Mi Nɔnɔle 4:5 - Kazambale lé Sebe Sauunu 1979

⁵ Dé wo zén ta va bléyian va, Arɔn valé é benu é dan sɔ si lɛ ana, yé wa zén gipawe pagikɛsu ta.

Mi Nɔnɔle 4:5 ပူးပေါင်းရင်းမြစ်များ

Minwiinzannu lé Wezuofe Sɛbɛ 15:15

Lévinu Kazambale lé kɛsu si é siyilinu nya wo bɛapa ta, we lé Moizi a fe Gakelebale dére nya, a yɛrama.

Minwiinzannu lé Wezuofe Sɛbɛ 23:26

Lévinu ’ka dan sɔkɔn valé a gi nyanamapafɛnu kɔné si lɛ é dɛrɛ lo.

2 Minwiinmunu lé Wezuofe Sɛbɛ 3:14

É kɔnmikɛlɛsɔ kɛlɛ lɛnsɔ zima nya, ’té a yuɛɛ a glayivayou koo, galunaa koo, sɔɔn koo, a nya, yé wo sérubɛnnu dɔ a ta pɛɛ gyɛle nya.

Fwile 36:35

Wo kɔnmikɛlɛsɔ kɛlɛ lɛnsɔ zima lé wa tan lɛn nénéle nya, ’té a yuɛ ké glayivayou koo, galunaa koo, sɔɔn koo, a nya; wa yuɛ la gɔrɔla yé wo sérubɛn fotonu dɔ a ta pɛɛ gyɛle nya.

Fwile 40:3

I dan wenayefɛ pagikɛsu dɔra lɛ a gi, yé i dan kɛsu ta bua lɛ élé sɔ nya.

Fwile 40:5

Balebanna lé wa kɛlɛ kyan nya, ’té woo lasikɔrɔ no a ta bɛ, i dan ’bɛ dɔra lɛ wenayefɛ pagikɛsu ’lɛ, yé i dan sɔkɔn lɛtansɔ dun lɛ sɔkɔn ’léé.

Ézai 25:7

Sɔ lé ke é zénle munu faa ’wuo ma, gyɛbosɔ lé ke é zénle bɛnnu faa ta, Bale é dan a si lɛ wo ta gɔ ’ko nwiin.

Lévinu 16:2

Gakelebale lé Moizi lɛ léé: Bé fe i bwe Arɔn lɛ léé, té é da sɔ zi Balekɔn gɔnɔma, nyanai zén mi la nyanana lé ke Bale lé kɛsu ta, a ’lɛ, bléyi faa ma lo, dé é da ga; naa, maa dan da lɛ nyanai zén mi la nyanana ta loru, lafu gi.

Mi Nɔnɔle 10:14

Judanu lé drapo soowɔla é vinin, ’té alé sunya palu a wo va. Aminadab be Nasɔn a Juda lé sunya palu nwiinzan nya.

Mi Nɔnɔle 4:15

Dé Arɔn valé é benu nyaa fɛna sauun valé é ma nyanamapafɛnu faa ta buale nya, dé wo zén ta va bléyian va, yé Kéat benu ’é da kɔné sile we ma. Naa, té wo mane fɛ ’lɛzan ’konu ma monomono lo, dé wo da ga. Kɔnésizannu panyanama lé wa bɛ pa wo lee, léé, wa kɛlɛ zén‐ékevasɔkɔn gi, yee lé ke bɛ.

Mi Nɔnɔle 4:4

Nyanama lé é a lé Kéat kulunu a pa zén‐ékevasɔkɔn gi, yee lé ke ’ko: fɛna sauun tinle lé nyanama lé.

Mi Nɔnɔle 7:9

Naa, é ’ka a nɔ lɛ Kéat benu lɛ lo; ’bɛnu zé nyanama a é yɛrama. É a lé wo fɛ ’lɛzannu kɔné si wo bɛapa ta.

Matio 27:51

Yé bé ye, Balebangikɔn gi sɔ lé wa kɛlɛ kɔnmi nya, a fee bo, é sia loru yé é bɔ tɛrɛ, yé tɛrɛ ma nyɔɔn, yé gɔlɛ blɛnnu fee gyɛ,

Bélidɔwesɛbɛ Fiézan 31:9

Moizi bélidɔwe ’ko gyɛ, yé é a nɔ Balebanmunu, Lévi benu lé woo Gakelebale lé gipawe pagikɛsu kɔné sié, wo lɛ, wo valé Izraɛl mi segelenu faa lɛ.

Ébrunu 10:20

Jézu ɛ zi ’ko pla kaa lɛ; zi dɛrɛ lé, mibélizi lé, yé éé goo Bale lé kɔn gi sɔ lé wa kɛlɛ kɔnmi nya, a zi. Sɔ ’ko ɛ ke a kɔlɛ nya.

Ébrunu 9:3

Sɔ fiézan lé ke kɔnmi nya, wa zuo zia laama fɛna sauun tinle.

1 Samuɛl 6:19

Bɛt‐Sémɛs munu Gakelebale lé kɛsu gi gini yé Gakelebale mi gyɛ wo va mi yɔ yaa wɔlɛ vu. Gakelebale wo gyɛ gyɛ nyané nya amalé munu bli kyɛ dɔ é baba.