Mi Nɔnɔle 6:20 - Kazambale lé Sebe Sauunu 1979

²⁰ É a lé Balebanzan ’é wo dia ’é bɛ fié la Gakelebale ’lɛ, fɛ ’lɛzan lé, Balebanzan zé lé, yee valé a tɔn lé wa dia a bɛ fié la koo, a bɛapaboworo lé wa nɔ a nwale valé a tuale nya koo, woo lé. ’Bɛ zuo ’wo zi nɔ bo pa é yɛramazan lɛ léé, ’é dɔrɔ mini.

Mi Nɔnɔle 6:20 ပူးပေါင်းရင်းမြစ်များ

Bale Lé We Gifezan 9:7

’I go, ’ilé fɛ ble ginanale nya, ’ilé nwɛ mini ginanale nya; naa, Kazambale i kɛlɛwe nyi si é kyɛn.

Ézai 25:6

Lai sunyanu lé Gakelebale a fɛti ma’lɛrɛna munu faa lɛ, gɔ ’ko nwiin; nɛnɛ mlanvɔfɛnu koo, dɔrɔ kwa koo, wi zunnu koo, dɔrɔ kwa sésé koo, wo faa lé é a ma’lɛrɛna a fɛti kɛlɛfɛ nya.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Lévinu 10:15

A bɛ lé wa no a nwale valé a tuale nya, é valé a tɔn lé wa diaan a bɛ fié la Gakelebale ’lɛ, ’bɛ a bii valé i benu zé nya, bélidɔwe lé a glɛ ’ka lo, a nya, Gakelebale a fe fɛan zo, a zo. Wo dan da lɛ yee valé a nyɔnɔ lé wa kyɛ blé, wo nya ékeva.

Lévinu 23:11

É dan ’sanwun ’ko dia lɛ é bɛ fié la Gakelebale ’lɛ, ’é ban‐ɛn blele we ma; Balebanzan é dan a dia lɛ ’é bɛ fié la flinyi ta tu kinile nya.

Lévinu 7:30

Fɛ lé wo dan a kyɛ ble lɛ Gakelebale ’lɛ, é dan da lɛ a nya ébozen bɛ nya; é dan da lɛ a nyɔnɔ valé a tɔn nya, yé é dan a tɔn dia lɛ a bɛyilazia valé a bɛbolazia Gakelebale ’lɛ.

Lévinu 7:31

Balebanzan é dan a nyɔnɔ kyɛ ble lɛ balebanna ta yé a tɔn é dan kɛlɛ lɛ Arɔn valé é benu zé nya.

Lévinu 7:32

Dé ka a bɔvɔ saraka bona, ka dan a bɛyila bɛ nɔ lɛ Balebanzan lɛ, a nwale valé a tuale nya.

Lévinu 7:34

Naa, bɔvɔ sarakanu lé Izraɛl lé nénu a boo, a tɔn lé wa diaan a bɛyilazia valé a bɛbolazia koo, a bɛ lé wa no a nwale valé a tuale nya koo, maa wo si yé maa wo nɔ Balebanzan Arɔn valé é benu lɛ; é a bélidɔwe lé é ’ka nyaan lo, a nya, yé é a lé Izraɛl lé nénu a lɛdɔma.

Lévinu 9:21

Arɔn a tɔnnu valé a bɛyilabɛ dia é bɛ fié la Gakelebale ’lɛ, Moizi a fe fɛan zo, a zo.

Zakari 10:7

Éfraim é dan kɛlɛ lɛ bélé gulidan nyanazan zo; Wo gi é dan nana lɛ bélé nwɛ lé wa mini, Wo benu é dan a ye lɛ yé wo gi é dan nana lɛ kaii; Wo gi é dan nana lɛ Gakelebale gi.

Zakari 9:15

Lai sunyanu lé Gakelebale é dan wo tabin lɛ; Wo dan fɛna faa ble lɛ, wo dan paalu gi gɔlɛnénu kele lɛ; Wo dan nyɛ mini lɛ, yé wo vun é dan we lɛ bélé nwɛgyɛzannu zo; Wo dan fan lɛ a nya bélé wi nyɛ zéngikana zo, Bélé balebanna sunlanu zo.

Zakari 9:17

Yiba! we nyian é wo mi lɛ ’bɛ zoo? Fɛ nɔnɔmi a ’bɛ zoo? ’Sa é dan pɛniɛnu tin lɛ Yé dɔrɔ dɛrɛ é dan blɛnnu tin lɛ.

Mi Nɔnɔle 18:18

Wo wi é dan kɛlɛ lɛ izé nya, ’bɛ gi léé, a tɔn lé wa diaan é bɛ fié la, yee valé a bɛyi bɛapaboro nya.

Mi Nɔnɔle 5:25

Yé maawomafɛ lé é ke lezan lee, Balebanzan ’é a si a lee ma. ’É blɛfɛ dia é bɛ fié la Gakelebale ’lɛ ma, yé ’é a zén balebanna ta.

Mi Nɔnɔle 6:21

Bo pa é yɛramazan lé é Bale kun, alé we lé ke bɛ; alé blɛfɛ lé é a nɔ Gakelebale lɛ ébo pale é yɛrama we ma, yee lé ke bɛ. Fɛ lé é bɔa lɛ léé, é a nɔ, ’é ’bɛ nɔ a ta loru. É Bale kun ébo pale é yɛrama we ma fɛan zo, é a lé é a lɛ sɔɔ Bale dére yɛrama, Bale a fe fɛan zo bo pa é yɛramazan lé we ma, a yɛrama.

Matio 26:29

Maa lé ka lɛ léé, é sia yi ’ko ma, maa ’ka dan dɔrɔyi ’ko mini lɛ é ziin lo, fɔɔ ’té kaa kee é wo an Ti va, yé maa a bɛ mini ka va.

Maak 14:25

Maa lé ka lɛ webozen nya léé, maa ’ka dan dɔrɔyi mini lɛ é ziin monomono lo fɔɔ, ’té an bɔ é wo Kazambale lé fuatɛrɛ la, yé maa a dɛrɛ mini.

WENÉNÉ LE JAN A GYE (Évangile selon Jean) 19:30

Jézu a gi dɔrɔ tɔndɔle mini aan wo, é léé: We faa lɛ sɔɔ. Yé é ’wuo tua, yé a lɛ bo.