ka a ma lo, ’é ’bɛ nɔ bɔvɔ saraka nya;

Mi Nɔnɔle 6:16

Balebanzan ’é fɛ ’konu dɔ Gakelebale ’lɛ ma, yé ’é alé wenyané ’yibo saraka bo yé balebanwi lé wa kyɛ blé, ’é ’bɛ nɔ;

Mi Nɔnɔle 8:13

’I Lévinu dɔ Arɔn valé é benu ’lɛ, yé ’i wo nɔla ’wo bɛyi valé ’wo bɛbola, blɛ lé wa kɛlɛ Gakelebale lɛ, a nya.

Mi Nɔnɔle 8:8

’Bɛ zuo, ’wo dirigɔné boroné do si, yee valé balebanfɛ lé wa no yifaama; burupun zima lé wa vɔɔ nyɔnɔ nya, yee lé. Yé ’i dirigɔné boroné bɛ si wenyané ’yibofɛ nya.

Ébrunu 9:22

Weboen lé, dé é a bélidɔwe nya, é vo sɛ yé fɛnu faa gi é bɔ nyɛ nya, yé dé nyɛ zanale ’ka lo ’té mi ma we vole ’ka lo.