Mi Nɔnɔle 6:2 - Kazambale lé Sebe Sauunu 1979

² Bé fe Izraɛlnu lɛ léma: Dé é a gɔné nyaoo, dé é a le nyaoo, dé yeean é kini é bɔluzan ma ébo pale é yɛrama Gakelebale zé nya we gi, yé é Bale kun a we gi,

Mi Nɔnɔle 6:2 ပူးပေါင်းရင်းမြစ်များ

Fwile 33:16

Dé maa valé ilé munu kɛlɛ mi zinnu nya i yuɛioo, dé ko ’ka kɛlɛ lɛ mi zinnu nya i yuɛi looo, dé i ’ka tawoo ko va lo, wo dan a gi dɔɔ lɛ kaa? Ilé tawole ko va lé we ma lé wo dan maa valé ilé munu dɔɔ lɛ tɛrɛlamunu faa méléna.

Wegɔnévɔlenu 18:1

Mi lé é ébo sié munu va, é a ébozen lé sɔlɛwe ginina; a bli éé flian wedɔɔwe faa ma.

Jérémi 35:6

Naa, wa zi pa an lɛ léé: Ko ’ka dɔrɔ minian lo, naa, ko tra Rékab be Jonadab ko béli dɔ léé, té ko dɔrɔ mini monomono lo; ko koo, kolé nénu koo, té ko a mini lo,

Lévinu 20:26

Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Lévinu 27:2

Bé fe Izraɛl lé nénu lɛ léma: Dé mi do Bale kun, dé é a mi lé we nya, é dan kɛlɛ lɛ Gakelebale zé nya, é dɔ Moizi gi fɛan zo, a yɛrama.

Mi Nɔnɔle 30:3

Dé mian Gakelebale kun, dé ’bɛ kaan lo, dé é Bale ’nyɔɔn léé, é dan we do kɛlɛ lɛ, té ’é dére nɔla lo, naa, dére faa lé é si a ’léé, ’é a lɛ sɔɔ.

Mi Nɔnɔle 6:1

Gakelebale we fe Moizi lɛ yé é léé:

WENÉNÉ LÉ LUK A GYE (Évangile selon Luc) 1:15

Naa, é dan kɛlɛ lɛ mi blɛn nya Mizambale yuɛ va. É ’ka dan nwɛ valé dɔrɔ mini lɛ lo, dé a bu a yaa tɔɔn, Léli Sauun é dan vɔ lɛ a ta;

Kelewenu 18:18

Pɔl mɔn é ziin Korɛnt. ’Bɛ zuo yé é bwenu yai vɔ yé é vɔ ’yitagoro gi yé é go Siri tɛrɛ la, ’té wo valé Prisil valé Akilasnu ɛ ke. Pɔl bale kun, amalé dé é bɔ Sansré wa nwin puiɛ.

Rom munu 1:1

Maa Pɔl lé an ke Jézu Krist lé luugɔnéné nya, maa ɛ ke sɛbɛ ’ko gyɛna ’kaa Rom munu lɛ. Bale an laa léé, an kɛlɛ nwunvɔzan nya, yé é an dɔ élé Wenéné fezan nya.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Galasi munu 1:15

Naa, Bale lé sɔlɛwe yɛrama é an pa é yɛrama an bu lé an yaa bléyi va, yé é an laa élé zin nya.

Ébrunu 7:27

Alé we ’ka bélé Balebanmunu ’lɛzan bɛnu zé zo lo. Yi faa do do ma woo Bale baan é vinin wobo lé wenyané ma, ’bɛ zuo yé wa baan munu lé wenyanénu ma. Naa, Jézu zé ’ka ’bɛ zo lo. É ébo nɔ Balebanfɛ nya gɔnɔ do kpen lɛɛ faa zé nya.

Weblezannu 13:14

Té é dɔrɔyili mafɛ do kpen ble lo, té é nwɛ valé dɔrɔ mini lo, té é fɛ tiridɔle do kpen ble lo; we faa lé maa a fe a lɛ, ’é a ta tawo.

Weblezannu 13:4

Sin, ’i yuɛ pa ibo va é zima, té i nwɛ valé dɔrɔ mini lo, té i fɛ tiridɔle do kpen ble lo.

Weblezannu 13:5

I dan bɔn si lɛ yé i dan né yaa lɛ gɔné nya, azama. Bléyian va lé wo dan né ’ko yaa lɛ é dan kɛlɛ lɛ Bale zé nya, amalé té i sɛnné dɔ a nwin ma lo; yee ɛ dan Izraɛl sile Filisitinu lee péli sia lɛ.

Weblezannu 16:17

yé é giwe faa fe a lɛ yé é léé: Wo an pa é yɛrama Bale zé nya an yaabléyi va, amalé wo ’ka tan sɛnné vinin dɔ lɛ an nwin ma lo. Dé wo an nwin puiɛ, anlé plɛplɛ éé sié an va, yé maa kɛlɛ tɔɔtɔɔ yé maa kɛlɛ bélé mi pɔnénu zo.

1 Samuɛl 1:28

É ziin, é sɔ an lɛ léé, maa né ’ko nɔ Gakelebale lɛ. Maa a nɔ Gakelebale lɛ alé tɛrɛla faa gi. Yé wo dia wo bli la Gakelebale ’lɛ.