Mi Nɔnɔle 28:11 - Kazambale lé Sebe Sauunu 1979

¹¹ Kalé moné do do faa bɔrale nya, dirigɔné boroné fié koo, ’blagɔné do koo, lɛɛ do ’blané sɔrafié lé we do ’ka wo ma lo koo, ’ka wo nɔ maa, Gakelebale lɛ, balebanwi lé wa kyɛ blé, a nya;

Mi Nɔnɔle 28:11 ပူးပေါင်းရင်းမြစ်များ

2 Minwiinzannu 4:23

Yé é léé: Mɛmalé i a a va léé, i go a va kyɔɔ? Moné dɛrɛ ’ka tan bɔra lɛ lo, yé flinyi kaan lo. É lé é zana lɛ léé: Té i ’bɛ gi bɔrɔ pa lo.

Minwiinzannu lé Wezuofe Sɛbɛ 23:31

fɛnu faa lé wa no Gakelebale lɛ a kyɛblele nya, wa no yifaama, flinyinu koo, moné dɛrɛ bɔrale faa koo, fɛtinu koo, wo faa bléyi va, wo ’léé a fɛan zo, yé wo dɔnama a fɛan zo, a yɛrama.

2 Minwiinmunu lé Wezuofe Sɛbɛ 2:3

Salomɔn munu nwunvɔ Tii munu nwiinzan blɛn Uram va, a fele a lɛ we gi léé: I sɛdrɛyilinu pa an ti David lɛ zia léé, ’é nyanaagikɔn dɔ a nya fɛan zo bɛ, ’i anzé kɛlɛ a zo ma.

2 Minwiinmunu lé Wezuofe Sɛbɛ 2:4

Bé ye, maa a kɔn dɔna Gakelebale, anlé Bale tɔbɔle we ma. Maa dan a pa lɛ é yɛrama azé nya, yé maa dan lasikɔrɔ ginzan kyɛ ble lɛ a gi a ’lɛ. Yé Bale ’lɛburu é dan kɛlɛ lɛ ana bléyi faa ma. Yé bladi valé nyanadi koo, flinyinu koo, moné dɛrɛnu koo, Gakelebale kozé Bale lé fɛtinu koo, balebanwinu lé wa kyɛ blé, maa dan wo nɔ lɛ ana ’bɛ bléyinu va, Izraɛlnu lé bélidɔwe lé, é ’ka nyaan lo, a yɛrama.

2 Minwiinmunu lé Wezuofe Sɛbɛ 8:13

Fɛan Moizi a fe léé, wa nɔ yi faa do do ma koo, flinyinu koo, moné dɛrɛ bɔralenu koo, fɛtinu koo, wozé bléyi va, yee lé Salomɔn a no; lɛɛ do do gi fɛti yaa, buru lé lévɛn ’ka a va lo koo, flɛyinu lé fɛti koo, fɛti lé wa kɛla faa wuo koo, é ’bɛnu é kɛlɛ.

Ezidras 3:5

’Bɛ zuo, balebanwi lé wa kyɛ blé, ’té a nɔle ’ka nyaan lo, wo ’bɛ nɔ, yé balebanwi lé wa kyɛ blé moné dɛrɛ bɔrale nya, wo ’bɛ nɔ; yé fɛnu faa lé woo Bale baan wo nya fɛti faa la, yee valé blɛ drɔɔ lé wa kɛla Gakelebale lɛ, wo ’bɛ nɔ.

Néémi 10:33

Bale ’lɛburu koo, blɛ lé a nɔle ’ka nyaan lo koo, balebanwi lé wa kyɛ blé, ’té a nɔle ’ka nyaan lo, ’té é ke flinyinu koo, moné dɛrɛnu koo, fɛtinu koo, wozé nya bɛ, yee koo, fɛnu lé ke é pale é yɛrama koo, Izraɛl lé wenyané ’yibo sarakanu koo, we faa tere lé wa kɛla kolé Bale lé kɔn gi koo, woo siklagɔɔli no yee nyanamanu ’ko lé we ma, lɛɛ do do ma.

Lɛrɛvɔ Sɛbɛ 40:6

Gakelebale, anzé Bale, ilé we blɛnnu valé i gidanmawenu lé Woo wezin kɛla ko lɛ, i wo gi gyɛ. I zoɛ mi ’ka lo. É sɔ an lɛ léé, an ilé we ’konu faa zana dɔɔ yé maa a nwɛɛn fɛfaana, Naa, wo ’léé a kiɛre fɛan zo, an ’ka bɔa wo faa zuo fele lɛ lo.

