Mi Nɔnɔle 32:1 - Kazambale lé Sebe Sauunu 1979

¹ Rubɛn munu valé Gad munu lé trubɛnu kɛlɛ di é baba, yé wa ye léé, Jaézɛɛ lé tɛrɛ valé Galaad lé tɛrɛ a trubɛnu blena zimanu nya.

Mi Nɔnɔle 32:1 ပူးပေါင်းရင်းမြစ်များ

Wepélisiananu 13:2

Abram fua ble é baba; trubɛ koo, gɔɔli koo, kyan koo, wa a lee.

Wepélisiananu 13:5

Lɔt lé, ’bɛ tawo Abram va bɛ, ’blanu koo, dirinu koo, sɔkɔnnu koo, wa ’bɛ lee é ziin.

Wepélisiananu 29:32

Léa bɔn si yé é né yaa gɔné nya yé é a tɔ pa Rubɛn yé é léé: Gakelebale anlé kleblele ye, yé sin an dan sɔ lɛ an zana lɛ.

Wepélisiananu 47:4

Yé wo lé Faraɔn lɛ é ziin léé: Lɔrɔ blɛn dɔ Kanaan tɛrɛ la yé i wuomunu lé ’blanu lé fɛblele ’ka ana é dɛrɛ lo, bɛwemalé ko da nyana lɛ tɛrɛ ’ko la, amalé ’i zi nɔ i wuomunu lɛ léé, ’wo nyana Gozɛn tɛrɛ la.

2 Samuɛl 24:5

Wo Juudɛn kini yé wo sɔkɔnnu dɔ Aroɛɛ, fla lé ke Gad gɔ worona méléna, ’té é ke Jaézɛɛ sɔnɔ, a bɛyilazia.

2 Samuɛl 24:6

Wo go Galaad valé Takatim‐Odisi tɛrɛ la. Wo go Dan‐Jaan valé Sidɔn zi tɛrɛnu la.

Minwiinzannu lé Wezuofe Sɛbɛ 4:41

Munu ’ko lé wo tɔ ke é gyɛle, wo da Juda nwiinzan blɛn Ézékia bléyi va; wo guli dan ana munu valé Maɔn munu lé wo ke ’bɛna é ziin, wo va; wo wo nɔ Bale lɛ bale pale wo ma nya, fɔɔ kyɔ yi ’ko nya, yé wo nyana wo pa gi, naa, wo ’wolé trubɛnu blena ye ana, azama.

Fwile 12:38

Mi gɔnɔ faa go wo zuo wo gu nya; ’bla valé dirinu a wo va kiɛre é ziin.

Jérémi 22:6

Naa, Gakelebale we fe Juda munu nwiinzan blɛn lé munu lé we ma, yé é léé: Bii a an lɛ bélé Galaad tɛrɛ zo, bélé Liban gɔ zogoroné zo. Naa, weboen lé, maa dan i kɛlɛ lɛ bélé bwi zo, fla lé mi do kpen ’ka a ta lo, a nya.

Jérémi 48:32

Sibima dɔrɔféi, an wuvɔa ilé we ma, ’bɛ mini Jaézɛɛ zé ta; i bɛnu bɔ wɛyi zi, wo soi fɔɔ yé wo bɔ Jaézɛɛ lé wɛyi ma. Fɛsɛrɛzan ’wii ilé dɔrɔ sole ta, yee valé a wɔlɛnu ta.

Jérémi 50:19

Maa dan Izraɛl munu nyana lɛ wo pa gi é ziin; wolé fɛblena é dan kɛlɛ lɛ Kaamɛl valé Bazan tɛrɛ la, yé wobozen é dan kan lɛ Éfraim gɔ nwiin valé Galaad tɛrɛ la.

Jérémi 8:22

Bomélia ’ka Galaad tɛrɛ la loo? Dɔtrɔ gyétrɛn ’ka ana loo? Mɛmalé anlé munu ’ka bélina loo?

Misé 7:14

Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

Mi Nɔnɔle 21:32

Moizi munu nwunvɔ Jaézɛɛ mavɔɔle we ma, yé wo alé tɛrɛla flanu si, yé Amorénu lé wo ke ana, wo wo bin.

Mi Nɔnɔle 32:2

Rubɛn munu valé Gad munu da Moizi koo, Balebanzan Éléazaa koo, munu nwiinzannu koo, wo va, yé wo lé wo lɛ léé:

Mi Nɔnɔle 32:26

kolé nénu koo, ko nanu koo, kolé trubɛnu valé kolé winu faa koo, wo dan vo lɛ Galaad flanu ta,

Mi Nɔnɔle 32:3

Atarɔt koo, Dibɔn koo, Jaézɛɛ koo, Nimra koo, Esibɔn koo, Éléalé koo, Sébam koo, Nébo valé Béɔn koo,

Bélidɔwesɛbɛ Fiézan 33:21

É tɛrɛ fee zin si a va ézé nya, Naa, ’bɛna lé bélidɔwe nɔzan lé tɛrɛ ke. É tawo munu ’lɛ, É Gakelebale lé we tegele lɛ sɔɔ Yé é alé bélidɔwenu lɛ sɔɔ Izraɛl zé nya.

Jozué 13:25

Wolé tɛrɛ lé ke Jaézɛɛ koo, Galaad lé flanu faa koo, Amɔn lé nénu lé tɛrɛ kunu fɔɔ yé é bɔ Aroɛɛ lé ke Raba yara, ’bɛ koo,

Jozué 22:13

Izraɛl lé nénu munu nwunvɔ Galaad tɛrɛ la, Rubɛnnu koo, Gadnu koo, Manasé bɛn lɛgɔnɔ do koo, wo va. Wo Balebanzan Éléazaa be Finé

Jozué 22:9

Rubɛnnu koo, Gadnu koo, Manasé bɛn lɛgɔnɔ do koo, wo si Izraɛl lé nénu va Silo, Kanaan tɛrɛ la, yé wo nɔla gole we gi Galaad tɛrɛ lé ke wozé nya, ’té wo nyana a ta bɛ, a ta, Gakelebale a fe Moizi lɔlu nya fɛan zo, a zo.

1 Jan 2:16

We faa lé é ke tɛrɛ la, mi dɔbɛ kyɛn lé sɔlɛwe koo, yuɛbɔle fɛ ma koo, bo kɛlɛle blɛn koo, wo ’ka sié Ti va lo. Woo sié tɛrɛlawe va.

Weblezannu 5:16

Mɛmalé i vo ’blanu lé fɛblena I tɔné dɔna ’blanu wele lɛɛ? Rubɛn lé ’yibɔnanu, Gibɔrɔ blɛn a wo bli gi.