Mi Nɔnɔle 7:10 - Kazambale lé Sebe Sauunu 1979

¹⁰ Yian wo nyɔnɔ nwɛɛn balebanna ta, ’bɛ yi nya lé wo nwiinzannu da ’wolé balebanfɛnu nya, balebanna ’lɛdɔle we ma; wo nwiinzannu da ’wolé balebanfɛnu nya balebanna ’lɛ.

Mi Nɔnɔle 7:10 ပူးပေါင်းရင်းမြစ်များ

1 Minwiinzannu 8:63

Minwiinzan Salomɔn bɔvɔ sarakanu bo Gakelebale lɛ diri baa vu ta do valé ’bla baa yɔ yaa. ’Bɛ zo lé minwiinzan blɛn valé élé munu faa kɔn pa é yɛrama Bale zé nya.

2 Minwiinmunu lé Wezuofe Sɛbɛ 7:5

Diri baa vu ta do valé ’bla baa yɔ yaa, minwiinzan Salomɔn Gakelebale ban wo nya. ’Bɛ zo lé minwiinzan blɛn valé élé munu faa kɔn pa é yɛrama Bale zé nya.

2 Minwiinmunu lé Wezuofe Sɛbɛ 7:9

A yi sɔraazan nya wo zénle ékeva blɛn do kɛlɛ. Naa, wo we kɛlɛ balebanna pale é yɛrama we ma yi sɔrafié, yé wo fɛti kɛlɛ yi sɔrafié wuo é ziin.

Néémi 12:27

Jérusalɛm zi gɔrɔ nɔle Bale lɛ bléyi va, wo Lévinu laa wolé fla faa la, léé, ’wo da Jérusalɛm gɔrɔ nɔle Bale lɛ we ma yé wo fɛti kɛlɛ lɛrɛvɔle koo, kɔa gyɛle koo, kpélé gyɛle koo, kɔnɔ gyɛle koo, wo nya.

Néémi 12:43

’Bɛ yi la, wo saraka kiɛre bo, yé wo wobo nɔ zanagyɛle lɛ; naa, Bale ginanawe blɛn kɛlɛ munu lɛ, azama. Lomu valé nénu é ziin, wo gi nana, yé Jérusalɛm munu lé ginanadére bɔ baa.

Lɛrɛvɔ Sɛbɛ 30:1

Lɛrɛ do lé. Lɛrɛ lé wa vɔ kɔn pale é yɛrama we gi. David zé lé.

Mi Nɔnɔle 7:1

Yian nya lé Moizi nyaa Bale lé sɔkɔn dɔle nya, é nyɔnɔ nwɛɛn a ma yé é a pa é yɛrama, yee valé a ma nyanamapafɛnu faa nya. É yee duo kɛlɛ balebanna valé é ma nyanamapafɛnu faa lɛ; é nyɔnɔ nwɛɛn wo ma yé é a pa é yɛrama.

Mi Nɔnɔle 7:11

Gakelebale lé Moizi lɛ léé: É a lé wo nwiinzannu ’é da do do yi do do ma, yé wo ’wolé balebanfɛ nɔ, balebanna ’lɛdɔle we ma.

Mi Nɔnɔle 7:84

Yian nya lé wo nyɔnɔ nwɛɛn balebanna ta, balebanfɛnu lé Izraɛlnu nwiinzannu a nɔ balebanna ’lɛdɔfɛ nya ’bɛ yi nya, yee lé ke bɛ. Pala vu ta fié lé wa kɛlɛ gɔɔlifu nya koo, kana vu ta fié lé wa kɛlɛ gɔɔlifu nya koo, ’yiminikana vu ta fié lé wa kɛlɛ kyan nya koo, woo lé.

Mi Nɔnɔle 7:88

Bɔvɔ saraka bowinu ’léé lé ke ’ko: dirigɔné a yɔ do wɔlɛ ziɛn; ’blagɔné a yɔ yaa; boligɔné a yɔ yaa; lɛɛ do ’blané a yɔ yaa. Balebanfɛnu lé wo wo nɔ balebanna ’lɛdɔfɛnu nya, nyɔnɔ nwɛɛnle a ta zuo, wo lé ke bɛ.

Bélidɔwesɛbɛ Fiézan 20:5

’Bɛ zuo, guli zilɛzannu wo dan we fe lɛ munu lɛ léé, mi kyɛn ɛ kɔn dɛrɛ dɔ yé é ’ka tan nyana lɛ a gi loo? ’É diéra yé ’é go ’élé kɔn ’léé, dé guli é da a gyɛ yé mi bɛ é nyana alé kɔn gi.