Mi Nɔnɔle 28:2 - Kazambale lé Sebe Sauunu 1979

² Dé a bléyi bɔ, ’wo an banfɛ nɔ an lɛ, fɛnu lé wa kyɛ blé, ’té maa a gin sié néné, a nya.

Mi Nɔnɔle 28:2 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Minwiinzannu lé Wezuofe Sɛbɛ 23:31

fɛnu faa lé wa no Gakelebale lɛ a kyɛblele nya, wa no yifaama, flinyinu koo, moné dɛrɛ bɔrale faa koo, fɛtinu koo, wo faa bléyi va, wo ’léé a fɛan zo, yé wo dɔnama a fɛan zo, a yɛrama.

2 Minwiinmunu lé Wezuofe Sɛbɛ 23:18

Jéojada Gakelebale lé kɔn gi nyanama bɛ pa Balebanzannu lee é ziin. Wa Lévinu lé David wo dɔ Gakelebale lé kɔn gi, wo nya, léé, balebanwinu lé wa kyɛ blé, ’wo wo nɔ Gakelebale lɛ, bélidɔwe lé wa gyɛ Moizi lé sɛbɛ gi, a yɛrama. ’Té wo gi éé nanaan, ’té woo lɛrɛnu vɔa, David a fe fɛan zo, a zo.

2 Minwiinmunu lé Wezuofe Sɛbɛ 31:3

Minwiinzan blɛn ’é leefɛ kenu nɔ balebanwinu lé wa kyɛ blé, wo nya; bladi valé nyanadi zé koo, flinyinu zé koo, moné dɛrɛnu valé fɛtinu zé koo, é wo nɔ, fɛan zo lé wa gyɛ Gakelebale lé bélidɔwe gi, a zo.

Ezidras 3:2

Josadak be Jozué valé é bwenu Balebanzannu koo, Séaltiɛl be Zorobabɛl valé é bwenu koo, wo nwa yé wo Izraɛl lé Bale banna kɛlɛ, balebanwi lé wa kyɛ blé, a nɔle ana we ma, wean wa gyɛ Bale lé mi Moizi lé bélidɔwe gi, a yɛrama.

Ezidras 3:3

Wo balebanna dɔ é dɔna dɔlé ’té wa kanana ’bɛ tɛrɛlamunu lee. Yé wo Gakelebale ban, balebanwi lé wa kyɛ blé, a nya, bladi nyanadi.

Néémi 10:34

Balebanmunu koo, Lévinu koo, flamunu koo, ko munu si wo va ’munnu zunle nya, kyɛ lé é a lé wo da a nya lɛɛ do do ma kolé Bale blanfɛ nya, Bale lé kɔn ’léé, alé we ma. Woo dan kyɛ ’ko nya ko tranu gɔnɔla ma gɔnɔla ma, bléyinu lé wa dɔ, a nya, léé, ’wo saraka kyɛ ble a nya, Gakelebale kolé Bale banna ta, é a é gyɛle bélidɔwe gi fɛan zo, a yɛrama.

Lɛrɛvɔ Sɛbɛ 81:3

’Ka lɛrɛ vɔ, ’ka poo gyɛ yé a dére ’é we, Kɔnɔ lé a dére ke néné, é valé gitaa, ’wo wo gyɛ ma.

Fwile 23:15

Buru lé lévɛn ’ka a va lo, ’ka ’bɛlé fɛti kɛlɛ; bléyi lé wa dɔ, ’sa sola moné nya, buru lé lévɛn ’ka a va lo, i dan a ble lɛ yi sɔrafié nya, maa i bélidɔ fɛan zo, a zo, moné ’ko gi lé ka fwi Éjipiti tɛrɛ la, azama; té wo da wo lee koro nya an yara lo.

Fwile 29:18

’I ’blawi faa kyɛ ble balebanna ta; wi lé wa kyɛ blé Gakelebale zé nya, yee lé; saraka lé kyɛ a blé, ’té a gin sɔ Gakelebale lɛ, yee lé.

Ézékiɛl 16:19

Buru lé maa a nɔ i lɛ, burupun zima koo, nyɔnɔ valé zɔrɔnyɔnɔ koo, maa wo nɔ i lɛ i blefɛnu nya, yé i wo nɔ miyilinu lɛ bélé lasikɔrɔ gin néné zo. We lé bé kɛlɛ, yee lé ke bɛ. A zo lé Mizan Gakelebale a fe.

Ézékiɛl 20:41

Tɛrɛnu lé maa ka nwɛɛn ana munu méléna, dé maa ka si ana bléyian va, ’bɛ bléyi va maa dan ka si lɛ bélé lasikɔrɔ gin néné zo. Yé ka dan maa kɛlɛ lɛ segele bɛnnu yuɛ va.

