Mi Nɔnɔle 34:2 - Kazambale lé Sebe Sauunu 1979

² Bé fe Izraɛlnu lɛ léma: Dé ka bɔ Kanaan tɛrɛ la, ana tɛrɛ é dan kɛlɛ lɛ kalé zarafɛ nya. Kanaan tɛrɛ lé. A glɛnu lé ke ’ko:

Mi Nɔnɔle 34:2 ပူးပေါင်းရင်းမြစ်များ

Wepélisiananu 10:19

Kanaannu lé tɛrɛ glɛ pélisia Sidɔn, yé é gié Géraa vazia fɔɔ Gaza, yé a pélisia é ziin Sɔdɔm yé é gié Gɔmɔɔ koo, Adima koo, Séboim koo, wo vazia fɔɔ Lésa.

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Lɛrɛvɔ Sɛbɛ 105:11

A fele nya léé: An dan Kanaan tɛrɛ nɔ lɛ i lɛ, Izé tɔnɔ nya.

Fwile 23:31

Maa dan ilé tɛrɛ glɛ dɔ lɛ, é sia Wɛyi Sɔɔn ma fɔɔ yé é bɔ Filisitinu lé wɛyi ma, yé é sia bwi ma fɔɔ yé é bɔ yuu ma; naa, maa dan ana tɛrɛlamunu pa lɛ ka lee, yé ka dan wo bin lɛ ka ’lɛ.

Jérémi 3:19

Maa léé: Maa kɛla kaa yé maa i pa anlé nénu va, Yé an tɛrɛ nyɔnɔzan nɔ i lɛ, Tɔnɔfɛ lé é ke é nɔnɔmi é mini bɛn tɛrɛnu faa ta, yé maa a nɔ i lɛɛ? Maa léé, ka dan an laa lɛ, ka ti, Yé ka ’ka dan diéra lɛ an zuo lilo.

Ézékiɛl 47:13

Mizan Gakelebale léma: Tɛrɛ lé ka dan a guli lɛ zarafɛ nya Izraɛl bɛn vu ta fié ma, a glɛnu lé ke ’ko. Jozɛfu zé é dan kɛlɛ lɛ fié.

Ézékiɛl 47:14

Ka faa do do zé é dan kɛlɛ lɛ, naa, maa anbo ’nyɔɔn an bɛ nwale nya léé, maa dan a nɔ lɛ ka tranu lɛ. Amalé wo dan yee tɛrɛ ’ko guli lɛ ka ma.

Mi Nɔnɔle 34:1

Gakelebale lé Moizi lɛ léma:

Kelewenu 17:26

Bale a kɛlɛ léé, munu faa pun sina ’é kɛlɛ do, yé ’wo nyana tɛrɛ la fɛfaana. Yé é wo lɛɛnu glɛ dɔ, yé é munu nyanana glɛnu dɔ.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Éfez munu 1:14

Léli Sauun a Kazambale bɛfɛ nya, kaalé tɔnɔ yele we ma, fɔɔ yé munu lé Kazambale wo lɔ élé fua tɔbɔle we ma, yé é wo tabo.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

Jozué 11:23

Jozué ana tɛrɛ faa si, fɛan zo lé Gakelebale a fe Moizi lɛ, a zo. Yé Jozué yeé tɛrɛ nɔ Izraɛlnu lɛ wozé nya, tɛrɛ buru do do mi do do, wo bɛn ma bɛn ma. ’Bɛ zuo, tɛrɛ vo éboma, ’té guli ’ka lo.

Jozué 13:1

Jozué kwa gyɛ yé a lɛɛ kɛlɛ kiɛre. Gakelebale lé a lɛ léé: I kwa gyɛ yé i lɛɛ kɛlɛ kiɛre yé tɛrɛ lé é vo yé é a lé i pla a nwiin é a blɛn baba.

Jozué 21:43

’Bɛ zo lé tɛrɛ lé Bale a nɔle fe wo tranu lɛ ébo ’nyɔɔnle nya, Gakelebale a faa nɔ Izraɛlnu lɛ; wa si wozé nya yé wo nyana ana kli.