Mi Nɔnɔle 32:13 - Kazambale lé Sebe Sauunu 1979

¹³ Gakelebale bli fli Izraɛlnu ma yé wo vo nɔɔna bwi gi lɛɛ yɔ fié wuo, fɔɔ yé munu ’konu lé wo wenaané kɛlɛ Gakelebale yuɛ gi yé é wo kulu ga.

Mi Nɔnɔle 32:13 ပူးပေါင်းရင်းမြစ်များ

Lɛrɛvɔ Sɛbɛ 107:4

Wo vo nɔɔna bwi gi; wo vo tawona wo saa, Yé fla lé wo bɔa nyanale lɛ a ta, wo ’ka ’bɛ ta zi ye lɛ lo.

Lɛrɛvɔ Sɛbɛ 78:33

Wo ’wolé yinu sɛrɛ boawe saa kɛlɛle nya. Wo lɛɛ nyaale bɔra wo ma fiaa.

Lɛrɛvɔ Sɛbɛ 95:10

Lɛɛ yɔ fié gi bɛn ’ko sɛrɛ an gi, Yé maa léé, migɔnɔ ’ko, bli lé éé wo saan, é a wo gi; Wo ’ka anlé zinu dɔɔa lo.

Fwile 16:35

Izraɛl lé nénu mana ble lɛɛ yɔ fié, fɔɔ yé wo bɔ tɛrɛ lé munu nyanaan a ta, ana; wo mana ble fɔɔ yé wo bɔ Kanaan tɛrɛ glɛ la.

Amɔs 2:10

Yé é ziin, maa ka si Éjipiti tɛrɛ la, yé an go ka nya bwi gi lɛɛ yɔ fié, Amorénu lé tɛrɛ nɔle ka lɛ we ma.

Amɔs 2:9

dɔlé té Amoré munu lé wo ke grɔgrɔ bélé sɛdrɛyilinu zo, ’té wa plɛplɛ bélé sɛnéyilinu zo, maa ’bɛnu sɛrɛ Izraɛlnu ’lɛ. Maa ’bɛnu poronu sɛrɛ loru, yé maa ’bɛnu suninu sɛrɛ tɛrɛ gi.

Mi Nɔnɔle 14:32

’Kaa ’ko, ka galenu é dan dia lɛ bwi gi;

1 Korent munu 10:5

Naa, wo va mi kiɛre lé we ’ka sɔ lɛ Kazambale lɛ lo, amalé wo zamaga wo bwi gi.

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Weblezannu 2:14

Gakelebale bli fli Izraɛl ma. É wo pa gulizarafɛ sizannu lee, yé ’bɛnu gulizarafɛnu si wo lee. É wo dan wo nyanézannu lé wo ke wo zi, wo lee, yé wo ’ka bɔa lɛ yé wo dɔ wo nyanézannu ’lɛ é dɛrɛ lo.

Weblezannu 2:20

Yé Gakelebale bli fli Izraɛl ma, yé é léma: Bɛn ’ko, gipawe lé maa a kɛlɛ wo tranu va, wa sɛrɛ yé wo ’ka an dére lɛdɔ lɛ a ma lo, bɛwemalé bɛn bɛnu lé Jozué wo vo yé é ga,