Ézékiɛl 45:17

Sarakanu faa lé wa bo fɛti koo, moné dɛrɛ bɔrale koo, flinyinu koo, Izraɛl lé fɛtinu faa koo, wo nya, ’bɛ faa a wo nwiinzan nwiin kɔné nya. Wenyané ’yibo saraka koo, blɛ koo, balebanwi lé wa kyɛ blé koo, bɔvɔ saraka koo, yee ɛ wo no Izraɛl munu lé wenyané ’yibo saraka nya.

Lévinu 1:13

Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé.

Lévinu 1:17

É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.

Lévinu 1:9

Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.

Lévinu 21:6

Wa é sile a va wolé Bale zé nya; té wo ’wolé Bale tɔ kɛlɛ fɛ pla nya lo; naa, sarakanu lé wa bo Gakelebale lɛ, ’té wa kyɛ blé yé é kɛlɛ wolé Bale blefɛ nya bɛ, ’wo ɛ a bo; wa segele.

Lévinu 21:8

Balebanzan ɛ kalé Bale blefɛ no, amalé ’ka a ye mi segele nya; maa, Gakelebale lé maa ka pa é yɛrama, maa a sauun, amalé é dan kɛlɛ lɛ mi segele nya ka lɛ.

Lévinu 3:11

Balebanzan é dan ’bɛ kyɛ ble lɛ balebanna ta. Fɛblele saraka lé wa kyɛ blé Gakelebale ’lɛ, yee lé.

Malasi 1:12

Naa, ’kaa, ka an tɔ sɛra a fele nya léé: Gakelebale lé tablé a é naané, yé atafɛ a serelebomafɛ nya.

Malasi 1:7

Ka an ban fɛ naané nya, yé ka léé, ’wo i sɔnné sɛrɛ kaa? Ka fé léé: Gakelebale lé tablé a serelebomafɛ nya, yee lé.

Mi Nɔnɔle 15:24

dé mian wenyané kɛlɛ é tanyila, ’té munu ’ka a gi dɔɔa lo, dé wa ’ma, munu faa é dan maa Gakelebale ban lɛ diriboroné do lé wa kyɛ blé, ’té maa Gakelebale a gin sié néné, a nya; ’ka an ban’yi pa a va, a sɔnné lé wa fe, a yɛrama; yé ’wo maa Gakelebale ban boligɔné do nya wenyané ’yibofɛ nya é ziin.

Mi Nɔnɔle 15:3

yé saraka lé wa kyɛ blé, dé ka a bo Gakelebale lɛ, dé é a balebanwi lé wa kyɛ blé, a nyaoo, dé é a Bale kunle gifɛ nɔle nyaoo, dé é a bli drɔɔ blɛ nyaoo, dé ’bɛ kaan lo, dé é a kalé fɛti nyaoo, yé dé kalé wi blɛn léé, dé kalé wi kiéné léé, dé ka a kyɛ ble, yé Gakelebale a gin si néné we ma,

Mi Nɔnɔle 15:7

’i dɔrɔ litré do é buu si yé ’é kɛlɛ baleban’yi nya, yé Gakelebale é blɛ ’ko gin si néné.

Mi Nɔnɔle 28:1

Gakelebale we fe Moizi lɛ yé é léé: ’I we pla Izraɛlnu lɛ léé:

Mi Nɔnɔle 29:39

Sarakanu lé ka dan a bo lɛ Gakelebale lɛ kalé fɛtinu kɛlɛle we gi, wo lé ke bɛ; ’té kalé balebanwinu lé wa kyɛ blé koo, kalé balebanfɛnu koo, kalé baleban’yinu koo, kalé gi drɔɔ balebanfɛnu koo, ’té ka wo no Bale kunle lɛsɔɔle we ma bɛ, dé ’bɛ kaan lo, blidrɔɔblɛ nya, ’té ’ka ’bɛnu é no duowo.

Mi Nɔnɔle 9:13

Dé mian é ke é pla, yé é ’ka go lɛ tawo lɛ lo, dé é vuru Taboyi lé fɛti kɛlɛle ma, ’wo mi ’ko si alé munu va. Yi lé Gakelebale a dɔ, é ’ka da lɛ Bale ban lɛ a yi la lo, azama; yé mi ’ko é we dɔ ébo nwiin.

Mi Nɔnɔle 9:7

yé wo lé Moizi lɛ léé: Mi gale lé we ma, ko ’ka tegele lo. Mɛmalé ko ’ka bɔalɛ ko Bale ban ko bɔlunu va a banbléyi va loo?

2 Korɛnt Munu 2:15

Naa, ko a Kazambale lé fɛ gin nya Krist gi, munu lé wo si we gi, é valé munu lé wo ke zamaga wona, wo méléna.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.