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Lɛrɛvɔ Sɛbɛ 81:3

’Ka lɛrɛ vɔ, ’ka poo gyɛ yé a dére ’é we, Kɔnɔ lé a dére ke néné, é valé gitaa, ’wo wo gyɛ ma.

Lɛrɛvɔ Sɛbɛ 81:4

’Ka béli fɛn moné dɛrɛ bɔra bléyi va, ’Ka moné bɔle pɔrɔ la lé fɛti kɛlɛ, yé ’ka béli fɛn é ziin.

Ézai 66:23

Gakelebale léma: Mi faa é dan dia lɛ an ’lɛ moné dɛrɛ do do faa bɔrale valé flinyi do do faa nya.

Ézékiɛl 46:1

Mizan Gakelebale léma: Gɔrɔné ’léé lé ke yirinwanazia, a lɛ ’é vo é tanle nyanama payi suiɛdo nya. Naa, flinyi nya, wo dan a lɛ so lɛ, yé wo dan a lɛ so lɛ moné dɛrɛ bɔrayi nya é ziin.

Ézékiɛl 46:6

Moné dɛrɛ bɔrayi nya, diri boroné do lé, we do ’ka a ma lo, é dan a nɔ lɛ, yee valé ’blané suiɛdo valé ’blagɔné do lé we do ’ka a ma lo, a nya.

Ézékiɛl 46:7

Yé é dan blɛ pa lɛ dirigɔné va burupun zima vlekyɛɛ nya do, ’blagɔné va burupun zima vlekyɛɛ nya do, yé é dan blɛ pa lɛ ’blanénu ta élé blibɔmale nya; vlekyɛɛ nya do va nyɔnɔ a litré suiɛdo.

OZÉ (Osée) 2:11

Bɛwemalé ’sa bléyi va, maa dan anlé ’sa si lɛ a lee; nwɛ dɛrɛ bléyi va, maa dan anlé nwɛ dɛrɛ si lɛ a lee; anlé ’blakyɛɛsɔ valé anlé lɛnsɔ lé é ’é ma yɔɔan turu a nya, maa dan a si lɛ a lee.

Lévinu 1:13

Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé.

Lévinu 1:3

Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi.

Lévinu 1:9

Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.

Amɔs 3:5

Dé wo ’ka tan séli vɔ lɛ lo ’naan, éé miané kunwoo? Dé wi ’ka tan vɔ lɛ san ’léé lo ’naan, éé biéan é plaa?

Amɔs 8:5

Ka léma: Yiba, mɛ bléyi va lé moné dɛrɛ yi éé giéan yé ko ’sa daan? Mɛ bléyi va lé flinyi éé giéan, yé ko kolé boonu lɛ soo? Ko dan fɛdangifɛ wɔra lɛ ékeva yé ko dan a vlɛ taa pa lɛ, ko dan kilo kɛlɛ lɛ dabli nya;

Mi Nɔnɔle 10:10

’Ka béli fɛn ka ginanayinu valé kalé fɛti yinu la, ’té ka balebanwi kyɛ blé Gakelebale lɛ, ’té ka Bale bɔvɔ sarakanu boo, yé wo dan ka sele dɔ lɛ maa, kalé Bale gi. Maa a Gakelebale, kalé Bale nya.

Mi Nɔnɔle 28:19

’Ka Gakelebale ban, wi lé wa kyɛ blé, a nya; dirigɔné boroné fié koo, ’blagɔné do koo, lɛɛ do ’blané sɔrafié lé we do ’ka wo ma lo koo, ’ka wo nɔ wi lé wa kyɛ blé, a nya.

Galasi munu 4:10

Yinu koo, monénu koo, bléyinu koo, lɛɛnu koo, ka a wolé we kɛlɛna.

Kolɔs munu 2:16

Bɛwemalé, té ka nyi si léé, mi do é ka béli dɔ fɛblele koo, fɛminile koo, fɛti lé we koo, moné dɛrɛ lé we koo, flinyi lé we koo, wolé we ma lo.

Kolɔs munu 2:6

Ka Jézu Krist si kazan nya, amalé, sin, ’ka tawo a gi;

1 Samuɛl 20:5

David a zi pa léé: Bé ye, moné dɛrɛ é bɔraan tɛlɛ, yé é a lé maa nyana minwiinzan va fɛblele we gi; ’i zi nɔ an lɛ ’an go, yé maa dan yɔɔ lɛ féi fɔɔ zuoma yiri vɔle nya.

1 Samuɛl 9:12

Wa zi pa wo lɛ léé: Iin, é a i ’lɛ miɛ, ’ka go fiéfié, naa, munu a saraka bona balebanna loru na, amalé é da kyɔ.