Mi Nɔnɔle 28:1 - Kazambale lé Sebe Sauunu 1979

¹ Gakelebale we fe Moizi lɛ yé é léé: ’I we pla Izraɛlnu lɛ léé:

Mi Nɔnɔle 28:1 ပူးပေါင်းရင်းမြစ်များ

Minwiinzannu lé Wezuofe Sɛbɛ 23:31

fɛnu faa lé wa no Gakelebale lɛ a kyɛblele nya, wa no yifaama, flinyinu koo, moné dɛrɛ bɔrale faa koo, fɛtinu koo, wo faa bléyi va, wo ’léé a fɛan zo, yé wo dɔnama a fɛan zo, a yɛrama.

2 Minwiinmunu lé Wezuofe Sɛbɛ 2:4

Bé ye, maa a kɔn dɔna Gakelebale, anlé Bale tɔbɔle we ma. Maa dan a pa lɛ é yɛrama azé nya, yé maa dan lasikɔrɔ ginzan kyɛ ble lɛ a gi a ’lɛ. Yé Bale ’lɛburu é dan kɛlɛ lɛ ana bléyi faa ma. Yé bladi valé nyanadi koo, flinyinu koo, moné dɛrɛnu koo, Gakelebale kozé Bale lé fɛtinu koo, balebanwinu lé wa kyɛ blé, maa dan wo nɔ lɛ ana ’bɛ bléyinu va, Izraɛlnu lé bélidɔwe lé, é ’ka nyaan lo, a yɛrama.

2 Minwiinmunu lé Wezuofe Sɛbɛ 23:18

Jéojada Gakelebale lé kɔn gi nyanama bɛ pa Balebanzannu lee é ziin. Wa Lévinu lé David wo dɔ Gakelebale lé kɔn gi, wo nya, léé, balebanwinu lé wa kyɛ blé, ’wo wo nɔ Gakelebale lɛ, bélidɔwe lé wa gyɛ Moizi lé sɛbɛ gi, a yɛrama. ’Té wo gi éé nanaan, ’té woo lɛrɛnu vɔa, David a fe fɛan zo, a zo.

2 Minwiinmunu lé Wezuofe Sɛbɛ 31:3

Minwiinzan blɛn ’é leefɛ kenu nɔ balebanwinu lé wa kyɛ blé, wo nya; bladi valé nyanadi zé koo, flinyinu zé koo, moné dɛrɛnu valé fɛtinu zé koo, é wo nɔ, fɛan zo lé wa gyɛ Gakelebale lé bélidɔwe gi, a zo.

2 Minwiinmunu lé Wezuofe Sɛbɛ 8:13

Fɛan Moizi a fe léé, wa nɔ yi faa do do ma koo, flinyinu koo, moné dɛrɛ bɔralenu koo, fɛtinu koo, wozé bléyi va, yee lé Salomɔn a no; lɛɛ do do gi fɛti yaa, buru lé lévɛn ’ka a va lo koo, flɛyinu lé fɛti koo, fɛti lé wa kɛla faa wuo koo, é ’bɛnu é kɛlɛ.

Ezidras 6:9

Winu lé wa kyɛ blé lanu lé Bale lɛ, ’wa nɔ yi faa do do ma, Jérusalɛm lé Balebanzannu dére nya, té a yi do é gié a ta lo, léé, wo saraka gin nénénu bo lanu lé Bale lɛ yé ’wo bazoro minwiinzan blɛn valé é benu tɔ ma léé, ’wo vo é yuɛma. Fɛnu lé é a lé wa nɔ, wo lé ke ’ko: Diriboronénu koo, ’blagɔnénu valé ’blanénu koo, burupun zima koo, wɛ koo, nwɛ valé nyɔnɔ koo, woo lé.

Néémi 10:33

Bale ’lɛburu koo, blɛ lé a nɔle ’ka nyaan lo koo, balebanwi lé wa kyɛ blé, ’té a nɔle ’ka nyaan lo, ’té é ke flinyinu koo, moné dɛrɛnu koo, fɛtinu koo, wozé nya bɛ, yee koo, fɛnu lé ke é pale é yɛrama koo, Izraɛl lé wenyané ’yibo sarakanu koo, we faa tere lé wa kɛla kolé Bale lé kɔn gi koo, woo siklagɔɔli no yee nyanamanu ’ko lé we ma, lɛɛ do do ma.

Ézai 1:13

Té ka an ban boafɛ nya é dɛrɛ lo; lasikɔrɔpo koo, moné dɛrɛ fɛtinu koo, flinyinu valé zénle ékevanu koo, wo faa an bli la naanaa. Wenyané lé ka kɛla kalé fɛti blɛnnu bléyi va, maa ’ka dɔa ’bɛ nyi wuo lo.

Ézékiɛl 44:24

Dé we bɔ munu méléna, é a lé wa we ble anlé bélidɔwenu yɛrama. É a lé wo anlé fɛtinu faa lé bélidɔwenu kɛlɛ, yé é a lé wo anlé flinyinu ye wolé yi nyané nya.

Ézékiɛl 45:17

Sarakanu faa lé wa bo fɛti koo, moné dɛrɛ bɔrale koo, flinyinu koo, Izraɛl lé fɛtinu faa koo, wo nya, ’bɛ faa a wo nwiinzan nwiin kɔné nya. Wenyané ’yibo saraka koo, blɛ koo, balebanwi lé wa kyɛ blé koo, bɔvɔ saraka koo, yee ɛ wo no Izraɛl munu lé wenyané ’yibo saraka nya.

Ézékiɛl 46:11

Wo dan blɛfɛ nɔ lɛ fɛtiyinu valé zén‐ékeva plɛplɛ yinu nya; dirigɔné va fɛ lé ke burupun zima vlekyɛɛ nya do, ’blagɔné vafɛ lé ke burupun zima vlekyɛɛ nya do; yé é dan ’blanénu vafɛ nɔ lɛ élé blibɔmale nya; vlekyɛɛ nya do va nyɔnɔ a litré suiɛdo.

Lévinu 9:15

’Bɛ zuo, é munu lé saraka bo. É munu lé wenyané ’yibo boligɔné si yé é a bɔrɔ bo wolé wenyané ’yibole we ma, é a vininzan gyɛ fɛan zo, a zo.

Mi Nɔnɔle 27:23

É ’é bɛ pla a ta, yé é wenu pla a lɛ, fɛan zo lé Gakelebale a fe a lɛ Moizi lɔlu nya, a zo.

Mi Nɔnɔle 28:2

Dé a bléyi bɔ, ’wo an banfɛ nɔ an lɛ, fɛnu lé wa kyɛ blé, ’té maa a gin sié néné, a nya.

Mi Nɔnɔle 7:15

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Galasi munu 4:10

Yinu koo, monénu koo, bléyinu koo, lɛɛnu koo, ka a wolé we kɛlɛna.

Kolɔs munu 2:16

Bɛwemalé, té ka nyi si léé, mi do é ka béli dɔ fɛblele koo, fɛminile koo, fɛti lé we koo, moné dɛrɛ lé we koo, flinyi lé we koo, wolé we ma lo.