Mi Nɔnɔle 3:9 - Kazambale lé Sebe Sauunu 1979

⁹ ’I Lévinu nɔ Arɔn valé é benu lɛ; Izraɛlnu, ’wo Lévinu nɔ wo lɛ boenwo tata ma.

Mi Nɔnɔle 3:9 ပူးပေါင်းရင်းမြစ်များ

Minwiinzannu lé Wezuofe Sɛbɛ 15:2

Yé David léé: É a lé Lévinu saa é Kazambale lé kɛsu kɔné si; Gakelebale wo si a va, léé, ’wo Kazambale lé kɛsu kɔné si, ’té wa ma nyanama paan yifaama.

Minwiinzannu lé Wezuofe Sɛbɛ 6:33

Munu lé wo ke nyanama ’ko zi ’lɛ, wo valé wo benu: Kéat munu va: lɛrɛvɔzan Éman, é a Joɛl be nya, ’bɛ a Samuɛl be nya,

Ezidras 2:43

Sɔkɔn gi nyanamapamunu lé ke ’ko: Sisa kulunu koo, Azufa kulunu koo, Tabaɔt kulunu koo,

Ezidras 6:18

Wo Balebanmunu dɔ wo palu yɛrama palu yɛrama, yé wo Lévinu dɔ wo lɛ ma lɛ ma, Bale lé nyanama pale Jérusalɛm we ma, fɛan zo lé Moizi a gyɛ sɛbɛ gi, a zo.

Ezidras 8:20

yé munu lé David valé minwiinzannu a bɛ pa Lévinu lee, léé, ’wo Bale lé kɔn gi nyanama pa, wo ’léé a wuru do yɔ do, ’té wo wo faa laama wo tɔ ma do do.

Mi Nɔnɔle 16:9

Izraɛlnu lé Bale ka si Izraɛl munu va, yé é ka bié ’é sɔnɔ, léé, ka kɛlɛ Gakelebale lé sɔkɔn gi nyanamapazannu nya, yé ka dɔ munu ’lɛ Gakelebale bɔzannu nya, ’bɛ a we kiéné nya ka yuɛii?

Mi Nɔnɔle 18:2

I bwenu lé wo ke Lévi bɛnnu nya, i ti bɛnnu nya, ’i wo bié i va, léé, wo pa i va yé wo ilé nyanama pa, bléyian va lé bii valé i benu ke wenayefɛ pagi sɔkɔn ’lɛ.

Mi Nɔnɔle 3:8

Zén‐ékevasɔkɔn gi nyanama pafɛnu faa koo, fɛnu faa lé wa bɛ pa Izraɛlnu lee koo, ’wo yuɛ pa wo va; ’wo Bale lé kɔn gi nyanama pa ma.

Mi Nɔnɔle 8:14

’I Lévinu si Izraɛlnu méléna, yé Lévinu ’é kɛlɛ anzé nya ma.

Mi Nɔnɔle 8:16

Naa, ’wo wo si Izraɛlnu méléna, yé ’wo wo nɔ an lɛ é ta lé kɔn‐an; maa wo si a va anzé nya, Izraɛlnu lé né vininzannu faa lɛgi.

Mi Nɔnɔle 8:18

Yé an Lévinu si Izraɛlnu lé né vininzannu lɛgi.

Mi Nɔnɔle 8:19

Maa Lévinu nɔ Arɔn valé é benu lɛ é ta lé kɔn‐an Izraɛlnu méléna, wolé nyanama pale Izraɛlnu lɛ zén‐ékevasɔkɔn gi we ma, Izraɛlnu lé wenyané ’yibole we gi, yé wo Izraɛlnu tabin léé, dé Izraɛlnu bié fɛna sauun na, té gyɛ do ’é vɔ wo ma lo.

Éfez munu 4:11

Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

Éfez munu 4:8

Bɛwemalé é a é gyɛle sɛbɛ gi léé: É go aan wo la gi, É go luunu nya; Yé é blɛnu kɛlɛ munu lɛ.