Mi Nɔnɔle 31:23 - Kazambale lé Sebe Sauunu 1979

²³ fɛnu faa lé kyɛ ’ka wo blé lo, ’ka wo vɔ kyɛ va wo gibɔle we ma. Naa, fɛnu lé kyɛ a blé, ’ka wo gi bɔ, fɛ kɛlɛ tegele ’yi nya; ’ka wo zuru ’yi nya.

Mi Nɔnɔle 31:23 ပူးပေါင်းရင်းမြစ်များ

Fwile 19:10

Gakelebale lé Moizi lɛ léé: ’I go munu va; ’i wo kɛlɛ é zima kyɔ valé tɛlɛ; ’wo ’wolé sɔnu zuru ma.

Fwile 19:14

Moizi gɔ zun munu vazia, é wo kɛlɛ é zima, yé wo ’wolé sɔnu zuru.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Lévinu 11:32

Fɛ faa lé wo mane wo gale ma, wo tiri dɔ; dé yilifɛ léé, dé sɔ léé, dé wikɔlɛ léé, dé bɔlɔ léé, dé fɛofɛan woo fɛ kɛla a nya, dé ’bɛ léé, ’ka wo vɔ ’yi va, yé ’wo vo ’wo tiri nya fɔɔ nyanadi; a zuo a gi é dan bɔ lɛ.

Lévinu 15:17

Dé a ’yi zén fɛan ma, dé é a sɔ nyaoo, dé é a wikɔlɛ nyaoo, wo dan a zuru lɛ ’yi nya, ’té é a naané duowo fɔɔ yé nyanadi é pa.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Mi Nɔnɔle 19:17

Mian é ’ka tegele lo, yee dirida lé wa kyɛ ble bɛ, ’wa yee si yé wa zén ’yi zin va bɔ gi.

Mi Nɔnɔle 19:9

Gɔné tegele do ’é diriyee sia, yé ’é go a nya fla gini ma, fɛna zin do na; ’wa tadɔ Izraɛl lé munu zé nya, léé, ’wa zén ’yi va yé ’é kɛlɛ mi kɛlɛ tegelefɛ nya. É a wenyané ’yibofɛ do nya.

Mi Nɔnɔle 31:22

Kyan koo, gɔɔlifu koo, zéné koo, foliɛwɔlɛ koo, tini koo, lɛe koo,

Mi Nɔnɔle 31:24

’Kalé varɔnu zuru yi sɔrafiézan nya yé ka dan kɛlɛ lɛ tegele; ’bɛ zuo, a zi a ka lɛ léé, ka go fla.

Mi Nɔnɔle 8:7

’I wo kɛlɛ tegele ’ko zo: ’i wenyané ’yibo’yi si, bé zén wo ta; ’wo ’wo kɔlɛ ma kyɛɛ faa bo ma; ’wo ’wolé varɔnu zuru, yé ’wo ’wobo kɛlɛ tegele.

Matio 3:11

Maa ka batizéwo ’yi nya ka bli nɔlale we gi, naa, mian é dan da lɛ an zuo, a plɛplɛ mini an ta, yé a yara ’ka an yara lé maa alé sawala si lo. Yee ɛ dan ka batizéwo lɛ Léli Sauun valé kyɛ nya.

1 Korent munu 3:13

Wo dan nyanamanu nagini lɛ kyɛ nya; munu faa do do lé nyanama a fɛan zo, kyɛ é dan a gi dan lɛ. Bɛwemalé webleyi nya munu lé nyanama gi é dan bɔra lɛ.

Éfez munu 5:26

a kɛlɛle sauun we gi, yé é a gi bɔ ’yi valé é dére nya.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

1 Piɛri 4:12

’Kaa lé ka sɔ an lɛ, té ka gi é vuru ka gidanwe lé é ke ka ma tɔntɔn bélé vɔnɔ zo bɛ, a ma lo; ’bɛ ’ka mi givuruwe nya lo.

Wegɔɔnle 3:18

amalé maa we plaan i lɛ léé, ’i fɛnu ’ko lɛ an lee: kyan lé wa gi dan kyɛ nya, ’bé lɔ ilé fuablele we gi, yé ’i sɔ funu lɔ, wo zénle i ta we gi léé, té i porole yara i gyɛ lo, yé ’i yuɛ lia lɔ yé bé zén i yuɛ va, ilé fɛna yele we ma.