Mi Nɔnɔle 5:7 - Kazambale lé Sebe Sauunu 1979

⁷ é a lé é ’élé wenyané fe, yé fɛan é a ye kyeen nya, é a lé é a nɔ, té a do boen é vo a lee lo, yé ’é a soruzan pa a ma. É a lé é a nɔ mi lé ’bɛlé we a gyɛ bɛ, a lɛ.

Mi Nɔnɔle 5:7 ပူးပေါင်းရင်းမြစ်များ

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

Lévinu 26:40

Wolé weplenu valé wo tranu lé weplenu koo, anlé bélidɔwe sɛrɛlenu koo, wo dɔ an ma plɛplɛ fɛan zo koo, wo dan a fe lɛ;

Lévinu 26:41

wenyané ’konu ma lé maa dɔ wo ma plɛplɛ é ziin, yé maa go wo nya wo nyanézannu lé tɛrɛ la. Yé wo bli lé é ’ka si lɛ wo kɛlɛwe kyɛn lɛ bɛ lo, wo dan a zun lɛ yé wo dan wolé weplenu banwo lɛ.

Lévinu 5:15

Fɛnu lé wa plaan Gakelebale zé nya, dé mi a nɔ yuɛgiblan nya yé é wenyané kɛlɛ é tanyila, é dan wenyaa saraka bo lɛ Gakelebale lɛ alé wenyané ma; gɔɔlifu sikla ’léé lé é dia a ma, fɛna sauun lé sikla nya, ’bɛ yɛrama ’blagɔné lé we do ’ka a ma lo, yee lé ’é a si trubɛ va, é dɔ i gi fɛan zo, a zo, yé ’é wenyaa saraka bo a nya.

Lévinu 5:16

É fɛna sauun table fɛan zo, é dan ’bɛ yɛrama gɔɔli nɔ lɛ Balebanzan lɛ, yé é dan a fɛsoruzan pa lɛ a ma. Balebanzan é dan alé wenyané ’yibo lɛ ’blagɔné lé é wenyaa saraka bo a nya, a nya, yé Bale é dan a ma we vo lɛ.

Lévinu 5:5

Mi lé é we dɔ ’é nwiin we ’konu va we do kɛlɛle nya, ’é da ’élé wenyané fe.

Lévinu 7:7

Wenyaa saraka a bélé wenyané ’yibo saraka zo; saraka fiénu ’ko lé bélidɔwe a do; sarakawi é dan kɛlɛ lɛ Balebanzan lé, é wenyané ’yibo a nya, azé nya.

Mi Nɔnɔle 5:8

Fɛ lé wa si kyeen nya, mian énɔ a nɔ a lɛ, dé ’bɛzan ’ka ana lo, é a lé wo da fɛ ’ko nya Gakelebale lɛ, yé ’é kɛlɛ Balebanzan zé nya. Naa, wenyané ’yibo ’blagɔné a é yɛrama; ’bɛ ’é kɛlɛ wegyɛzan lé wenyané ’yibofɛ nya.

WENÉNÉ LÉ LUK A GYE (Évangile selon Luc) 19:8

Naa, Zasé dɔ Mizan ’lɛ yé é lé a lɛ léé: Mizan, maa dan anlé fuafɛ lɛ do nɔ lɛ nyanégyɛmunu lɛ, yé dé maa mian kyeenwo, maa dan a lɛgi nɔ lɛ a lɛ gɔnɔ ziɛn.

Jozué 7:19

Jozué lé Akan lɛ léé: An be, ’i Gakelebale, Izraɛl zé Bale tɔ kɛlɛ blɛn yé bé lɛdɔma. We lé bé kɛlɛ, bé fe an lɛ, té bé yɔɔ an ma lo.