Mi Nɔnɔle 4:12 - Kazambale lé Sebe Sauunu 1979

¹² Nyanamapafɛnu faa lé woo fɛna sauun gi nyanama paan a nya bɛ, ’wo wo pa glayivayou sɔ gi ma, yé ’wo dofɛnkɔlɛ wɔra wo ma, yé ’wo wo pa gaan gi ma.

Mi Nɔnɔle 4:12 ပူးပေါင်းရင်းမြစ်များ

Minwiinzannu lé Wezuofe Sɛbɛ 9:28

Lévi mi kenu é ziin, Bale lé kɔn gi nyanamapafɛnu bɛ a é pale wo lee. Dé wo bɔra wo nya, woo wo nɔnɔan, dé wo wɔra wo nya, woo wo nɔnɔan.

Minwiinzannu lé Wezuofe Sɛbɛ 9:29

Fɛna sauun lé nyanamapafɛnu koo, burupun zin koo, nwɛ koo, nyɔnɔ koo, lasikɔrɔ valé zianbla gin?-?nénézannu koo, wo bɛ a é pale é ziin Lévi mi kenu lee.

2 Minwiinmunu lé Wezuofe Sɛbɛ 4:11

Kyɛyeezéngifɛnu koo, diadianu koo, ’yiminikananu koo, Uram wo kɛlɛ. ’Bɛ zo lé nyanama lé minwiinzan blɛn Salomɔn Uram laa a pale we ma Bale lé kɔn blɛn zé nya, é a lɛ sɔɔ.

2 Minwiinmunu lé Wezuofe Sɛbɛ 4:16

kyɛyeezéngifɛnu koo, diadianu koo, wiblegaannénu koo, woo lé. Nyanamapafɛnu ’konu faa lé Uram‐Abi a kɛlɛ minwiinzan blɛn Salomɔn dére ta Gakelebale lé kɔn zé nya, é wo kɛlɛ zéné ma gɔrɔlale nya.

2 Minwiinmunu lé Wezuofe Sɛbɛ 4:19

Salomɔn Bale lé kɔngifɛ bɛnu faa kɛlɛ é ziin: balebanna lé wa kɛlɛ kyan nya koo, tablénu lé woo Bale ’lɛburu plaan wo ta koo,

2 Minwiinmunu lé Wezuofe Sɛbɛ 4:22

sɛnnénu koo, kananu koo, ’yiminikananu koo, kyɛnyɛsifɛnu lé wa kɛlɛ kyan tegele nya koo, yee valé kɔn gi kyan duolinu lé wo ke fɛna sauun tinle valé fɛna sauun ’léé, wo koo, é ’bɛnu faa kɛlɛ.

Fwile 25:5

’blagɔné kɔlɛ lé wa tana zéri ’yi sɔɔn nya, ’bɛ valé dofɛn kɔlɛnu koo, akasiayilinu koo,

Fwile 25:9

Sɔkɔn koo, a gifɛnu koo, ka dan wo kɛlɛ lɛ a kɛlɛbɛ lé maa dan a gɔɔn lɛ i lɛ, a yɛrama.

Fwile 31:10

nyanama pa varɔnu koo, Balebanzan Arɔn lé balelasɔnu koo, sɔnu lé Arɔn benu a zén‐é ’wo ta balebannyanama pale we ma koo,

Mi Nɔnɔle 3:8

Zén‐ékevasɔkɔn gi nyanama pafɛnu faa koo, fɛnu faa lé wa bɛ pa Izraɛlnu lee koo, ’wo yuɛ pa wo va; ’wo Bale lé kɔn gi nyanama pa ma.

Mi Nɔnɔle 4:11

’Wo glayivayou sɔ fwila balebanna lé wa kɛlɛ kyan nya, a ta ma, yé ’wo dofɛn kɔlɛ wɔra a ma. ’Bɛ zuo ’wo balebanna siyilinu wɔra é gɔ gi.

Mi Nɔnɔle 4:13

’Wo kyɛyee si balebanna ta, yé ’wo galunaa sɔ zén a ta ma.

Mi Nɔnɔle 4:6

Pɔ lé wa laama dofɛn, ’wa kɔlɛ zén a ta ma, yé ’wo glayivayou sɔ zén ’bɛ ta loru. ’Bɛ zuo ’wo kɛsu siyilinu wɔra é gɔ gi.

Mi Nɔnɔle 4:7

’Wo glayivayou sɔ fwila Bale ’lɛburu plala tablé ta, yé planu koo, gaannénu koo, pala ganeanénu valé béénébɔnu lé woo baleban’yi zén‐é a gi koo, ’wo wo dɔra tablé ’ko ta; té buru é kele tablé ’ko ta lo.

Mi Nɔnɔle 4:9

’Wo glayivayou sɔ si yé ’wa zén fintran koo, alé kyɛbɔnu koo, a dirifɛnu koo, alé kyɛyee zéngifɛnu koo, alé nyɔnɔzénbɔnu koo, fɛnu faa lé woo fintran ma nyanama paan a nya bɛ, wo ta.