Mi Nɔnɔle 5:27 - Kazambale lé Sebe Sauunu 1979

²⁷ Dé é nyaa ’yi ’ko minile nya, dé é kɛlɛ léé, we lezan gyɛ, ’yi lé woo bale paan mi ma a nya, é dan wɔra lɛ lezan bɔn gi, yé é a kun; a bɔn é dan zii lɛ, a boro é dan ga lɛ a ma, yé lezan ’ko é dan kɛlɛ lɛ balepamazan nya élé munu méléna.

Mi Nɔnɔle 5:27 ပူးပေါင်းရင်းမြစ်များ

Lɛrɛvɔ Sɛbɛ 109:18

’É balepale zén ’é ta bélé varɔ zo ma, ’É wɔra a kɔlɛ nya bélé ’yi zo ma, Bélé nyɔnɔ zo a wɔlɛnu nya ma.

Bale Lé We Gifezan 7:26

Yé le lé a bli ke mikunsan valé séli nya, ’té a bɛnu a miyerebale nya, maa a ye léé, a nyanale mini ga lɛ; mi lé éé sɔa Kazambale lɛ, ’bɛzan éé soo a lee, naa, éé wenyanékɛlɛzan kunwo.

Ézai 65:15

Ka tɔ é dan vo lɛ bale pa mi ma tɔ nya anlé munu lé maa wo si a va, wo lɛ. Mizan Gakelebale é dan ka gyɛ lɛ yé é dan tɔ dɛrɛ pa lɛ é wuozannu ma.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 29:22

Wo dan bale pa lɛ mi ma wo tɔ nya Judanu faa lé wo ke luu gi Babilɔn, wo va. Wo dan a fe lɛ léé: Fɛan zo lé Babilɔn nwiinzan blɛn Sédésias valé Akab vɔ kyɛ va é yuɛma, Gakelebale ’é izé kɛlɛ a zo ma.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

Mi Nɔnɔle 5:20

Naa, biian i ke é plale i zana wuo, dé i si a va yé ibo sɛrɛ, yé gɔné bɛ lé ’bɛ ’ka i zana nya lo, dé é yia i va, é dan i kun lɛ.

Mi Nɔnɔle 5:28

Naa, dé lezan ’ka sɛrɛ lɛ lo, yé lezan a tegele, wo dan a ye lɛ léé, we ’ka a nwiin lo, yé é dan né yaa lɛ.

Rom munu 6:21

’Bɛ bléyi va mɛ tɔnɔ ɛ ke ka maa? Tɔnɔ lé é ka gya yara nya sin, yee lé. Naa, we ’konu ’wuo éé plaan ga nya.

2 Korɛnt Munu 2:16

Mi kenu vazia, ko a ga gin lé éé dan ga nya, ’bɛ nya, yé mi kenu vazia ko a bélile gin lé éé dan bélile nya, ’bɛ nya. Yé de ɛ bɔa we ’konu lɛɛ?

Bélidɔwesɛbɛ Fiézan 28:37

Munu faa lé Gakelebale é dan go lɛ ka nya wo va, ka dan kɛlɛ lɛ wo givuruzannu koo, ka bomayérisi?-?zannu koo, plalazannu koo, wo nya.

2 Piɛri 2:10

Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,